:+: ذكرياتي وانا مضيف بالطيران :+:

توظفت في الخطوط السعودية في وظيفة( مضيف في الطيارة ).. ومن طيبتي الزايده اخذت الأهل معاي في نفس الرحلة اللي بكون انا أحد طاقمها و بشتغل فيها لاني قررت أخذ إجازة 4 أيام مع أهلي في قطر .. فقلت لخالتي تعالوا معانا على نفس الرحلة علشان أوفر تذكرة لاني بكون مضيف على نفس الرحلة واذا نزلنا من الطيارة بروح معاكم ونجلس اربعة أيام في هالاجازه على البحر ونتسدح في هالكورنيش !!

ركبنا الطيارة وانا لابس لبس المضيفين وأخذت موقعي في الطيارة ومن سوء حظي حجزت للأهل كراسي في نفس المنطقة اللي بشتغل فيها مضيف .. ومن يوم ركبوا وجلسوا في كراسيهم جاك عاد التشرط وكن الطيارة طيارتنا .. حتى الشغالة طول لسانها وتتخانق مع الركاب تفتكر انا راعي الطيارة يوم شافتني كاشخ بلبس المضيفين ولابس كرفته !!

وبدأت الرحلة في الاقلاع وبديت في تأدية عملي وواجبي نحو الركاب ولكن حدث مالم يكن في الحسبان .... أول مامريت من عند كراسي أهلي ناداني ولد خالتي الصغير وقال : أحلااااااا .. يالكشخة .. وبدأ يتفلسف علي وقال : (عزوووز) جيب لي مويه فيها ثلج !! وشوي وتناديني الشغالة بالزر الخاص ويوم شفتها هي اللي نادتني قلت لاتلعبين أنتي وجهك .. قالت أنا أبي عصير برتقال .. قلت مالت على هالوجه !! وشوي واجيب لها العصير ويوم اخذته قالت مافيه مصاص روح جيب لي علشان أنا يشرب !! قلت اذا ماسكتي الحين باشوتك من باب الطياره ... والمشكلة أنها تتبسم كل ماجبت لها شي !!! < اخر زمن نخدم الشغالات

مشت الامور في البداية .. الا وأسمع صراخ وهواش ويوم ألتفت وأشوف خالتي ماسكة نعالها ورافعته على ناس وتقولهم امسكوا اعيالكم لا يقطعون اوراق ولا يوسخون طيارة (عزوووز) ( يفكرونها طيارتي ) !! وتقول كل شوي يقطعون عيالكم ورق والا يسحبون اسلاك التلفون والتلفزيون ووليدي (عزوووز) ماغير ينظف ويلقط عقبهم !! وجيت أركض لخالتي وقلت خاله واللي يرحم والديك اجلسي واتكلي على ربك واذكري الله هالطيارة مب طيارتي واللي ينظفون تراهم عمال نظافة لا تفشلينا !!

ويوم جاء وقت الغداء وتوزيع الاكل ... بديت أعطي كل مسافر وجبته .. وأسأل كل واحد عن الوجبة المفضلة .. دجاج والا لحم ؟ .. وفجأة .. سمعت خالتي من بعيد تقول للشغالة : قومي انقزي ساعدي (عزوووز) وخذي الصواني ووزعيها على الناس أنكسر ظهر وليدي كل شوي يدنق
المهم جلست الشغالة وراي وتقول للركاب : شووو يبغى أكل ؟ .. << يلعن ابو الوظيفه .. والاحراااااااااج !! !

شوي وجاني المشرف علينا وقال : (عزوووز) وش هالفوضى والازعاج عندكم هنا ؟ بالله خل أهلك يلتزمون الصمت فشلتونا بالله هذي حالة عااااد . واللي يصير هذا معقول ؟ << الود وده كان يذبحني

بعدها مشى من عندي وقلت للشغالة شوفي ماابي اشوف رقعة وجهك هنا ... وشوي وهي رايحه انتهز هالفرصة واشوتها بكل قوتي لين نشب خشمها في مرتبة الطياره !!!!!! <<<< والله من القهر

ويوم خلصوا من الأكل قالت خالتي للمسافرين : يالله يا جماعة كل واحد منكم تخلص من صينيتها تجيبها عند خديجه << ( أسم شغالتنا .. )) علشان توديها للمطبخ وتغسلها عن (عزوووز) هالمسيكين يتعب ويشقى
!! قلت : لحووووول .. وش هالورطة ؟

والأخت خديجه جالسه تدور على هالمسافرين وتجمع في صواني الأكل .. وخالتي تقول للمسافرين : عاد انتبهوا لعياالكم لا يوصخووون
وأرجع لخالتي وقلت خاله تكفين خلي كل شي مثل ماهو لاتدوخيني !!! والله بيفصلوني من الشغل على هالحالة !!

وكل هذا كوم .... وطلب الشغالة لي بتغيير بامبرز ولد خالتي الصغير كوووووووووم !! نادتني الأخت خديجه وقالت(عزوووز) تئااال . تئااال بسررعة . ويوم قربت لها وقلت وش فيه ؟ قالت : (عزوووز)خذ غير بامبرز حق بيبي!!!! <<< فاهمة الشغلة غلط الأخت خديجه تفتكر المضيف بيسويلها كل شي

ويوم وصلت الرحلة الميمونه لقطر ... أنتظرت المسافرين عند باب الطياره وكل ماطلع واحد قلت الحمد لله على السلامة وأهلا وسهلا . << اصووول الشغل .. ..
ويوم جاء دور أهلي وقلت لهم الحمد لله على السلامة وأهلا وسهلا .. قال ولد خالتي الصغير أحلا يا أسلووووب !! وضربت خالتي ولدها الصغير وقالت يالله عاد حول معانا انتهى شغلك وش تنتظر؟ بعدها شافني المشرف وقال يالله حول معاهم ولاعاااااد نشوف رقعة وجهك عندنا مرة ثانية وأعتبر هالاجازة طول العمر ولاعاد نشوفك مره ثانيه !!!! << الظاهر انه يقصد انهم فصلوني !!

ع العموم اللي يبي حجز ولا شي انا حاضر بس بشرط لا يقولي في الطايرة تعال ولا روح ماكنه يعرفني ..........


ادري ماراح تصدقون كن ماعليه اللي يبي يصدق يصدق والي مايبيي ماهو مجبور المهم نها حصلت معي وتعرفوني مااحخب النصب والخابيط دايم في السليم......اي

تقبلوا خالص تحياتي أخـــــــــــوكـــــــــم

الموضوع الاصلي  من روعة الكون