 |
|
 |
|
اسمعيني وافهمي معنى الكلام....... للكلام احساس وانتي تسمعين
جيت اوّصل نبض قلبي باحترام...... باحترام شويّ وشويه (.....)
كل شخصٍ في طريقي له مقام.......وانتي مالك ايّ مقام.. اتصدقين.؟!
ايش يعني لا تناسيتي الغرام..؟!! :> و ايش يعني لو بغيتي ترحلين..؟!!
روحي يالله ولا تزيدين الملام............ غصب عنّك ياغشيمه ترجعين
تحسبين البــُعد مفتاح الوئام.............وتحسبين القلب في بـُعدك يلين
مادريتي قلبي قاسي وما يــُلام........لو قسى اكثر من غدرك طول السنين
ادري مثلتي عليّه بانتظام............كم سهرتي في الظلام لتخططين..
لأجل أخضع في طريقك بانهزام...... الغريب انك غشيمه وتجهلين
ان عشقي صادقٍ مثلٍ الحسام...........لو غدرتي ما اظنّك تسلمين
ماعرفت ان غيابك انتقام............ لوقت شفتك في قلبي تطعنين
كنت شاعر غصب عنّي مـُستهام...كنت طيّب واحسب انك تمزحين
لوقت ماقلبك نزع زيف اللثام...............والحقيقه ماعرفتي تخدعين
تخدعين انسان طيّب..؟ مو حرام...... تخدعيني وانتي لله تركعين..؟!!
ماخدعتيني بغدرك و لا بالغرام.............. ماخدعتي غير تيار الحنين
قلبي قبلك كان بافضل مايـُرام......ويوم رحتي كنت اظن انك ترجعين
و وقت ماحاسبت نفسي بالتمام..........واكتشفت اني اساساُ مو حزين
من يبيني مرحبابه والكِرام.........لا عشقهم شخص صاروا طيّبين
لاعشقتيني اجي كلّي هيام...........تطلبين اللي تبين وتاخذين
تاخذينه قبل توفين الكلام......مــُختصرها..؟ قبل مــَنتي ترمشين
بس لاصرتي تحبين الخصام......تب تعضين الاصابع.../تندمين
في النهايه اسمعي..!! يالله سلام....بكرى والله غصب عنّك ترجعين |
|
 |
|
 |
الموضوع الاصلي
من روعة الكون
آخر 10 مشاركات
11-07-2007, 11:26
العرض العادي
