المنحوس طول عمرها منحوس

المنحوس .. منحوس .... (قصة طريفه)


تجيك أيام تحس فيها أن مشاكلك واجد .. وانك نحس!!
استغفر الله العظيم .. انا ماني متشائمه .. والتفاؤل زين ... ولكن بعضهم واضحه فيه النحاسه
والقصص واجد .. أذكر منها طرفه ( القرد المنحوس )

هذا سلمك الله فيه قردين واحد حظه حلو والثاني حظه تعبان ومنحوس طول عمره.
المهم كانوا قاعدين يسولفون قال اللي حظه حلو للمنحوس: اشرايك نروح مزرعة الهندي وناخذ موز؟ رد عليه المنحوس: اوكي مشينا.
المهم راحوا،
قام اللي حظه حلو طلع فوق ينزّل الموز والمنحوس ينتظر تحت عشان ياخذ الموز ...
وأشوي جاهم الهندي ومسك اللي تحت وفقع وج.

جلسوا على هالحالة ثلاث أيام والقرد المنحوس ماغير يفقع وج ..

ويوم قرروا يروحون المرة الرابعة قال المنحوس للي حظه حلو: انت دايما فوق وأنا دايم تحت وأنا اللي انضرب .. هالمره أنا بطلع فوق وانت خلك تحت قال إللي حظه حلو: أوكي مافيه مشكلة!

المهم اتفقوا .. ويوم راحوا شافهم الهندي ومعاه اثنين من أخوياه الهنود .. ويوم وصل عندهم
قال لربعه جيبوا اللي فوق اللي تحت دايما اضربه!

الموضوع الاصلي  من روعة الكون