الطائف عروس المصايف 2007

ياللي تبي ترتاح في عطلة الصيف=عقب التعب ومن الصخب والكلايف
عليك باللي موقعه في مشاريف=عن المدن تلقاه بالحيل نايف
الله خصه بالمزون المراديف=تضحك مقادمهاتبارى صفايف
هواه عذب وزود الجو تلطيف=همال مزن كل يوم ذرايف
جوه طبيعي ماتبي فيه تكييف=بين الغصون اليافعات الهدايف
فيه الطبيعه يامصيف على الكيف=اقبل نصيحه واحد فيك رايف
مافيه داعي للسفر والتكاليف=ولازم على الراتب تدور سلايف
لاتفوتك الفرصه بغفله وتسويف=وترجع بعد يومين خاسر وعايف
لاتضيع الفرصات ياحيف ياحيف=عليك بالطائف عروس المصايف
عندي هواها فاق باريس وجنيف=وجاوه وهنكوفر عساها ذلايف
والديره اللي بس رقص وغطاريف=زوارها على قعيده وحسايف
شط النهر عندي عجاج وعواصيف=لو كان تجمع القلوب الولايف
في عيني الطائف فرق بالتواصيف=ثابت غلاها بين حدب النحايف
مدينة سكانها تقري الضيف=عهدا قديم وحافظته السلايف
وقريب اللي خصه الله بتشريف=بيت عتيق ويقصدونه طوايف
مصيف وعباده وجوه هفاهيف=من ضيع الفرصه جداه الحسايف
وكل المدن في المملكه صيفها صيف=امن وامان ولاحس بحفايف
وسط البلد ولاتمشى بالريف=مانت بعالى عرضك ولالمال خايف
في ظل مرويه السيوف المراهيف=حكامنااللى فالمواقف حصايف
اشبال من يشهد له المح والسيف=يوم السنين القاسيات العجايف
جمع شتات وحارب الظلم والزيف=حتى وصلنا مثل مانته بشايف
ياللي تبي ترتاح في عطلة الصيف=عليك بالطائف عروس المصايف