التركه

إلتفت الأسرة حول فراش الزعيم وهو يلفظ أنفاسه الأخيرة
قال الزعيم بصوت ضعيف ولكنه حازم فى نفس الوقت

كلكم موجودين؟ -
نعم كلنا موجودين
الزعيم: طب إسمعوا اللي حقوله كويس
سامعينك يابابا.. إتكلم
الزعيم: الكرسى كنز ياولاد..
إمسكوا فيه بإيديكم وسنانكم..
بنسرق فيها بقالنا سنين وسنين ولسه بيدّينا
هيّا دي البركة اللي بيقولوا عليها يابابا
الزعيم: أيوه يابني.. ربنا يبارك لكم ولعيالكم فيها.. ودلوقتي إسمعوني
سمعينك اتكلم
الزعيم: أنا مش مديون لحد ياولاد..
يعني أى واحد يصيع عليكم ويقول لكم أبوكم كان مستلف لا تصدقوه
إطّمن مراح نصدق
الزعيم: أنا سيبت لكم ياولاد اللي يكفيكم إنتوا وعيالكم وعيال عيالكم ويفيض
فلوس لا تعد ولا تحصى وانا مراح اقولكم اقولكم حافظوا عليها وبس.. لاااااا
زوّدوها كمان وكمان لجل ما روحي ترتاح وأنا فى تربتي
الابن هيا الفلوس اللى إنته عملتها يابابا دى بتسميها فلوس
شفني أنا واخوى ح نعمل إيه.. ولاّ صحيح حتشوفنا إزاي.. عموماً لا تقلق

الزعيم: ودلوقتي إسمعوا وصيتي.. ابنى اللى بيحكم بعدى اول ما يحلف اليمين
(لازم يخلى ثلاثة تحت طوعه الجيش والشرطة ورجال الدين أوعوا واحد من التلاتة دول يخرج عن طوعكم أبدا
وتخصصو اموال الضرائب صدقة جارية على روحي

الزعيم: أوعوا تفرّطوا فى وزير الداخلية من بعدي ياولاد..هوه ده اللي ينفع مع الغجر اللي هنا
الابن أعاهدك يابابا إنى حخليه معايا ومش حفرط فيه أبداً

الزعيم: الشيخ ؟؟؟؟ ياولاد راجل بركة.. يمين يمين شمال شمال.. أوعوا تفرطوا فيه..
بس لا تخله يصلي عليّا لأني بصراحة مش متأكد إن كان ربنا حيقبل منه ولاّ لأ
الابن ولا يهمك يابابا.

الزعيم: المشير فلان ياولاد.. مش ح أوصيكم عليه..
الراجل ده طول الوقت حاطط وشه فى الأرض وعمره ما استجرى يرفع عينه فيّا
وفي نفس الوقت ماسك الجيش بإيد من حديد
المدام , هوّ فعلاً خجول وكل ما يشوفنى ما يقوليش غير ياست هانم.. إبقى خليه معاك يا بنى
الابن حاضر ياماما

الزعيم: عايز جنازتي ياولاد الناس تحكي وتتحاكى عنها.. هاتوا المخرج الإيطالي ده اللي إسمه مكافيللى يصورها
الابن وهو يمسك بالألة الحاسبة: هوه حيكلّفنا كتير.. لكن ممكن فى الأخر نلم مبلغ معقول لو خلينا شركة أجنبية تحتكر حق توزيع الفيديو فى أوروبا وأمريكا
الزعيم: عايز أحلى مدفع يشيل النعش ياولاد
الابن مدفع رشاش؟
تنويـــه
:القصة والأحــداث خيالية.. وأي تشـابه في الأسماء أو الشخصيات
يُعد من قِبل المصادفة لا أكثر
وماأكثـر المصـادفات..

الموضوع الاصلي  من روعة الكون