..( قــوافــل جــرح )..

فـ ليله .. بَدرها غافي ..
و ضحكة نجمها دمعه ..
على وجه الظلام إلَِّي ..
طَفى من لُوعِتَه شمعه ..
حنينه مَعْه متجافي ..
.
.
تأملت فـ غموض الصمت ..
فـ ليله ما بَـها إحساس ..
تأملت السكون إلِّي ..
يفوووق بصوته الأجراس ..
و شفت الصمت !!!
جموده .. حيرته .. حِزنَه ..
معاني في ملامحها ..
جروح الكون مِخـْـتـَـزْنـَه ..!!
.
.
... و أنا اْتأمل ..
سريت بفكري العاثر ..
على دنيا سكنها الجَرح ..
لقيت الدمع مِتـناثر ..
و قمت أسألْ ..
قبور الفـرْحْ ..
عن الفرحه ..
متى فـ قبورها باتت ..؟
متى غرقت فـ شوك الجرْح ..؟
يا دنيا ... متى ماتت ؟؟!
.
.
و جاني الصوووت ..
لكن .. تَخنقه غِصَّـه ..
كِنـَّه .. حَشرَجَة روحٍ ..
تصارع بالكلام المووووت ..
و تروي بالأسى قصه ..
و كل قصه .. لها أبطال ..
و كان الصمت بغموضه ..
أول و آخر الأبطال ..
هُو الجاني ..
و أول من وقف يشمَتْ ..
على الأطلال !!
.
.
غدت من بعدَه الدنيا ..
بقايا دروب مجروحه ..
على أطرافها تسكن ..
قبور الفرْحْ ..
لها آهات مَبحوحه ..
و كل مِدَّه .. تمر بهالدروب ..
إما .. جَنايز ..
أو .. ( قوافل جَرْحْ )


للشاعرة : فاتن ( عاشقة الشعر )

اخـوكـم ومحـبـكـم..الــوافــي..

تحــيــاتــي..

الموضوع الاصلي  من روعة الكون