يابو سعد وش بالليالي غدت سود
اشوفها بعيني تزايد غرابه
حالي تردى واصبح اليوم كالعود
والعمرماعاده بزهرة شبابه
حسبي على اللي حط بالقلب بارود
خلى السعاده والمواجع تشابه
خلى الحزن سجني وهمومي قيود
وحكي الخلايق مثل نهش الذيابه
يابوسعد شف صاحبي جعله يعود
مدري علامه قد تمادى بغيابه
وش به يجازي صادق الحب بصدود
قله ترى خلك ولا احدٍ درابه
صبرت قلبي من البطى وقلت ياكود
يطيب جرح زاد فيه التهابه
ماكل من فارق من الناس مفقود
وماكل واحد اقصده بالكتابه
لامن وصفته دايم اصير منقود
لانه خليط من الحلا والنجابه
ماكنه الا برق ومزون ورعود
وماكني الا أرض وارجي سحابه
وسلامتكم
وسامحوني على القصور
اخوكم
روح اجوان
الموضوع الاصلي
من روعة الكون
آخر 10 مشاركات
13-07-2007, 12:16
]
العرض العادي
