قصــيدة بـنـت مغـبـونه

هلا احبتي هلا
هذه فتاه اسمها منيره كانت تحب حبيبها بشكل

جنوني وحتى يوم تركها وحب غيرها مازالت

منيره تحبه وحضرت زواجه بعد اترككم مع القصيده

وان شاء الله تعجبكم









جاني الخبر يا صاحبي واظلم الكون ==== قدام عينـي ثـم نطقـت الشهـاده

على العموم اقولهـا الـف مليون ==== مبروك من قلـب شكالـك ابعـاده

مبروك لا يهمك سواليف وضنـون ==== من عاشق يهديـك فرحـة فـؤاده

سو الفرح اليوم وابليـس ملعـون ==== واللي يشب النـار يجنـي رمـاده

انا اول العالم على القصـر يلفـون==== اول معازيـم الـفـرح والـحـداده

ابشر انا برقص على العرس بالهون ==== كـل يعبـر فرحـتـه باجتـهـاده

لو البلا رقصـي يقولـون مزيـون ==== المشكلـه القلـب يفـضـح وداده

يوم العذارى فـي دخولـك يغنـون ==== وعروستك باحلى ثوانـي السعـاده

كنـت اتمنـى بدالهـا والله اكـون ==== واحط انا كفي تحت راسك وسـاده

واشلون ابكتم صرختي يوم تمشون ==== تكفـى ..خذنـي للعروسـه قـلاده

حتى معازيم الفرح قامـو يمشـون ==== واصبحت انا وحدي بدون استفاده


وطفو علي النور من غير يـدرون === قصر الفرح يا قبر(منيرة)ومهـاده

وصيتي لو جاك بنت وانـا امـون==== سميتها لك(منيـرة) قبـل الـولاده





هذا الحب الصادق !!

يتمنى فيه الحبيب أن يعيش محبوبه في سعادة حتى وإن لم تكن معه...


دمتم بخير ومن الالام سااالمين

الموضوع الاصلي  من روعة الكون