الشمـــري الالمــاس

الألمـــــاس

أخطيت آنا وحقك على العين والرأس = كلمة ولا كانت بـــــودي وقصـــدي
ياسيدي لاتقهرن يكفي اليــــأس = ذبحتني بالصــد وانبـــاح ســـدي
جعل البشر تفداك ياسيد النــــــاس = صدك سبب ضعفي وجزري ومدي
أنتي ذهب وغيرك قراطيس ونحاس = ومن سبتك دمعي على صفح خـدي
أنت الذي تظهر محاسن للألماس = وغيرك اليا لبسه حديدن مصدي
ياغايتي أنتي عليمة بالإحســاس = وتدرين حبــك زايــدن ومتعــدي
أذكرك لاصارت هبوب ونسنـــاس = وأذكرك لامنك خجلتي تصــــدي
في بعدكم كني ربيطن بالاحباس = وفي قربكم كل الفرح لي يلــدي
يالله يامحصي عدد رمل الاطعاس = أتزين الأوضاع لاتصير ضدي
ادري تلاقي لك بديل مع الناس = وادري الاقي غيركم من تودي
لاشك بعدك يقطع القلب بأمواس = ويأمر على نفسي جنودن تشدي
ويدمرن من عالي الرأس للسـاس = أوامره تمشــي ولاهـــي تـــــردي
من شان هذا يابعد كل الاونـاس = يابعد عمي مع خوالي وجـدي
مابي يصيبك ضيق وهموم وعماس = افرح تــرى الدنيـا قديمــه يجـــدي
قالوا ترى الدنيا أذا ضقت طلماس = وإذا ضحكت الكــون كلــه يــودي
اردد الأمثال وأقول لاباس = آسف ترى والله ماكــان قصــدي

محمد الشمري