طالعنا حنا واهلي للبر ونروح انا واخواني2 نتمشى الا ونلقى قدامنا مصبااح ونفركه ونفركه ونفركه ويطلعلنا ذاك الجني وقالنا اللي بيعطيني احلى قصه بعطيه الكنز ويجون اخواني ويقولون قصصهم وجاء دوري واقوله:
كان يامكان في ذيك الايام قعدت ارمي على الديك حصى وما ادري الا واكسر رجله المسيكين وقعدت ادور على شئ اجبص فيه رجله وما القى الا نواة تمر واخذه والفه على رجل الديك وراح المسيكين يلعب بالماء مع الدجاج مادريت الا وتنبت ذيك النخله من رجل الديك ويطلع به تمر ويجون بزارين الجيران ويرمون النخله يبون يطيحون التمر ومن كثر ماقعدوا يرمون الحصى وتتكون حصاة كبيره فوق النخله عاد انا قلت لازم اعرف وش اللي فوق النخله واخذلي حبل وانقــــــــــــــــز واثري فوق الحصاة الكبيره المهم والقى بستان فوق الحصاة والقى ذيك الجحه ((البطيخ)) واخذ السكين واضربه بالجحه واثر السكين طاح بوسط الجحه واخذ الحبل وانزل بوسطه والقى رجال يمشوون قلتلهم ما شفتوا سكين طايح
جاء الجني قالي امسكي الكنز بس بشرط وقفي لا تكملين القصه واخذ الكنز ونروح للبيت
((ترى كل اللي صار برجل الديك))
|