بسم الله الرحمن الرحيم
السلام عليكم ورحمة الله وبركاته
هلا وغلا بأعضاء منتداي الحلوين وكل الزوار حبيت أناقش وياكم هالموضوع المهــم كثير اللي هو الصــــلاة
مايخفى على أي مسلم خاصة بالبلد الطاهر ذا أهمية الصلاة كونها ركن من أركان ألإسلام قال الرسول صلى الله عليه وسلم أو بأصح المعنى ((العهد الذي بيننا وبينهم الصلاة فمن تركها فقد كفر)) الزوووبده أنا ماطرحت الموضوع لأجل أوضح أهمية الصلاة لأنه شي معرووف لكن اللي أبي أوصله وأناقشه وياكم أننا وصلنا للأسف لزمن نادر اللي يحافظون على صلاته بأكمل وج يعني تجي تسأل فلان تقوله صليت يقولك ياخي ذا شي بيني وبين ربك وش خصك أنت وتحصل كثير من الناس اللي يأخر الصلاة عن وقتها أو يجمعها كلها بوقت واحد أو أنه مايصلي ابد مع الأسف أو انه يصلي فرض أو فرضين والباقي لا أو مثل بعض الشباب الله يسامحهم ويقويهم على طاعة يكون زين ويخاف ربه لكنه يهمل صلاة الجماعة ويقولك أنا أصلي بس بالبيت أو ...أو... الخ من صور الإهمال الكثيرة اللي نشوفها ونسمع فيها !!!
وأنا وربي اكتب هالموضوع لكم بحررررقه عليكم أخواني وأخواتي لا أبي منكم مدح ولاشي أبي منكم بس تدعون لي وأبي من كل شخص يقرا موضوعي هذا انه يراجع نفسه ويخاف ربه بكل شي ويأدي هالفرض (الصلاة)ولا يقصر فيه ابد .
والشي الثاني اللي ودي اطرحه لكم ذنوبنا !!!!
أي يالحلوين ذنوبنا كلنا مقصرين وكلنا نركض ورا ملذاتنا وشهواتنا والله يسامحنا بس ويفتح علينا أوسع أبواب رحمته الأغلب منا صعب يترك بعض المعاصي نهائي لكن اللي أبيكم تحاولون تصلحونه أن أي ذنب تسويه يكون له حد عشان أوضح لكم أكثر يعني الحين الأغاني الأغلب يدمن على سماعها بالسيارة وهو فاتح النت وهو لحاله وفي مع الأسف اللي ينام عليها نسأل الله السلامة خل لك حد بسماع الأغاني لاتسمعها يوميا اسمع يوم و3لا إذا جيت تسمع لاتكثر تذكر على طول أن هالاغاني هي اللي تسبب الضيقة والنكد ... العلاقات بين الجنسين: سبحان الله هي فطره بني ادم أي جنس يميل للجنس الأخر يحب يسولف معه يعرف طبايعه أسلوبه رأيه بالحياة ولا يهون الجانب الرومانسي والعاطفي ويتواصل الجنسين في الغالب عن طريق المسن الجوال المقابلات والطلعات وطبعا هذي كلها أشياء الله حرمها علينا وأمرنا نصون أنفسنا عنها وما يخفى على احد مضارها وأتمنى من كل بنوته وكل رجل إن يحط لنفسه حدووود وخطوط حمـــرا مايتعداها بعلاقته بالجنس الأخر إذا ماقدر يقطعها نهائي وأنا أشوف إن العلاقة للي ممكن تكون بريئة وما تجر كثير مصايب المسن تقدر تتعرف على الجنس الأخر تعرف رأيه بالحياة تستانس بسوالفه وغيره من دون مايضرك وتضره طبعا إذا كان كتابي بس مو مايك وكام فله ذا >>هاااي
وغيره كثير حااولوا دوم تخلون لكم حدود وخطوط حمرا بأي شي تقدمون عليه والله يهدي الجميع يارب والله يجمعنا بجنــــات الخلد >>>>>> آمـــــــــيــن
يلا أنا كتب اللي يحضرني الحين وأبي أشوف تفاعل وحماس وردود صريحة وواقعيه منكم ياأحلى أعضاء.....
فمان الله
الموضوع الاصلي
من روعة الكون
آخر 10 مشاركات
13-07-2007, 12:35
العرض العادي
