مرحبا جميعا
حبيت اناقش الموضوع مع اخواني التماسيح وهو
ماذا تفعل لو وضعوا عندك طفل لا يتجاوز عمره السنه ...!!
طبعا
ابدأ انا بالكلام وهي قصه واقعيه تذكرتها صارت لي قبل كم شهر
بس لا تضحكون
لأن فعلا توهقت وكرهت اليوم إلي اخذت فيه اجازه....
ولكم القصه بالكامل :
بالأول انا شغلي تعب في تعب يعني احسابات وبيع شرا .... ما اقول الا الله يعيني ... قلت في نفسي ليش ما
اخذ اجازه اسبوع ارتاح فيها ... وبعدها بالفعل قررت واخذت الاجازه ... ما حبيت اسافر ... قلت ارتاح في البيت من
غرفتي الى غرفة المكتب ... والصلاة في المسجد ....
وانا جالس في اليوم الثاني من الاجازه او الثالث تقريبا مو ذاكر بالضبط .... انطرق باب الغرفة ... قلت اتفضل بالدخول ...
ياااااه شفت وجه ينور المكان :hapy: طبعا :imp: اختي وولدها تعجبت وانبهرت ... قلت : تو ما نور المكان اتفضلي ...
قلت في نفسي : الله يستر :wy: الزياره غريبه ... قلت لها خير ان شاء الله امري تدللي طبعا اهي وحيدتنا ولازم
اندلعها خخخخخخخ :wik:
قالت : ما يامر عليك عدو
قلت لها : اتفضلي ،،، اختصري من الاخر ،،،
قالت : طلبتك وما ابيك اتردني
قلت : عطيتك وانا في داخلي جرس يدق الله يستر كل شي عندها ما عليها قاصر واشتبي فيني ؟؟؟؟
قالت : اقولك وإلي فيها فيها ... اليوم يا يالغالي مربيت ولدي عطيتها اجازه لأن راحت السفاره لصديقتها ... وبالصدفه
اتصلت صديقتي وقالت لي اليوم بنتجمع وانروح عند صديقه والده ولازم نهديها هديه ..... يعني ماراح اقدر اروح
السوق فراح اهديها افلوس (( نقود ))
قلت لها افضل لج ولها.... بس شنو المشكله ؟
قالت ولدي ما عندي احد يمسكه طبعا قلت عندي الغالي اخوي كلها ساعه زمن وارجع ماطول
وانا اختصرت لك كل شي عطيته وجبته وبدلته يعني بس ابي الي يمسكه وتعرفه عدل هادئ ما يبكي ...
قلت : بس ما اعرف للاطفال .... قالت واهي تترجاني ... قلت خلاص روحي لا اتطولين ... وطبعا راحت واهي
فرحانه ...
جلست اطالعه وانا بروحي في البيت ... بس فيه خدم وانا ما احبهم بتاتا ...
قلت يالله اسوي فه تجارب .... عمره تقريبا 8اشهر توة يعرف يجلس ... اخذت عصير برتقال كنت اشربه ممزوج
بالليمون ...خخخخخخخخخخخخخخ يا ليتني ما عطيته خخخخخخ وكل ما عطيته افتر وج يمين ويسار وبعدها شفت
الكارثه ابتدا الولد مسكين اتلوع جبده وفجأه لالالالالالالالالالالالالالالالا استفرغ على ملابسه واختنق وانا انفخ في
وج ما ادري اضربه على ظهره تغير لونه والحمد الله بالاخير زين ما مات رد نفسه... :ek:
اتصلت في اختي وقلت لها ان ولدها دمر نفسه بالعصير .. تعالي اخذيه ... قالت توني في السياره لما الحين ما وصلت
تصرف اخذ ملابسه من غرفتي تلقى حقيبته على السرير ...
سكرت التليفون وانا 
كاره نفسي .... ركضت واخذت كل الحقيبه...
بديت اخلع له ملابسه زين ماخلعت ايده معاه وهو وريحته وبكيه أفففففففففففففففففففف مليت والله ...
وبديت البسه اسهل شي شفته ... ياه بدلته وشفته مازال يبجي قلت وانا اصرخ كيف هذا هادي ما ابي اجازف
واعطيه اي شي ثاني ..
اتصلت في اختي وسألتها : ليه يبجي واشلون تكذبي قالت لا والله مااكذب اهو اكيد عاملها في نفسه ويبيله تبديل...
طبعا اتا من الصدمه قلت لها اذا ما ييتي الحين راح احذفه من الدريشه (( النافذه )) ....
وبعدها توبت اجرب التجربه ..:001: :001: .
طبعا الحين ابي تكتبون تصرفكم اذا صار لكم الموقف
:blue:
تحياتي لكم:blue:
الموضوع الاصلي
من روعة الكون
آخر 10 مشاركات
26-09-2006, 02:59
العرض العادي
