◦ღ♥ஓ شــب الجـمـــــر °˚◦ღ♥ஓ

خالد الشمري · #1 (**permalink**) 16-07-2007, 12:09

مـات الجمـر وقلـوب الاحبـاب حـيـه
والـمـوت لا مـاتـت قـلـوب الحبـايـب

العـام كانـوا لـي مـن الاصحـاب ميـه
وقـت الـرخـا لـكـن جـفـوا بالنـوايـب

لاهنـت يــا قلـبـن شـكـى مــن خـويـه
كم راس من طعنات الاصحاب شايب

مــرات اقــول ان الخـبـل يـــا هـيـنـه
ولقيـتـهـم يـشـكـون ظـلــم الـقـرايــب

ومـرات اقـول الـنـذل لا رحــم حـيـه
واثر النذل في بعض الاوقات صايب

يــا نـفـس شيليـهـا عـلــى السـامـريـه
شيـلـة طــرب مـاعـاد فيـهـا طـلايـب

وش لـــي بتنـبـيـه الـقـلـوب العـمـيـه
وحنـا فــي هالدنـيـا دروب وركـايـب

ابـتــغــزل فـــــي هــذيـــك الـبـنـيــه
بـنــت تـفــل الـقـلـب فـــل الـذوايــب

كـــم بعثـرتـنـي واجمـعـتـنـي هـنـيــه
بنفـس المكـان اللـي جمعـنـا غـرايـب

يــا ضعفـهـا مـعـهـم وعـنــدي قـويــه
منـهـا غـــدا ثلـثـيـن قـلـبـي خـرايــب

مربـاعـهـا بــيــن الـعـيــون الـشـقـيـه
ومقيضـهـا بـيـن الـجـروح العطـايـب

مــا اقــول يـذبـح زينـهـا بـــس هـيــه
تلفـت لـهـا قـلـب عــن الـحـب تـايـب

ولا اقـول مـغـروره ولا هــي خلـيـه
فـيـهـا دلـــع طــفــل تـبـنــاه شــايــب

جــمـــال نــجـــد وفـتــنــة حـايـلـيــه
وش جـمـع الثنـتـيـن فـيـهـا عـجـايـب

الـيـا اقبـلـت بـيـن احـسـنـات وسـيــه
ياكثـر ذنـبـي بـيـن طـيـب وغصـايـب

والـيـا ادبــرت فـــي دمعـتـيـن نـديــه
قلب معاها وقلـب فـي الصـدر ذايـب

راح العمـر مــا بـيـن روحــه وجـيـه
يـاكـثـر غلـطـاتـي ولانــــي بـهـايــب

شـب الجـمـر مــادام الاشــواق حـيـه
وطف العتب والعمر ضحك ونصايب

الموضوع الاصلي من روعة الكون

بنت العقيد · 24-07-2007, 06:09

((دلووووعه)) · 24-07-2007, 06:45

◦ღ♥ஓ شــب الجـمـــــر °˚◦ღ♥ஓ

مــنــتــدى هــمــس الــقــوافــي