.. .. ...

10

( : ) ( : 0)

( : ) ( : 0)

( : ) ( : 0)

( : ) ( : 0)

( : ) ( : 0)

( : ) ( : 0)

( : ) ( : 0)

( : ) ( : 0)

( : ) ( : 0)

( : ) ( : 0)

 
  > (`._) (`._) >
 
 
LinkBack
  #1 (permalink)  
13-07-2007, 04:53
 
: Jun 2007
:
: 6,935
: 1231
111 111

12 .. .. ...





تدور هذة القصة حول احلام وردية تمتزج او بالاحرى تصتدم بالواقع المر الذي لا محالة ان هناك طبقة كبيرة بالمجتمع تعيشها لا اطيـــل عليكم ...

هذة تعريفات بابطال القصة

( انـــــــــا ) : مخلوق ذو عاطفة جياشة (( لا مانع من وجود بعض الغباء)املك وجها فيه معالم الجمال كلها (اهب يا جواد العلي ...)) الصدق املك وجة الله لا يوريكم ما ينعرف وجهي الا من المعالم البارزة الانف الاذن اثلول كبير براس الخشم ...الخ (( طبعا وجهي تتغير ملامحة سنويا من كثر التكفيخ والهوشات والمشاكل ومثلكم عارف معاناتي بحكم اني اكشخ واحد بالحارة -والزين محارب دائما-....))

( عبدووووش ) الطرف الاخر بالقصة : هو ذلك الكائن صاحب التركيبة الغريبة الخشن الملمس الذي يعيش على وجة الارض في حارتنا تحديدا ويقتات هذا الشيء اللي هو (عبدووووش صقيقي) على ما يعدة البشر من الطعام (( و للمعلومية -عبدووووش- لو يدخل التصنيف العالمي -لاقبح وجه في الكون- بياخذ المركز الاول مع مرتبة الشرف وضمان عشر طعش سنة ما احد ياخذ منة المركز الاول ..))

وابطال اخرون سيمرون معنا ومعكم في هذه القصة....
واليكم القصة........

