--------------------------------------------------------------------------------
ويش اسوي في حبيبٍِِِ ما اطيق عناده
عايشِ فيني وهو ساكن ديار بعيده
كلما حاولت اقرب له يزيد بعاده
وان بغيت ابعد منعني الحب واوثق قيده
لين صار الشوق له في وسط قلبي عاده
هو تعود ع الغرور وصار بعدي عيده
والمشاعر كلها له للاسف منقاده
والله ان القلب كنه منخلق في ايده
صرت له خاتم وصدري من دفاه وساده
كيف احبه موت مدري والغياب يزيده
ياشعوري بالسعاده ننتظر ميعاده
او عسى خطوه خذت رجله علي تعيده
المحبه درب وفوادي عشق جلاده
هو تسيدني بعد ما كنت انا له سيده
بين فرقى من احب ولهفتي معتاده
ما تجرعت الخضوع ولا اصارع كيده
صار همي في حياتي احترق لاسعاده
لو رماد الشوق يطفي نشعله ونزيده
ويش اسوي به اذا ما كنت اطيق عناده
وان بغيت ابعد منعني الحب واوثق قيده
حــمــد الــمــري
الموضوع الاصلي
من روعة الكون
آخر 10 مشاركات
20-07-2007, 12:53
]
العرض العادي
