ســــــــــر الــــحـــــيــــــاة

يقول من يهوى ركوب المسرجـاتلاجـيـب طــاري للسـيـوف وسلّـهـا

ياسامـعـي والاولـــه مـــن الاولاتتنبـيـك عــن بـاقـي علـومـي كلـهـا

تـرى حـلاة الشـي لاجـالـه طــراتواللـي تجـي فـي حلـهـا فــي حلـهـا

شـبّــه وبـــرّاد وثـــلاث مـهـيّـلاتهـاذيــك اركـدهــا وذيـــك ازلــهــا

فلة حجاج وطيب راس وطيـب ذاتيـاقـلـهـا فـــــي وقـتــنــا يـاقـلـهــا

فــي ذمـتـي ذمــه كــأن المـفـرداتتصيـح باسمـي يابـن(؟ ؟ ؟) سِلّهـا

والله لـعـديـهـا حــــدود الـنـايـفـاتمـادمـت امـيّـز دقـهـا مـــن جـلـهـا

والكلمه اللي جات مدري كيف جاتزلّــه وشرهتـهـا عـلـى مــن زلّـهـا

ياللي تقول النوم أخير مـن الصـلاةشوري عليك أد الفـروض وصلهـا

يـامـل قـلـبٍ بـيـن ود وبـيـن هــاتوالعيـن مــن كـثـر السـهـر ياملّـهـا

لاجيت بانسى واعتبر مافـات مـاتاستـرجـع افـكـار الـحـزن واحتلـهـا

وابكي على الفرقا ولكن في سكـاتماهـوب شــرط ان الـدمـوع أهلـهـا

عليـك يانبـضـي ويــا ســر الحـيـاةيالـلـي غـلاهـا عَـزهــا مـــا ذلـهــا

شيخـة بنـات وعلّمـي كــل البـنـاتسـبـحـة غـلانــا مـانـويـت أفـلـهــا

مالك غنى عنـي وانـا مالـي غنـاتوالـحـاقـده مـنـهـم تـمــوت بغـلـهـا

ريقك عسـل واسـاوره سكـر نبـاتوشـفــاك ماتـبـخـل عـلـيـه بظـلـهـا

انتي صفاتك غير عن كل الصفـاتاضــيــع فـيـهــا لابـغـيــت ادلــهــا

لـبّـى البـراقـع والغـطـاوي والعـبـاةيـازيـن سكبتـهـا ومصـعـب شـلـهـا

عندي ثلاث اشياء فـي قلبـي ثبـاتوالله مااخـلـيـهـا لاقــالـــو خـلــهــا

شوفك وشوف الما وممشىً فالنباتلاخـيـرونـي قـلــت أبـيـهــا كـلـهــا


منــــــــقووول

الموضوع الاصلي  من روعة الكون