وش السالفه يامراقبين مهم جداً للادره

الف شكر لك اخوي مشعل

على المسابقه الرائعه

وموضوع جميل يسوي حركه بالمنتدى

دمت بود

مشكور على الفكره الرائعه وسأشارك في القصيده لعيونكم

وقفتني من حلاها ورى صحرا القصيم =بالنفود وغيبة الشمس كانت حاريه
واقبلت تنثر على الغيم من طيب النسيم= طفله لاهي صبيه ولاهي جاريه
كنها اللي تنثر الغيم لوبالجو غيم =وكنها اللي باطرف الورد جت متداريه
الله اكبر من حلاها كأني مستهيم =لوعتني في حلاها ولاهي داريه
مادرت عن مشعل الروح له ضو وعتيم =ولادرت عن صادق البوح يوم اواريه
آه ياهي مستهيمه وانا اداري واهيم =في صباها منبت الشيب تقطع طاريه
آه ياهي صوبتني بجرح بالصميم =مادرت عن واقع الجرح يوم اداريه
كنها ياخوك تنثر صباها من قديم =وكنها اللي بدلة الستر منها عاريه
بيت شعري في حلاها لواقوله يتيم = وكاني ابكي من غلاها عيوني ظاريه
ينيت القمح السنابل وتتركني هشيم =عسكري ثبتتني يمين الساريه
جيت اشبهها بليلى واشبهها بريم= جيت اوصف وتركتني وقالت ساريه
راحت وخلتني اعزل وانا توي مقيم =رايقه بالورد تمشي وهي متماريه
مالت غصون من الورد للطيف الكريم = كن تترك في خطاها عيون جاريه
مع تحيات
عرق النفود

اول شي احب اشكر الاخ مشعل الشوق على الكلام اللي قاله واللي من خلاله

سبب فوضى والشارع فاضي .. اخوي مشعل من الفروض انك اذا بغيت تنبه اي عضو

عن اي خطأ او عن اي ملاحظه فيه شي اسمه رسائل خاصه ولا تسبب فوضا

وتجريح لأي عضو وانت بالطريقه ذي تشهر بالعضو عن خطأه واي عضو

راح يعرف عني او عن ولد ناس بنظرك ونظرهم اننا ناس فوضويين

اخوي اذا عندي مشكله بالرسايل ممكن انك تنزل موضوع عام لكل الاعضاء

موب تخص وعلى سالفة الميانه ما بيني وبينك اي احتكاك يا غالي .. يعني انت

في طريق وانا في طريق .. ومثل ما قلت لك تقدر تنزل موضوع ويتثبت هنا بالقسم

عن هالموضوع هذا وذاك الوقت لك وللأدراه الحق في حذف المواضيع

بدون العلم وحتى لو كان اشتكى العضو يكوون فيه عذر للأداره انه فيه موضوع

مخصص ويهتم بالامر ذا

ارجوا انك تتقبل كلامي بصدر رحب ..
/
\
/
مشعل الشمري

ردك الي قبل هذا كان احلى من ردك الاخير



واعتقد لو ماقريت رد الاخت اميرة شاعر ماكان كتبت الكلام هذا



بعدين انا كتبت في بداية الموضوع انني حاولت ان ارسل لك رسائل خاصه ولكن

الرسائل الخاصه كانت معطله امس


بعدين الفوضى الي تقول عنها ما اشوف انا فوضى وجهة نظر وتقبلها

واتمنى ان تتقيد في قوانين المنتدى

التي هي في الاعلى

واما التشهير ، انا قايل كلام يعيب او كلام يسئي الى كرامة كلا منكم


عزيزي / انا قلت كثرة المواضيع تميت الشوق لدينا فلا تحرمنا من جديدك ولكن ليست بالكثره ،


اتمنى انك تصير اكثر وعياً ،


شكرا لك

مشكور على ردك الاستفزازي .. دليل على ويعك

يالله المستعان



ينظر في امرك للاداره



وارفع القلم من هذه الصفحه

السلام عليكم ورحمة الله وبركاته


مسائكم ورد ، مساء القصيد العذب ،


اليكم هذه النماذج التي تم اختيارها بعد تجاوزها الشروط الاساسيه للمسابقه من وزن وقافيه ،


التصويت امانه ، وصوت لافضل قصيده تراها بنظرك ، دون التحيز الى شخص ما ، واتمنى من الجميع

