الســــلام عليكم وحمه الله وبركاته
بالبدايه اعتذر عن الغياب وعن التقصير... وهذا جديدي عله يشفع لي ولو بالقليل
 |
|
 |
|
الهوى جند العاشق وجالـه جنـود
دار ناس ٍ عجـز غيـره ولا دارهـا
شف معاك الغلا قاد المعاليـق قـود
وانت تعرف طوال الهرج وقصارهـا
صادق الوعد عيا في ضميرك يجود
والحشى من فعولـك والـع ٍ نارهـا
ياتسافـر وتبعـد ياتحـن وتعـود
ساعة القلب عنـدي دقـت انذارهـا
ياطريق المواصل ياطريق الصـدود
اقصر النكبه اللي طـال مشوارهـا
الهوى له حساب وله شروط وبنـود
لاتحسب الصغـار وتتـرك اكبارهـا
كم دمحنا وشلنا مير مامنـك فـود
تنكر العشره اللي بحـت بسرارهـا
يوم تنقص بحبك يوم حبـك يـزود
والدلايـل كثيـره عنـدك اخبارهـا
يشهد الله عليك وكل خلقـه شهـود
تهدم البنيه اللـي ثابـت احجارهـا
احترقلك غـرام وتحترقلـي جحـود
بانت اللوحه اللـي بـان مسمارهـا
مايمشي فؤادك غير ضـخ الوقـود
بالمصالح حياتك تضـوي اقمارهـا
كان شوقي لعينك شي مالـه حـدود
ولك بقلبي قصور ٍ عالـي اعمارهـا
كنت احبك واظمك عن عيون الحسود
وان لمحتك يميني تسبـق ايسارهـا
لكن اليوم عنـدي مابقالـك عهـود
طاحت العشره اللي طـاح مقدارهـا |
|
 |
|
 |
الموضوع الاصلي
من روعة الكون
آخر 10 مشاركات
14-07-2007, 12:37
]
]
العرض العادي