عام الاول الله يعمي العدو كنت -انــــــــا وعبدوووووش- جالسين عند السوبر ماركت (( ياهووووه سوبر ماركت مرة وحدة كلها دكان ثلاثة في اربعه واكثر ما فيه الصابون وعلب التونة
والصلصه وعسكريم ابو باغه وعسكرم تماتيك قال سوبر ماركت قال .. )) اللي بوسط الحارة طبعا على الرصيف (( وبحكم اننا صيع =هاملين= لا وظيفة ولا دراسة ))
كانت شغلاتنا الوحيدة كالتالي سهر نوم همله لقافه على المتسوقين (( المتسوقين قال متسوقين قال اللي يسمع يقول عند -هايبر بندة- . كلهم خمسة ورعان وخدامات
الجيران والعمال اللي غاثين الحارة --ولافي الشنب- - -وعزوز مهجد الحارة- - -وزنيوط الخبل حق الحاره يالله لا تبلانا- )) ... كان الاذى ساكن في مخيلتنا وعايش على اطرافنا وكانو جيران الحارة ما عندهم شغلة الا الشكاوي علينا ؛ عبدووووش كل يوم يمحطة ابوه وانا بوي يفقع وجهي ركب ترفيع يعني انا وعبدووووش اعاقات عيون مورمة وسنون ثرم (( مكسرة )) المهم عبدووووش على الغباء اللي فية كان هو العقل المدبر والمخطط لجميع جرائمنا بحكم انه اكبر مني سننا. وفي يوم من الايام جات فكرة براس عبدوووش (( هو راسة اصلا فاضي ما فيه غير طلبات مطعم واسطوانات وجزء
من المخ عنده مفقود.... )) والفكرة كانت اننا نسافر للخارج ونفلها زي الناس (( بيني وبينكم كانت احلام فقط )) وانا اللي اقول لـ عبدووووش ابك نعنبوك يا عبدوووش كيف تبينا نسافر وحن مو حق روحة للكازينو من الفقر والبهاذيل بالقوة يالله يالله وبالقوه نلقا فلوس نشتري بها الدخان وتبينا نسافر ؛بس تدرون الفكره دخلت مزاجي وعلمت عبدووووش انها فكرة زينة بس وشلون ندبر فلوس نسافر فيها للخارج (( قال يفكرون قال والله من الدلاخه المستوطنة في روسنا يازين النوم بس )) قالي عبدوووش وظايف ما فية بس وش رايك نشتغل في سوق الخضرة (( حلقة الخضار )) وكلها كم شهر ونسافر وننبسط ياعم ونخليها خل وفجل هناك؛ وانا اتحلم اننا وصلنا للبلد اللي بنروح له وداخلين الشقة ولابسين شرتات ومخلينها جلا وانا غارق بحلامي (( الا وذيك الشرقية يوم صمخت وجهي وانا افز الا هو اخوي العود وكف وركبه وقرموع ويقول قم للصلاة ياغبي وانا اررررررررركض للمسجد واصلي ودموعي تتقاطر من القرموع يؤيؤيؤيؤيؤ ما تعرفون -القرموع- هو بوكس ينعطى في علو الراس ااااااااااه ويعور والدموع ما توقف ابد حتى لو انك متروش بشمبو لا دموع بعد اليوم )) المهم بعد ما صلينا وكانت صلاة العصر ذهبنا انا وعبدوووووش (( ذهبنا ام اللغه اللي اعرفها كثر منها يالغلا قال ذهبنا قال )) لسوق الخضره كالعاده رايحين على رجولنا (( كعابي )) ونخطط وش بنسوي اذا وصلنا سافرنا واخذنا الكلام لين وصلنا لسوق الخضرة المهم دخلنا الحلقة ورحنا قسم الخضروات ((الجمله والقطاعي)) ومن يد معلم في يد معلم وانواع الترجي وحب الخشوم لين طحنا في يد المعلم ابو علي من جنسية عربيه ((يماني)) ووافق بعد شق الانفس انه يوظفنا معه ((اهب يابو علي اللي يشوفنا وحن نترجاه يقول اننا مقدمين على الكليه الصحية ولا شركة الاتصالات)) -قصدي يشغلنا عندة- بالمقطوعيه - والمقطوعية في اللغه يعني بالايجار اليومي- (( يانا واللغه فاهم الاخ في اللغه العربية ..)) وبيعطي كل واحد خمسين ريال يوميا واللي يشد حيله ياخذ مية ريال طبعا من الفرحه خميت عبدوووووش ((بيني وبينكم اذا مشيت مع عبدووووش احط في خشمي فاين يعني اسده من شدة الروائح الكريهه في عبدووووش ... اخصك انا يالنظيف والله من كثر الذبان اللي يحوم علي ... لان عبدووووش من المحاربين القدامى للنظافه وبينهم عداوه مزمنة يعني ما يتروش الا بالمناسبات وبالقوه بعد واذا قرر انه يتروش الله يعين ابوه يعيد سباكة البيت مره ثانية وبالنسبه للصرف الصحي الله يعينهم حفريات بالحاره ومواصير مسدده وشغلات طويله عريضه ....