التصويت ،


اليكم النماذج

الشاعر / prince10

قمت أتذكر وقتنا كيـف قـاسـي
ـــــــــ كيف الضعٌيف دايم الدوم ينداس
فكرت حتى شاب لـي شعـر راسـي
ـــــــــ دورت منـهوخوتـه ترفـع الراس
دورت من في ضيقتي لي يواسي
ـــــــــ عجزت ألاقي من ينسيٌني الياس
ذرفت دمعٍ مثل سـيـل الـرواسي
ـــــ من عقب روحٌ طيب العرق والساس
صرنا نعـيش أيامنـا في مـآسي
ــــــــ وأيام دايم تفقد القلب الإحساس
كني أعيـش بوسـط لعبت كـراسي
ــــــ بقت لمنهو دايـم العـمر دواس
مايدري إن حسابنا بالمقاسي
ـــــ وإن البقاء لمبدع الكون والناس
كنت أتمنى ينـصـلح حال نـاسي
ــــــولا انظر لواحد دايم الدوم مـنـحاس
ودي بمن هومنزله تـاج راسـي
ـــــ ويذكر بكل الخير فـي كل الأجناس
واليا نخيته قام هز الـرواسي
ــــ في شرع ربٍ يجلي الضيق و الـباس
هذي بوادر وقتنا إن كنت ناسي
ــــــ من عقبنا وش يجري لباقي الناس

××××

الشاعره / هجوس

إلى متى يانور عيني وأنا أرجيك
ــــــــ طول غيابك يابعد كل غالي
أنباح سدي والمشاعر تناديك
ـــــ والدمع من عيني مزونه همالي
أرحم خفوق بالحشى مغرمً فيك
ـــــــ مايوم عن طاريك قد قيل سالي
أهواك والله يامنى الروح وأغليك
ــــــ غلا على ما قيل ماله مثالي
يالله عسى ما البعد عني يسليك
ـــــــ آآمين قلها يابعد من غدالي

××××

الشاعره / قصيدة شاعر

لوعة مشاعر بين عاشق ومعشـوق
ـــــــ جمر الغلا يحرق مشاعر شجونـي
لهب نسناس الهوى جابـك الشـوق
ـــــــ لوعة فراقك شيبـت فـي عيونـي
مدري غرامك شوق ولا البطى عوق
ـــــــ روعة لقاك اليوم روعـة جنونـي
تشبة هتان الغيم في نظرتـي مـوق
ــــــــ هلـت عبايرهـا تفجـر سكونـي
تدري أحبك مـوت يامنبـع الـذوق
ــــ أرضك رموش العين تسكن جفونـي
لية الجفا ياصاح وأنت اللذي فـوق
ــــــ أصبحت لك دنيـا ودنيتـك كونـي
شيهانـةً دربتهـا الصيـد برفـوق
ــــــــ هديتهـا عقـب الشقـا للضعونـي
أشقيتها بقلبك وخربـك لـه سبـوق
ــــــــ غيرتها بلونـك ولا اللـون لونـي
لوعة مشاعر والجزء منك بعقـوق
ــــــ ضيقت بي دنيـاي والنـاس دونـي
تكفى نخيتك والمشاعر لـة شـوق
ــــــ لا تطري الفرقـا وتبكـي عيونـي

××××

الشاعر / شاعر الاحزان

أنا ما كنت أظن إني بأحبك وأعشقك وأهواك ..
ـــــــ وقلبي يالسـعـد والله بحبك زالت آهاته ...
تصدق يا نظر عيني .. ترى قلبي عشق ماطاك ..
ــــــــ نبض قلبي هتف باسمك وقلبي حب نبضاته ..
قلب قلبي .. عشق قلبه .. وقلب القلب .. ما ينساك ..
ـــــــ وقلب القلب .. يقلبني .. بصولاته .. وجولاته ..
تظن قلوبنا كثرت ؟؟؟!! فديتك .. والقلب يفداك ..
ـــــــ فدتك النفس هيمانه .. فداك القلب قواته ...
فـ(قلبي) زدت يا (قلبي) على هذا..وذولا..وذااك ..
ـــــــ بقلب ٍ مرهف ٍ صادق .. مصفي دوم نياته ..
عساني ما انحرم قربك .. واطمن قلبي بملقاك ..
ــــــ عسى درب الهنا دربك .. وأوقاتك من أوقاته

