قصيدة اعجتني لشاعر حامد زيد

قصيدة اعجتني لشاعر حامد زيد
حبيت تشاركوني فيها

يوم ثارت في جنون مـن جنـون الــــجاهــــليـه
عاتبتني ليـن شبـت فـي شرايــــــينـي لهــــبهـا
واستــــــفزتنـي وفـزت وزعـــــلـت منـي عليـه
وستضاقت من كلامي يـوم زعلـــــــنـي عتبهـا
من بعدها ما بقى لـي فـي محانيــــــــــهـا بقيـه
اســـــــدلت دمع المحاجر للبكـا ورخـت هدبهـا
والله انـــــــــي مانويـت ابـدي معاهـا بالخطيـه
بس هي اللــــــــي تعدت حدهـا لحظـة غضبهـا
والله انـي كنـــــت اكابـر بالعـــتـب بحسـن نيـه
بس ابدري هو صحيح اني الوحيد اللي عجبها
يمكن اني كنت قاسي بالعتـب معهـا شــــــويـة
كثر ما كانت تمنى راحتـي واعشـق تعبــــــهـا
جرحتني بالكـلام وكبـرت حــــيـل القــــــــضيـة
واخسرت بي كل عـرق من شرايـــيني كسبهـا
ولا هـي ماكـــــان فيهـا للمـوادع مقـــــــدريـة
والجفا كانت تعافه بــس مـدري وش قلــــبهـا
ليــــتني مارحــــت اقيـاس قيمتـي عنـد بدويـة
رجـــــعت لـي كــــــل عـرق حــبهـا ولا نهبهـا
وعلمتني كــيف بالجفا وانتصر وابقى ضحيـه
وعلمـــــــتني كيف قلبي لـو غلبهـا مـا غلبهـا
وعلمـــــــــتني يـوم صـدت عنفـوان الاجوديـة
ماتلـوح للمــــقفـي لــــــــو سلبهـا مـا سلبـهـا
رابية بين القبايل والعـرب واهـل الحمـــــــيـة
عاقلـه ماتبـذر إلا نخلـة تعــــــرف رطــــــبهـا
إن تهادت ذكرتنـي فـي خفـــــوق الــــعامريـه
وإن تمادت تركب ابليس الرجيـم ومـــاركبهـا
جفنها لا سلهمت به مـا يطليـق الســـــامريـة
تسحبه برضاه عينه وان سهت عينه سحبهـا
وان حكت تعطي مكانه للحـروف الابــــجديـة
كـن كلمتهـا تلفـت للكـلام اللـي عقــــــــــبهـا
والحروف اليـا تعـدت بالشفـاه النـــــرجسيـة
كنها صارت قصيـدة بـس ربـي ماكتـــــــــبهـا
وش بوصف من حلاها وش بخلـي للــــبريـة
مابها بالحسن عيـب واكشفتـه الا حجـــــبهـا
شعرها فيه الخوي اللي تبـرى مـن خــــويـه
والشفا لو تشرب الما واختلط فيهـا شـربهـا
كن في ضمة شفاهـا جمرتيـن بنـار حيـــــــه
كل من حس بدفاها وحتـرق صـد وقـــــربهـا
شفتها مثـل الجريمـه وابتليـت ابهـا بليـــــــه
غلطة ٍجيت اتحاشى ظلمهـا قلـت ارتكـــــبهـا
كل شـي شفـت فيهـا فيـه نبـره جـــــــــــاذبيـه
موهبة من فضل ربي واشهـد ان الله وهبهـا
كلـهـا لله بلـله فاتـــــــــــنـه هــا لآدمـــــــيــه
عاجبتني من بداية راسهـا لا سفـل كعبــــهـا
لـو تبادلنـي شعـوري والهـــــديـة بالـــهـديـة
ماوفت لي لو تبيـع ثيابهـا واغـلـى ذهبـــهـا
همـــــلتنـي والقـــلـوب الجرهديـة جرهـديـة
وحرقتني والمحبـه نـــــــارهـا تاكـل حطبهـا
ولا انا ماكنـت اكابـر والليالـي الســــرمديـة
يمكن ان اللي غصبني للولع فيهـا غصــبهـا
ياخوفوقي وادري انك منت في حاجة وصيـة
شف مكاني وانت تدري وين هي يمة عربها
رح لها وان كان فيها قلب يطمح في مجيـه
شف طلبها في عروقه وان حصل تمم طلبهـا
وانشده وان قال عنها من هدر دمـي بريـــــه
قله ان اللي حصلـي بالمحبـة مـن سبــبهـا
ولو يقول اني تعمدت الخطـا لجــــل الأذيـة
قله انـي مـا تحمـل بالعتـب قلـه ادبهــــــــا
ولو يقول اني انا اللي كنت بـادي بالخطيـة
قل هي اللي تعدت حدهـا لحظـة غضـــبهـا




تحياتي ...

الموضوع الاصلي  من روعة الكون