عجووز تتحدي ابليييس !!

[size=3]عجووز تتحدي ابليييس !!

السلامـ عليكمـ ورحمهـة الله وبركاتهـ

كان فيه أمراة عجوز قاعدة بروحها

وفجأة طلع لها ابليس ………( لقافه …. عاوز يتحرش ) العجوز خافت وسمت بالرحمن …قالها ابليس :أنتي يا مخرفة تظنين نفسك داهيه؟؟؟؟

العجوز: إيه أنا داهيه ……….. والنساء كلهن كيدهم عظيم خاصة العجايز

أبليس: أنا أتحداك……..وبنشوف مين كيده أعظم …..العجوز ولا أبليس

العجوز :خلاص أنا بسوي مشكله وأنت روح وحلها واذا ما قدرت أنا راح أحلها

وراح أفوز بالرهان. ( الرهان سن ذهب للعجوز )

أبليس : Ok Lates Go

فكرت العجوز بخطه وقررت انها تنتصر على ابليس شسوت

راحت العجوز حق واحد من( العربجيه) كان بطالي ما عنده شغل

وقالت له أنا بشغلك عندي فترة معينه بس….اذا تبي فلوس لا تتدخل ولا تتكلم وتوافق على كل شي اسويه .. (وافق الشاب لأنه طفش من البطاله ويبي فلوس ).

راحت العجوز ومعاها الشاب لمحل قماش وقالت له أنتظرني عند باب المحل …دخلت المحل وخذت قماش غالي وراحت تكاسر تاجر القماش

العجوز: رخص يا بن الحلال …رخص لي ولا عطيتك عين ألويت رجولك

التاجر :اذا أنتي ما عندك فلوس أخذي شيء أرخص ( قماش بعشرة دولارات قصدي جنيهات ه أو أستشوار لشعرك الطاير )

العجوز : ما أقدر ….لازم.... ولا يصير شيء ما صار

التاجر :ليش ؟؟ …..لهالدرجه!!!! …..شسالفه؟؟

العجوز:شفت الشاب اللي واقف عند باب المحل ..هذا ولدي ..يحب له وحده متزوجه وهي تحبه ولما تتطلق من زوجها …ولدي بيتزوجها

وهو قالي أن عارضتي الزواج بأطردك من البيت وأمرني أني أشتري قماش

غالي عشان يعطيه لحبيبته ولا راح يطردني من البيت مع أن البيت بالأساس

بيتي ولكني غلطت وكتبته بأسمه ( العجوز تبكي تخيلو المنظر ) وااااااااااي من كيد العجايز..

التاجر: خلاص هونيها وتهون والله كسرتي خاطري …. خلاص أنا بأعطيك القماش ببلاش …. وعسى الله يآجرني

العجوز طلعت مستانسه ( فاتحه فمها اللي مافيه ولا سن ) وقالت حق الشاب روح البيت ...........

و بعدها راحت العجوز لبيت زوجة تاجر القماش وطقت الباب وطلعت الزوجة

العجوز:آه يابنيتي أنا تعبت بالطريق و ما أقدر أكمل ممكن أقعد عندك أرتاح خمس دقايق .

رحبت الزوجة ودخلتها وأكرمتها وجابتلها شاي

العجوز:مشكوووووورة ما تقصرين ان شاءالله أردها لك ( تعمدت تنسى القماش ) وطلعت.

الزوجة:ياحراااااام نست قطعة القماش …أكيد بترجع بعد شوي وتاخذها

بروح أحطها بالدولاب.. ( ولو درت عن المصيبه اللي بتسويها كان خنقتها بالقماش )

تاجر القماش رد لبيته وتغدى ذاك الغدا السنع ونام شوي .قام العصر وفتح الدولاب بغير ملابسه عشان يروح محله ……مفاجأة ( يا إلهي ماهذا فاااار !!!!!!!)

(عفوا) قطعة القماش .... يابنت الاه .. تامر حسني ه ؟؟؟؟؟؟؟!!

