تعالووو شوفو التماسيييح عند الاشاااااره

--------------------------------------------------------------------------------

اليوم أعرفكم على أنواع الشباب الى في المنتدى اذا وقفو عند لاشارة

النوع رقم 1: السكب
هذا النوع إذا وقف تلقاه يدخل جو ويقعد يتخيل ويناظر بالدركسون ويندمج

حتى اذا فتحت الإشاره يبيله ساعه علشان يفك من التتنيحه ويمشي

تكون الإشاره وقتها طفت ف يضطر انه يدخل جو مره ثانيه

النوع رقم 2صمت الاحزان
هذا طال عمركم إذا وقف مغير يناظر وج بالمرايا شوي ويدخل فيها يا أنه يعدل الشخصيه ولا يمشط شعره وغالبا يكون موجه المرايا على وج ومخلي القرعه ترعى000


النوع رقم 3: مطنش السوبر

هذا نوع يموت ويشوف الناس تناظر فيه وعادة مايكون مرفع صوت المسجل على الآخر

وفاتح النافذه عالخفيف حتى لو أنه مشغل المكيف وحتى لو الناس صيف أهم شي

الي حواليه يناظرونه وإذا شافك تناظره يقعد يطالعك من تحت لتحت ويبشقلك ابتسامه صغيره

بحيث انك تبتسم ضاحكاً عليه وهو يفكرك معجب فيه وإذا فتحت الإشاره يمشي قدامك

ويضرب لك إشارات يمين يسار

النوع رقم 4: @لعيونها@
هذا النوع يكثر لدى أصحاب السيارات الفخمه ,, أتحداك توقف عند إشاره ماتلقاه ماسك النقال

ويكلم ومميل راسه على جمب شوي ويضرب في القزازه وتلقاه يناظر نظرات ذكيه يشوف هل

فيه أحد ملاحظ أنه يكلم ولا لأ ؟

النوع رقم 5 :داخل جو الى اهو شخابيط

وهالنوع يجيك مقفل النوافذ ومشغل المكيف صيف وشتاء ومرفع صوت

المسجل عالآخر ومنسجم مع الأغنيه وقاعد يغني مع المطرب ولا بداري عن الي حواليه

مع أن الي حوله ملاحظينه بس مادرى عنهم ولا طق لهم خبر وطبعاً يقدر الفن الأصيل

ملاحظه : إذا تبي الناس تناظرك يعطونك اشكل وإذا ماتبي يناظرونك تلقاهم ناشبين ببلعومك

النوع رقم 6: عزوز

هذا النوع ماتحلى له السيجاره الا إذا وقف عند الإشاره ويفتح النافذه على النص ويجلس يسحب

سيجاره عند كل إشاره لين مايوصل إلى وجهته المرتقبه ---> عاد تكفى الوج رايح القهوه00


النوع رقم 7: بلوتوثي حاشر السحالي بقوطي

يتميز من يتصنف هذه النوعية بميزة البثاره , ماغير يسوي بحث عالبلوتوث ويرسل للي بجمبه

بالإشاره وعادة مايحاول يستظرف ويرسل لك رقمه مع أن النك نيم حقك وأضح أنه حق تمساح

بس البثر بثر ياجماعه ماباليد حيله غير الدعوه بالشفاء 0000



النوع رقم 8:: الباحث عن البنات نادر الوجود
يميز الجيل الجديد من المراهقين بميزة جديده وهي الترقيم بطرق جديده يعني لو شاف بنات

بجمبه وحب يرقمهم يجلس يطامر ويحوس ولا يسوي بريك بنزين ولا أنه يحط المعروض الي

مكتوب عليه السياره للبيع ورقم الجوال وحظك نصيبك تدق ولا ماتدق

مع أنه جالس يحتريها من الصبح000


النوع رقم 9: لايمكن الإتصال به الآن -عاشق قمر-
هذا النوع للمتزوجين والمواعدين فقط

تلقاه داخل عالم ثاني مع الي بجمبه وساحب على أبو الدنيا ومافيها , والله يحق له ماينلام

بس أحذركم لاتقعدون تطالعون فيه والله الي يحقد عليك ويحدك حدّه أليمه يصعدك الرصيف00



ه تمااااااااسيح أنا لكم بالمرصاد خخخخخخخ

الموضوع الاصلي  من روعة الكون