توك صغيره وبديتي تحبين

أحساس طفله · #1 (**permalink**) 20-07-2007, 05:46

السلام عليكم ورحمة الله وبركاته

كلمات اعجبتني وحبيت انقلها لكم ..

توّك صغيره وابتديتي تحبين
من علّمك ليل السهر ياصغيره ؟

بدري عليك العشق يابنت هاللحين
حرام هذا القلب وشهو مصيره ؟

انتي بريئه في الهوا ليه تشقين ؟
دروبه طوال ٍ عليك وعسيره

رحتي بدرب ٍ ماله اصلا ً عناوين
وانتي مشاويرك من اول قصيره

ياطفلة ٍ حبّت وراحت على وين ؟
عقب الهنا ذقتي الحياه المريره

وينك ووين الحب والشوق والبين ؟
عنّيتي عيونك وصرتي سهيره

امحق تسلّي كان ودّك تسلّين
الورد لولا اللّون وشهو عبيره ؟

خلّيتي دروسك وصرتي تحاتين
الدرس في ديره وصرتي بديره

وصرتي بعد من غير هذا تغارين
والمشكله يابنت منتي خبيره

نصيحتي لك كان ودّك تردين
يم السعاده والحياه المثيره

خلّك بجو العايله لا تعدّين
ماما وبابا والعجوز الظريره

شيبانك اللّي مايبونك تعانين
من بينهم عشتي كأنـّـك أميره

الحب قبلك هز ناس ٍ كثيرين
وخلاّ القلوب تعيش هم ٍ وحيره

الحب يفضح لا انكشف داخل العين
وانتي بنفــّسك ماهقيتك بصيره

طيعي كلامي واحذري لا تمادين
تراجعي لاعل في الأمر خيره

عيشي الطفوله والبراءه لك سنين
وبعدين حبّي لا غديتي كبيره

ولــــــــــــــــــــكم تحيـــــــــــاتي ..

لاتحرموني من ردودكم

اختكم: بنوته شقيه

الموضوع الاصلي من روعة الكون

بنت العقيد · 20-07-2007, 06:13

أحساس طفله · 20-07-2007, 06:14

قيثار الحب · 20-07-2007, 06:19

بوح القصيد · 20-07-2007, 06:23

أحساس طفله · 20-07-2007, 06:44

دمعـة حب · 20-07-2007, 07:08

سهيم الليل · 20-07-2007, 07:15

أحساس طفله · 20-07-2007, 09:05

سهيم الليل · 20-07-2007, 09:10

توك صغيره وبديتي تحبين

مــنــتــدى هــمــس الــقــوافــي