احترت أنا في العيد شنهو بهديك
وأحتار قلبي والقلم والقصيدة
ورد قنينة عطر حرت أنا فيك
رحت اسأل الأصحاب شلي تريدة
كل الهدايا لو حوتها أياديك
مني فلا تبقى هديا فريدة
تقبل هدية شوق ابا اعطيك
ومعها لك الإخلاص مني أزيدة
ما أبخل عليك بشي مادمت أغليك
ومادمت انا من مابين قلبك سعيدة
كل الي في الديوان لحن يغنيك
احلف انا لك روح قلب ووريدة
_ _ _ +""+ _ _ _
مـن قبـل تنهـي مسـرحك اسـدلت انـا عنـك الستـار
وانهيـت كـل الـي جمعنـا مـن كبيـر وصغيـر
وابشـرك قلبـي كبيـر ولا يتـأثر بالصغـار
واذا تحـداني الـزمـن لجـأت إلـى الله استخيـر
ليلـك طويـل ولا اعتقـد يطلـع علـى مثلـك نهـار
قلبـي نسـاك وموقفـي هـذا هو الـرأي الاخيـر
اختـرت وضعـي مثـل مـا انـت اختـرت وضعـك بـإختصـار
هـذا الكـلام الـي سكـن نفسـي ونـابـع من ضميـر
_ _ _ +""+ _ _ _
يالله دخيلك كلها شالت ارماح
حتى الوغد قام يتخمش رسنها
مات الحيا والمرجله دمها ساح
كلن كشف عن سوء نيه دفنها
دامه زمن حيه وعقرب وتمساح
خل الأسود تنام ماهو زمنها
_ _ _ +""+ _ _ _
وينك تشوف الحال من عقب فرقاك
أحلى من الاول واروع من اوقاته
لا تتحرى بتم اقول لك احبك واهواك
غلطان لان ماضيك طويت صفحاته
_ _ _ +""+ _ _ _
مـاهقيتـك تهجـر وتجـفـى قلـب يهـواك
مـاهقيتـك تفـرح لمـا تشـوف قلبـي يتحـطـم
ارحـل مـاعـادت عيـونـي تطيـق رؤيـاك
ارحـل مـاعـاد فينـي شـي لـك يهـتـم
_ _ _ +""+ _ _ _
ولى زمانا قدرت تهزني فيه بدموع
حسبت الدموع صادقه وبعضها كذاب
خنتني بالامس واليوم ترجي الرجوع
قليل عقلا اللي برجله يرجع للعذاب؟
حتى الذيب اللي اكل صاحبه بسبة الجوع
ما يشبهك وانت فيك الخيانه بليا اسباب
_ _ _ +""+ _ _ _
شفت طفلا شاب شعره وهو صغير
جيتك طفلا وبسواياك صرت شايب
تخطي وتجرح عمره ما ردك ضمير
ولا حرك خافقك طفلا يشكي المصايب
اي قلبي احساس طفلا بس عقلي كبير
ما رخصت عزتي ولا لأقرب قرايب
جيت بدنيتي طفلا وعشت فيها فقير
ولا وطيت الراس لاجل عين الحبايب
اموت انا بعزتي ولا تنمد يدي للغير
دام قربك مذله ابيك كل العمر غايب
_ _ _ +""+ _ _ _
آســف إذا لــك قـلــت انـســى زمـانــي
مـهـو بـيــدي قـلـبـي الـيــوم نـاسـيـك
حـبــك نسـيـتـه يـــوم قـلـبـك جـفـانـي
أبـعـد وانـــا أبـعــد ولا لـــي بـطـاريـك
شـلـون احــب انـســان طـبـعـه انـانــي
لا مايـصـيـر تـبـيـع فـيـنــي واشــريــك
اتـبـع طـريـقـك خـلـنـي فـــي مـكـانـي
يـكـفـي جــــروح مــنــك الله يـخـلـيـك
يـامـا بكـيـتـك لـيــن دمـعــي نـسـانـي
يــامــا تـرجـتــك ولا فــايــدة فــيــك
الـحـن جـيـت تـقــول انـســى عـشـانـي
جــابــك زمــانــك خــلــك الــيـــوم
مـــــــــــا أبــــــيــــــك
_ _ _ +""+ _ _ _
صدقني ما بقى للحب قيمه
الجفا شال الوفا واصبح مكانه
والصراحه صارت كلمه قديمه
والهوى اصبح خيانه في خيانه
والمحبه كنها طفله يتيمه
مات ابوها وانحرمت حنانه
صدقيني قصتي قصه أليمه
والهوى ما عاد يغريني كيانه
_ _ _ +""+ _ _ _
بطلت أحب وأعيش دنياي مرتاح
حتى الهوى غيرت فيه اتجاهي
لاحزن لادمعه ولاذل وجراح
لاقلب مشغول ولافكر ساهي
بدلت كلمات الغزل جد وصياح
لاعاش من يقدر يعكر مزاجي
اباخذ الدنيا دلع لعب وافراح
أبغى كذا أعيش دنياي لاهي
_ _ _ +""+ _ _ _
يمه دخيلك فزي من القبر ثواني
شوفي ظناك كيف لعبت به سنينه
يمه الهم من حلو كاسه سقاني
الحزن والألم في عيني تقرينه
يمه الكل باعني ولحدا شراني
حتى عضيدي يمد اليمني بمنه
_ _ _ +""+ _ _ _
ما تصورت يجيني يوم وتهجريني
وتنسين عهد الهوى مابينك وبيني
ماتخيلت انه في شي بهاالدنيا ممكن يبعدك
وبغير الموت ماظنيت اني ابفقدك
غريبه وشلون خنتي وعودك
وذبحتي طير الحب
بعد ماغرد على غصنك وعودك
__________________
الموضوع الاصلي
من روعة الكون
آخر 10 مشاركات
17-10-2006, 12:02
العرض العادي
