(لـمـلم حـطامـي) بـألـم/ ..الـــوافــــي..

لملم حطامي وعن همومي ابعدني ............. نفذ وعودك ولا تسألني وش فيني
ماقلت لي انك بالسعاده توعــــدني............. يالله وريني وحـــــــــط عينك بعيني
جيتك هموم وابيك عالهنا تسّبقني.............خذني معك للفرح ولا تخليــــــــــــني
ساعدني مثل ما وعدت تكفى ساعدني......قلتلك حزني جبال وقلت تنسيــــــــــني
قلبي اللي خذيته رجعه عانقنـــــــــي.......خلني احسه متهني سكنّه فينــــــــــــــي
نسيني كلمة(قلبي معك متعبني).............لو تدري انت معاك الهم كاسيـــــــــــني
فصلت لي ثوب من الهنا وقلت معجبني........ لجلك عجبني والا انا ذراتي تبكيني
لمست جرحي واستحيت اقول مألمني.........ضحكت من الالم وقلت انك بتشفيني
خذوا قلبي وحطوا خزنه تجمعني.........!! أجمع هنى وحزني طّفف موازينـــــــــي
وتدري وش اللي عن تركك يمنعني...... اني احب حتى الهم اللي تعطينـــــــــــــي
حبني بقلبك وبوجهي امانه سبني........... ابكي جروحي ولا جيتك جرح اعطيني
انا الهموم لاجت صارت ما تدهشني............ يدهشني اني اضحك والهم ماليني
غيرك خلى انين جروحي يطربني............... وصوت الفرح صدقني لا ما يهنيني
همي ما اوصفه الاانه استعبدني................ يأمر وينهى..... يبيع ويشتري فيني
ولو قلت بأنك من همي بتعتقني..... ...........بهمس(تعودت الالم خليني....خليني)
خذ من ضلوعي حطب واشعلني ولعني...... اقدح جرح بجرح وبجرح اكبر ادميني
كابرت ودموعي من الاعماق تغرقني.......(تصدق ان البلا ما احد حاس فيني!!!
اموت قدامك واقول حبك حارقني............وانا الهموم لا ضحكت لامتني خنتيني!!!
قلت ارحمني مع انك ماتعذبني.!!!............واعرف ترى ببيع لو كنت شاريني
يارفقة الفرحه!! شريتلك هم قم بعني.............. واشري هناك وللجرح اهديني
ثوب الهنى لبسته لا ما يناسبني!!! ...............ثوب العيره صدقني لا ما يدفيني
غيرت نفسي علشانك ليتك تصدقني................ بأني كذا بذلت الجهد المعنيني
هذا حطامي وامانه زيد وحطمني!!!.......... خلني بهمي ارجوك وش تبي فيني
(انثر حطامي) ولا تفكر تجمعني..............انا الحزن اكثر يناسبني ويليق فيني


اخـوكـم ومحـبـكـم..الـــوافـــي..





تحـــياتــي..

الموضوع الاصلي  من روعة الكون