ُقصيدتي الاولى ...

بسم الله الرحمن الرحيم ..


هذي كلانت اول قصيدة كتبتها يوم كنت صغير كان عمري 14 .........وش عنده الشايب..
اقول فيها


من صد عنك لا تدور رضاه
ومن يبي قربك عطه ما يبيه

ومن روح بكيفه لا بد تنســـاه
واعلن على كل الدهر ما اجيه

ان كان تبغى راسك يكون باعلاه
خل المقفي لو ولد عم واغــــليه

والحب لو تطغي بحوره على مستواه
ما وراه الا العنا ووالله اني ما ابيـــه

لعنبوك من صد عني عمر قلبي ما رجاه
يشهد الله لو اخوي يروح عني ما ارتجيه

خل قلبي وابتعد لاعاد تسال وش بلاه
خله مثل ماهو دام ربي مبتليــــــه

ما انكر غلاه بداخلي لا والذي سواه
لا والذي سواه باقي بقلب مغليـــه

لــكن هذا انا من راح الله معـــــاه
من يبغى بعدي قلعته واجد اللي ما يبيه

ما همني لو شفت غيري شايل قلبك بيداه
ما همني والله من قلبك بين يدـــــــيه

وش باقي اندم عليه مادام ما قدر غلاه
ما دام ما قدر غلاه وش باقي اندم عليه

من لا تفيدك جيته ما تضرك فرقـــــــاه
ان جاء كان بها وان راح لا تشفق عليه

وان ضاقت الدنيا ولا فيه منجــــــــــاه
كف نفسك عن شح الناس لا تلجا اليه

وسلامتكم .........

الموضوع الاصلي  من روعة الكون