..لعنبو قصة غرام كلبووها كلمتين.. للي ((يــحــبــون))

السلام عليكم ورحمة الله وبركاته

قصيده أعجبتني وحبيتها لكم

وأليكم الأبيات



لعنبو قصة غرام كل أبوها كلمتين ....أبتدينا عند احبك وأنتهينا عند باي
تونا مامشينا في الهوى لو خطوتين .... وانتهى الموضوع هيك بكل سهوله تحكمين

وين أحبك وين اريدك وين ساكن حشاي .... يمكن أنك ماوفيتي يوم جيتي تعشقين
ويمكن أنك تحسبيني أتبعك من دون راي .... يمكن أصلاً ماعشقتي بس كنتي تعلبين

ويمكن أنك ماوصلتي في هواك لمستواي .... ويمكن أني ماعرفتك في الحقيقه وش تبين
ويمكن اني خنت نفسي يوم عطيتك وفاي .... علميني في الهوى ياجاهله وش تعرفين

تعرفين انك غديتي شي يجري في دماي .... علميني في العطاء والتضحيه وش تفهمين
لا نعنبو حيك علشانك سبت أقرب أقرباي .... كنت اشيل هموم قلبك وأرمي همومي وراي

كنت أطير من السعاده يوم أشوفك تضحكين .... كنت ذايب في هواكي مثل سكر وسط ماي
كنت نايم في العسل وأرسم من الفرحه سنين .... كنت أضنك قلب عاشق ماسكن وسطه سواي

ماوعيت الا وانتي في خفوقي تطعنين ..... ماوعيت الا وسيفك في الحشى رايح وجاي
ورده أي والله ورده بس عرفتي تجرحين ..... كل شي فيني جريح الا فخامة كبرياي

ماتأثرت بغيابك وش يعني دمعتين .... بكره أنسى صدقيني وأرجع بكامل قواي
أدري ان حنى أفترقنا بس أبفهم حاجتين ..... علميني وش كسبتي علميني وش خطاي

اصلاً الموضوع كله ماتعدى كلمتين ..... ابتدينا عند احبك وانتهينا عند باي



اخـوكـم ومحـبـكـم..الــوافــــي..







خـــالــص تحــياتـــي..

الموضوع الاصلي  من روعة الكون