الفرق بين الحريم والبنات

* الفرق بين الحريم والبنات *

*الحريم في السوق :شحلات ذا الجلابيه كل وحده تقول الزود عندي خاصه ذا الزرقه والعنابيه / البنات :شفتي البرمودا مع البدي ودخلي عليه الجكيت مره ستايل.

*اذا طلعو مع بعض ووحده قالت بتشتري شي وتأشر عليه راحت اللي معها وشرته قبلها ماتشوفها الا عند الكونتر جالسه تحاسب /البنات:مرره كييوت كل وحده تطقم لخويتها وتنسى نفسها.

*اذا شافو حزامات قالت ذا جسم علينا نشتري حزامات خليه لرواعيه ذا الابني يلبسونه ويتخصرون فيه /البنات:تشوف عليهم زحمه كل وحده تقايس من فوق العبايه س:يأختي ممكن اجرب اللي عندك؟

*اذا راحو محل عبايات أول ماتدخل المحل عطني عباة شامبو واذا سألها عن الموديل قالت ساده او على ذوقك وتلقين ذوقه دماار خبركم بالهنود /البنات:السلام لو سمحت آخر موديل عبايات نزلت شنهي 0(باتمان_الفراشه _السمكه_البشت)ok,koأبغى الاكمام جديده غير المعروضين والالوان مميزه ماتم لون ولا تم رسمه الا في ذيك العباه

*عاد اذا دخلو محلات الجزم تضيع معالمهم اذا شافو جزم البنات من رفعها وكلهم بصوت واحد من ذي المجنونه اللي بايعه عمرها ناويه تتكرفع على وجها تلبس ذا الرفع ويطيرون عند الجزم الواطيه واللي عليها تخفيض أرخص لها الا ماندر ولا تطيح عينهم الا على الجزم الجلد علشان تكون عملية أكثر وتتم عندها 5سنوات وكل مره تلبسها وكل يوم تقول جديده /البنات:اذا دخلو محلات الجزم وشافو الصنادل والجزم الرفيعه واااو مره ستاااايل مع تنورتك القصيره ولاشوفي البوت مع اللويست الجنز وااو وطبعا اخذي مسخره على جزم الحريم واذواقهم .

*عاااد هذا الفرق سبشل تقريبا في دول الخليج كلهم وخاصه الشرقيه والكويت اذا جاو يردون على التلفون .نعم .السلام ونص المكالمه تضيع على حياتش الله _الله يسلمتش /البنات :الو (كان احد لاحقهم)اهلين ونص المكالمه.ok

*في اختيار الشنطه كل وحده شنطتها اكبر منها واذا فتحتها ماتشوف الا ادويه ومراهم حتى الفازلين فيها ونادر مكياج تلقاها ناسيته ومحزر /البنات:شناطهم ماتكفي غير الجوال ومحفظة make upوبطاقة الصراف هذا اذا ماحطتها في جيب البنطلون.

*عاد اذا جينا عند الاظافر مقرضين حتى الجلد طالع /البنات :أظافرهم كأنهم جناني من طولهم (يمه بغيتي تكسرين ظفري وماتمشي الا ومبردها في يدها)

*في القصات شدعوى بتختار هي القصه توكل الفلبينيه تقص لها على كيفها ولا تأشر على وحده شافتها في المشغل وتقولها قصيلي مثلها تناسبها ما تناسبه تمشي عليها/البنات:ماتم كتلوج ماتفرر فيه الا قصيلي مثل الفنانه ولا المذيعه وأهم شي تكوون ستاايل وعلي وعلى الطريق خصليه.
انشالله يعجبكم وللامانه انا كاتبته...ولوانه فيه بعض المبالغات في الحريم مساكين.

الموضوع الاصلي  من روعة الكون