من أجمل القصائد المقروءهـ وأن شاءالله تعجبكم
يانزعـة الواهـس اللـي ضيّقـت بالـي
يالله ياربـي تكافـي شــر هالنـزعـه
انـا اتصبّـر وزاد الـشـوق غربـالـي
حتى استضاق الفضا بعيني.. على وِسعه !!!
كنـي عليـلٍ يشـوف علاجـه محالـي
وفي كل لحظه يزود الحزن بـه جُرعـه
ماباقـي الا انفجـر واصيـح بالغـالـي
واقول انا ميّـت ان ماجيـت.. هالجِمعـه
ياوجـد حالـي عليـك إلا بـري حالـي
من يـوم قفّيـت كـن الـروح منّّزعـه
كنـت احسبنـي علـى فرقـاك بحتالـي
لكـن عقـب غيبتـك ماانكفّـت الدمعـه
اصفـح عـن وجيـه حسـادي وعذالـي
اللي علـي يفرحـون ان شافـو الهزعـه
ودموع عيني ماطاحـت يـوم الاهوالـي
يوم المصايـب لراسـي جـات مرتبعـه
مشتـال حملـي بفـضـل الله مشتـالـي
من طيب راسي ولاابغي من حدن فزعـه
بـس الهـوى مايفـرّق بيـن الازوالـي
ولاحدٍ يعارض علـى سلمـه ولاشرعـه
والقلـب نصفـه الاول كـنّـه التـالـي
سهوم الهوى لااغزتـه ماهيـب منردعـه
وانـا ذبحنـي غـلا ذربيـن الافعـالـي
وزودٍعلـى حبهـم لـي عندهـم طَمعَـه
غـرو ٍ خيالـه يخاوينـي ويبـرى لـي
اموت في شوفتـه وامـوت فـي سَمعـه
(لبـى عيونـه ولبـى زولـه الغـالـي)
ولبيـه كلّـه ولبـى جنـسـه وطبـعـه
شبعـان ذوق وحـلا وشـوي متعالـي!!
وبالملـح والثقـل ماهـو قاصـرٍ شَبعـه
ذاك المحيّـا مـتـى بشـوفـه اقبـالـي
اللي بـه الحسـن فتنـه والحسـن نَبعـه
ان طوّلـت غيبتـه بـمـوت طـوّالـي
قولو له اخـر وعـد عصريـة الجمعـه
انااشهـد ان المفـارق ضيـم واذلالــي
راعيه ماعـاد يطيـق أهلـه ولا ربعـه
معهم وكنّـه لحالـه فـي الخـلا الخالـي
غيبوبتـه تاخـذه والـنـاس مجتمـعـه
الموضوع الاصلي
من روعة الكون
آخر 10 مشاركات
15-07-2007, 01:56
]
العرض العادي