××××

الشاعره / شاعرةالمليووونksa

أبسألك عن شي يبكي بلادمــــــــــــوع
ــــــ ويحترق ويذوب لا من جرحــــته
يشبع ولاياكل ولكنــا به جــــــــــــوع
ــــــــ لا من بعدت عنه ولامن هجرتــه
ينطق بأ سمك لكن بهمس مسمـــــــوع
ـــــــ مايسمعه غيرك ليا من وحشـــــته
تعرف وش اللي دايم الدوم موجـــوع
ــــــ لي غبت عن عينه ولامن تركتــه
((قلبي))حلالك والاحاسيس لك طوع
ـــــــ وكل شيْ فيني والله انك ملكـــته
حبك بوسط القلب يازين مطبــــــوع
ــــــــــ انته طموح سنين اانا انتظرتــه
انت هنا في داخلي بين آل ضلـــوع
ـــــــ انت حلم اصبح حقيقه وعشـــته
شفت الزرع وشلون بالأرض مزروع
ـــــــ انت كذا حبك بقلبي زرعـــــته
كلمة احبك تشعل بقلبي شمــــــــــــوع
ـــــــ وتذوب لا منك طعنته وقتلته
×××××

الشاعر / رحاال

احترت في نظم القصايد والاوزان
ــــــــ من ضيقتي حتى القصايد جفني
احس في صدري كما حرب لبنان
ـــــــــــ كن القنابل والمدافع رمني
والا كما جونو ضرب ساحل عمان
ــــــــــ اللي مكن صور ومسندم مكني
اتقول ابيك تعيش مبسوط يافلان
ـــــــ وين السعاده وين لارحت عني
انت الصديق وباقي الناس عدوان
ــــــــ انت الحبيب اللي لحاله سكني
انت الذي يوفي بعهده ولاخان
ـــــــــ انت الذي مايوم به خاب ظني
انت الذي لاجله نزل دمع الاعيان
ــــــــــ والله لغيرك مانزل دمع مني
انت الذي غنيت به كل الالحان
ــــــــ فيك القصايد يالغظي يطربني
انت انت مامثلك خلق ربي انسان
ـــــــــ ياغايتي ياكل ذوقي وفني
وانا غريبن تايهن دون عنوان
ـــــــ عايش بغربه والزمان امتحني
تايه ودربي كله اوهام واحزان
ـــــــــ سود الليالي بالمصايب بلني
انا فعول الوقت في وجهي تبان
ــــــــ انا الزمن داخل رحاته طحني
××××

الشاعر / عرق نفود

وقفتني من حلاها ورى صحرا القصيم
ـــــــ بالنفود وغيبة الشمس كانت حاريه
واقبلت تنثر على الغيم من طيب النسيم
ـــــــ طفله لاهي صبيه ولاهي جاريه
كنها اللي تنثر الغيم لوبالجو غيم
ـــــــ وكنها اللي باطرف الورد جت متداريه
الله اكبر من حلاها كأني مستهيم
ـــــــ لوعتني في حلاها ولاهي داريه
مادرت عن مشعل الروح له ضو وعتيم
ــــــ ولادرت عن صادق البوح يوم اواريه
آه ياهي مستهيمه وانا اداري واهيم
ـــــ في صباها منبت الشيب تقطع طاريه
آه ياهي صوبتني بجرح بالصميم
ـــــ مادرت عن واقع الجرح يوم اداريه
كنها ياخوك تنثر صباها من قديم
ـــــــ وكنها اللي بدلة الستر منها عاريه
بيت شعري في حلاها لواقوله يتيم
ــــ وكاني ابكي من غلاها عيوني ظاريه
ينيت القمح السنابل وتتركني هشيم
ــــــــ عسكري ثبتتني يمين الساريه
جيت اشبا بليلى واشبا بريم
ـــــــ جيت اوصف وتركتني وقالت ساريه
راحت وخلتني اعزل وانا توي مقيم
ـــــــــ رايقه بالورد تمشي وهي متماريه
مالت غصون من الورد للطيف الكريم
ـــــــــ كن تترك في خطاها عيون جاريه

7

7

7

سبعة شعراء وشاعرات قدموا مالديهم لكي ينالوا اعجاب ذائقتكم

لم يبقى سوى تصويتكم ، التصويت يكون لاجمل قصيده تراها بنظرك ، وصوتك محط اعجابك

فان كنت صاحب ذوق راقي حتماً سوف تختار الجميله بين هذه النصوص دون تحيز ،

منظم المسابقه / مشعل الشوق

الله يعطيك الف عافية ياشاعرنا الرائع

مجهود جبار منك ياغالي

وفي الحقيقة القصائد كلها جميلة

وشعرائنا جميعهم رائعين

والمنتدى يفخر بوجود هذه الكوكبة من النجوم المبدعين

عساكم على القوة جميع ان شاء الله

وفالكم التوفيق ياشعرائنا

دمتم في رعاية الله ؛؛؛