من قبل الولادة

حبيبي قبل لا ا قبل للدنيا حبيتـــــك **** وصورة خيالك بالقلب منحوته اكيد
ببطن امي اسمع صدى همساتـــك **** لو جت امك بجنبها انفاسي تزيــــــد
ياطريق الهوى تهورت ومشيتــــك **** وبديت مشواري قبل لاكون وليـــــد
جيت للدنيا وانتظربالعجل جَيتــــك **** اناغي اسمك بالمهد وألحنه بتغريـــد
شرفت علينا يالغالي وهلت طلتــك **** وانولد بدر بالسما وصار لنا عيـــد
توك صغير وحيرت الاحبة بهيبتك **** كـــل من شافك بمدح جمالك يشيــد
بكفي امسكت كأس الماي وارويتك **** ابدل لبسـك في اليــوم امرارٍ عديـــد
عشنا ومزحنا ولاعبتني ولاعبتــك **** وقالوا افلان لإفلانة عادات و تقاليـد
تمنيت بالعمر لو بس مرة ضمتـك **** صدري بصدرك و تلتحم اليد بالييـد
كنتِ دايم تقولي انا مثل أختـــــــك **** كل ماقلتها ينقطع من القلب وريــــد
تفتكر انك تقوي علاقتي بعلاقتــك **** رميت بقلبي سهام وابدعت التسديـــد
مادريت كان بالرضاعة خاويتــك **** وصرنا اخوان نلتقي بالعمر مديــــــد
بعد ما كبرنا بدت تزيد خجلاتـــك **** ربطنا الاحزمة وقربت رحلة التباعيد
عند بيتكم بنت اظنها ضيفتـــــــك **** شفتها وخلت افكاري دايم في تشريـد
انتهت الزيارة وبالفرحة رئيتـــــك **** جيتني تبشرني يالغالي بيومك السعيــد
تطلب مشورتي بخصوص خطبتك **** تقول مثل أخوي ورايك الرأي السديـد
حضرت بليلةالعرس وسمعت زفتك**** رَجعت الجرح وعاد عميق من جديــد
يادمعي بعد حكم الاعدام اجريتـك **** كنت اظن بأن البكا في هالحالات يفيد
نصيبك ياقلبي بالحزن مانسيتـــــك **** واسكنت بداخل جوفــي حزن شديـــــد
خطاي بمشاعر الحب ما صارحيتك **** وبكلمة احبـــك امامك ماكنت اعيـــــد
آسف ياغرامي عن حبيبتي اخفيتك **** اخفيت عنك شوقٍ الوله وجردته تجريد
أنا من ذاق لسعة نار فرقاتـــــــــــك **** تعال اجمع جمر القلب من بـعد الرميــد
راحت وإجت ايام وتمنيت لمتـــــــك **** مابقى شئٍ بالعمر أخاف عنــه أحيــــــد
مستحيل أنساك آه آه وانسى طيبتك **** ببقى احبك لو ظهرت عليـــك التجاعيد
مناي تجيني منيتي قبل منيتـــــــــك **** حبي لك بخلده عبر الازمــــــان تخليـــد

الموضوع الاصلي  من روعة الكون