الخ??)) ومناقزه من الفرحه واتفقنا مع المعلم ان بكره بيكون اول يوم لنا بالعمل عنده من بعد صلاة الفجر مباشرةً . ورجعنا للحاره كعابي كالعاده في مشاويرنا وافترقنا بعد صلاة العشاء على اساس ان عندنا عمل الصباح وبنام بدري . ((اهب يا نحن اللي يشوفنا يقول موظفين بارامكو )) واتفقنا قبل لا نفترق على ان الروحه للسوق قبل الصلاة بساعه وان لبسنا يكون موحد ((اهب ياهم لبس موحد اللي يسمع يقول بنلبس برشلوووونة ولا ليفربوووول ..مسوين كشخات ما اقول الا مالت علي انا وعبدووووش.. ما يدرون ان اللبس الموحد حقي انا وياه فنايل وزارة المعارف وسراويل ابو مطاط اللي تمسك في السيقان )) المهم افترقنا وكل واحد دخل بيته وانا اتوجه دايركت للديوانيه ابي ابشر ابوي اني حصلت عمل (( يؤيؤيؤيؤ ديوانية مرة وحد ياولد النعمه اخصك يا هو كلها خيمه مشققه ومحطوطه بطرف الحوش ومليانه دخاخين وقراطيس ولـــحف -لحف مفارش نوم للظيوف- خخخخخخ ))واول ما دخلت على ابوي وقلت السلام عليكم ما جاوبني الا الريموت مصفي طبلونه وفي الجبهه طننننننن ووراه الطفايه حقت الدخاخين في الراس قرممممع والبيالات -الفناجيل- حقت الشاهي واحد ورا الثاني وانا اللي اهج والشايب وراي وبيده الطاسه اللي نغسل فيها الفناجيل مليانه وهاتك حذف بالفناجيل من يميني ويساري ما اسمع الا صفير الفناجيل من جنب اذني وز وز وز وانا اخذ لفه بالشيب في الحوش انواع الطرد والحذف واختل توازني كان -اخثع- ((اخثع يعني تعرقلت حركتي وسقطت ارضا هههههههههه لغه الولد فاهم لغه)) وازحلق على وجهي والشايب ما صدق خبر وينقز علي برجوله الثنتين وانواع التشويت والترفيع ويتفنن في -الابواز- ((الابواز الشوت باصابع القدم .. يا انا مثقف ثقافه الله لا يوريكم )) والركب الا اخوي جاي على الصوت ويقول وش فيه عسا خير ؛ وانا استفزعه انا في وجهك يا فلان بس اهو شاف ابوي يفقع وجهي قام ونزل العقال ويمحطني ومنين يوجعك ((طبعا اخوي ما يدري وش السالفة بس هو يتبع المثل القديم -مع الخيل يا شقرا-)) وهاتك ترفيع وتمحيط وشوي الا ذاك الزول جاي وانا انتبه الا وهي المـــــاما ((اهب ياهووووو ماما مرة وحدة وعلى غفله بعد )) وتفتكني العجوز منهم (( طبعا ما سالتوني ليش ابوي استقبلني بالتكفيخ مباشرة وحصريا اهااااااااا... لاني في العاده ما اجي للبيت الا وجه الصبح وهو يوم شافني جيت بدري توقع اني مسوي جريّه =جريمه يعني= لان محسوبكم اذا سوى جريّه يجي بعدها للبيت مباشرة ويسوي بريء لين توصل الشكوى .. قال بريء قال )) وبعد ما افتكتني العجوز الله يطول بعمرها علمتهم اني لقيت وظيفه وهم اللي ينبسطون ويسالوني عن عملي وشووو قلت لهم ابد بتوظف بشركه كبيره وراتبي حول الالفين مؤقتا لين اترسم وبعد الترسيم يزيد الراتب وهم مصدقين المساكين (( ابك يالهيس الاربد اللي هو انا شركة مرو وحده كثير علي وظيفه بشركة دلـــة الم القمايم خخخخخخخخخ)) المهم انها عدت ذيك الليله على خير...

وهنا ينتهي الجزء الاول
اذا اعجبتكم ابنزل الجزء الثاني


******************
******************
ملا1111حظه مهمــــــــــة

الرجاء ممن اراد كتابت القصه او نسخها ان يحفظ الحقوق الكامله لي لانها ملك لخيالي فقط وانت تكون منقوله

 

 


111 111 ; 13-07-2007 04:55 : فني

30-07-2007, 01:31   : 2 (permalink)

 





: 64 [♥ Bé-Yêu ♥♥ Bé-Yêu ♥♥ Bé-Yêu ♥♥ Bé-Yêu ♥♥ Bé-Yêu ♥]
  315 / 1579

  3206 / 56418

19%

: 37


) : (( ),,,,,,

 

 

 

   


()


« 000 | »



10:45.

| | | | | | | | | | | | | | | | | | | | | | | | | | | | , | | | | :: " " :: |


- - -

Powered by vBulletin® Version 3.8.7
Copyright ©2000 - 2019, vBulletin Solutions, Inc.