غزالن كل ما حاولت اشوفه .. طويل الطول من دونه غشاني
يتابعني بعينن كن هدبها .. حرابن في ملاقات السناني
نعيمن ناعمن لكن عوده كما عودن لدين الخيزراني
احب مشاهده والقرب منه .. لكن سلم العرب منه حداني
غزالك يا سليل اهل المعاني .. جعل قلبك من فراقه يعاني
وعنا بك يا بو مبارك ب وصله .. وييت لخافقي بالشعر عاني
هلا بك عد ما هلت مخيله .. وثار العشب في ذيج المغاني
وما غنت حمام الراعبيه .. بلحن هيّظ قلوب الغواني
رماني من سهوم العين واقفا .. عليه الوصف من ولد الدماني
ابا وصله ولكن وين وصله .. اذا عزت على النفس الاماني
فلا بعد المسافه لي منعني .. ولكن عزت النفس ومكاني
اذا هو من حشام الناس واثرى .. عليه يقال ولا يقول شاني
رماك بعينه النجلا حبيبك .. ولحظ العين شروات السناني
بعد ما صوبك بالعين قفا .. وعيت تسفك حتى الاماني
ولكن لي يحبك يا عظيدي .. بيبقى وافي طول الزماني
انا واثق بيرجع لك بشوقه .. ومن طيبتك بيعود لك ثاني
صحيح ان الليالي ما تخلي .. محبين على طول الزماني
ولكن انقضى صبري وضاقت .. بي الدنيا نصيت اهل المعاني
اوجا ل بو زايد عسى انه .. يساعدني على سيد الغواني
ل حيث انه من الخثرات جرب .. وعانى مثل ما انا اليوم اعاني
يا بو مبارك على بعده تصبّر .. وانته ادرى بأطباع الحساني
واذا ضاقت بك الدنيا تفضل .. انا قلبي وروحي لك مواني
غلاك بداخل عروقي ودمي .. ورتخص لك يا بومبارك عياني
من حروفك تعلمت القصايد .. ومن طبعك تعلمت المعاني
|
آخر 10 مشاركات
22-09-2007, 01:00
]
العرض العادي