وعرف أن المرأة اللي يبيها ولد العجوز هي زوجته يعني تخونه

قام عليها وطقها وطردها بالشارع بالهدوم اللي عليها.

الزوج : أطليعي برا أطلعي... دانتي نهارك منيل

الزوجة : مأدرش مأدرش ولادي حبايبي

العجوز كانت تنتظر هاللحظه في أخر الشارع فراحت لها تركض ( تخيلو المنظر )

العجوز: وش فيك يا بنيتي ليش تبكين؟؟؟

الزوجه : زوجي طردني …وما عطاني فرصه أتكلم .

العجوز: خلاص أنا باخذك لبيتي وأنا بروح أحل المشكله

راحت العجوز لبيتها ودخلت الزوجه في غرفة بينما الشاب كان في غرفه ثانيه ( ينتظر الفلوس الرجال .. ماشاء الله ) وأمرته أنه ما يطلع منها .

راحت العجوز للشرطه تبكي وتقول :كنت قاعدة في بيتي وفجأة ( طلع زوجي من القبر يبغى قهوه )

أقصد.... دخل رجل ومعاه مرأه وقعدوا ببيتي حاولت أطلعهم ما قدرت ( أحتلوا بيتي )

ذهبت الشرطه وقبضت على الشاب والزوجه …. فوضعوهم في بوزعبل قصدي بالسجن .

العجوز: هااااا .... وش رايك يا أبليس ؟؟ دورك اللحين انت حل المشكله اذا انت تقول ولد أمك حلها

أبليس : يا بنت اللذين نكبتيهم يرحم أمك طلعيهم ( ابليس يترجى العجوز تخيلو )

العجوز: أنا راح أحلها وكأن شيء لم يكن . وراح أربح الرهان ( السن الذهبي طبعا )

راحت العجوز تزور الزوجه بالسجن وقالت لها :أنتي ساعدتني مرة

وأنا اللحين بأساعدك ….. بسرعه ألبسي عباتي وغطي نفسك وطلعي من السجن كأنك أنا وأنا بقعد مكانك.

الزوجة:مشكووورة ….لكن أنتي ؟؟؟

العجوز: مالك شغل مثل ما طلعتك بطلع نفسي.

تمت عملية الهروب بنجاح…. ( رامبو )

الوالي أمر الحراس يحضرون المسجونين عشان يحكم عليهم

حضرت العجوز والشاب وقال لهم الوالي :ليش قابضين عليكم وشو مسوين؟؟

ردت العجوز:احنا ما سوينا شيء كنا جالسين ببيتنا أنا وولدي ولا الشرطه طابه علينا وماخذينا السجن.......

عصب الوالي وهزأ الشرطه( يخرب بيوتكم ) وما عطاهم فرصه يتكلمون ويقول:غلطانين وتبون تتكلمون . شين و قوات عين

طلعت العجوز من الوالي مستانسه وعطت الشاب فلوس وأنهت خدمته عندها.

راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من كثر التعب نست القماش عندها وأن زوجته بريئه

وقالت خذ قماشتك لأن ولدي سافر هو و زوجته الجديدة.

رجع التاجر زوجته وتأسف منها و راضاها بعد. ( انا اسف يا أم زكي دنتي حبيبتي ونور عنيه )

العجوز : وش رايك يا أبليس أنا فككت السالفه بكل بساطه .. تضحك ( هذي المره فاكه فمها بس بالسن الذهبي)

أبليس :أنتي ربحتي !!!!!!!!!!!! لا ما صدق ااااااااااااااه .... يبكي ويلطم

وعاد أبليس يجر أذيال الهزيمه والخيبه ( ه )

وما زالت العجوز تضحك وتقهقه حتى سقط السن الذهبي بكرشتها مسيكينه ما لحقت توريه خوياتها ...
-----------------------------------------------------------------

أتمنى انها تنال أعجابكم مش القصه لا العجوز ه
سقط السن الذهبي بكرشتها........زين ما طبت وراه ه تصارعت مع ابليس وغلبته عشان السن.[/size]

الموضوع الاصلي  من روعة الكون