[[~تكفـــــــــــــــــــى ياموت زرنـــــي..~]]

..السلام عليكم ورحمة الله وبركاته..

من أروع القصائد إللي سمعتها وأجملها
كتبها الشاعر بدموع العين
ولونها بنزيف قلبه

..تكفـــــــــــــــــــى ياموت زرنـــــي..

خلي هجرني تكفى ياموت زرني
وإن ماقدرت دلني مكانك وانا أجيك
مابي حياتي دام خلي هجرني
مابي حياتي دامه يقول مابيك
يدري بظلم الناس يدري وظلمني
وأكد كلام إلي يقولون ناسيك
لاكن قبل لاتاخذ الروح مني
بسأل حبيبي كم سؤال وأخاويك
وشلون قلبك ياحبيبي تركني
وتدري خفوقي كم له سنين هاويك
وماتدري بعادك وصدك ذبحني
وماتدري عن دمع نثرته وانا أبكيك
أسأل جميع الناس وشصار عني
أسأل وش اللي صار في حال مغليك
لو عاش عاقل عيشتي كان جني
حالي لو تشوفه بعينك يبكيك
لو علموك وش كثر قهري وحزني
من يوم حبي أنتهى وصار ماضيك
لو علموك عن قلبي إللي يوني
مطعون يصرخ...يشتكيلك...يناديك...
صار الحزن هو لعبتي صار فني
ابكي ندم والله إذا حل طاريك
ضيقت صدر ويالهموم أسكنتني
أحكي وأكمل ولا ماقلت يكفيك
إللي سمعته بسبتك أنت جتني
عطيتني كرهك وأنا الحب معطيك
ضاعت سنيني وأنا بالحب أبني
قصور وأنهدت بسبب فعلت إيديك
جك الوفاء..والحب..والعشق مني
حتى الوله ..والشوق..والصدق مهديك
قلبي وفالك وأنت قلبك خدعني
خدعت قلب كان بالحب شاريك
كذب..وخيانه..وغدر قلبك حضني
في وقت قلبي فيه يسهر يداريك
ماكنت أظن قصدك بحبك تذلني
ذليتني من عقب مامت أنا فيك
هاذي حقيقه بعض مامنك جتني
وبعض الذي اسقيتني سم بيديك
ماكنت ساكت خايف بس مني
ميت حبك مقدر أزعلك وأشقيك
حرمت أقولك من محبتك عطني
مادام غيري في محبتك مرضيك
ببعد بعيد وأوعدك ماأحني
أبشر أببعد ومع حبيبٍ بخليك
وأبي مماتي ياخذ الروح مني
تاركلك الدنيا بها الله يهنيك
وإليا سأل في يوم أنا أنسان عني
قله توفى والسبب طعن بيديك


"م ن ق و ل"



أخوكم
[[~مشعل~]]


قولوا لي شو رايكم بالقصيدة..؟؟!

الموضوع الاصلي  من روعة الكون