عز نفسي

كم شكيت من الليالي يوم خانت بالعهود

يوم غيري في حياته عايشٍ عيشة رغد

أتباهى بالنصر والهم فيني له وعود

وأتعذّر بالصبر والدمع من عيني بدد

أقبلي ياشمس عمري حرري كل القيود

أفتحي للحب صفحة في زمانٍ مستبد

أمنحيني قرب وصلك أشعلي الخفاق زود

أنت ياللي في عيونك حلم عمري والوعد

صدقيني لا ذكرتك راح في فكري في شرود

أدعي الله يحفظك من شر حاسد إذ حسد

يوم أشوفك في خيالي ينكسر كل الجمود

والهموم اللي بقلبي ترجهن وتبتعد

أنا والله في غيابك كن مالي أي وجود

ياخيالاٍ في عيوني ما يفارقني أبد

الموضوع الاصلي  من روعة الكون