اصعب سؤال

اصعب سؤال الي جوابه للاسف مثله سؤال

ماهو تفلسف الا موقف صار واسمع ثاني بيت

البارحه يومه ساله وش ذكرك ذيك الليال

كان الجواب بكل بساطه من متى اصلا نسيت

ادري بان جمع الصعوبه والبساطه شي محال

لكنها صارت كذا..
واللي اهم اني دريت ان الحياه بعد احبابك اذا جف الوصال

تعيشها له وتقتنع انك خلاص اصبحت ميت

ياصاحبي لو كل شي بالخاطر يقال

ماكانت العبره تولجني اليا منك طريت

شفني قدرت احبس دموعي بس دمع القاف سال

وياكبرها ساكت ولكن داخل اوراقي بكيت

عمر الحكي ماكان ببتدي قولة تعال

لجلك اتجا ارجفت حروفي ليا مني حكيت

الحال في بعدك قسم بالله ماسميه حال

انوي على الضحكه واحس كلي خطا . لاني نويت

اتصور انك من رحلت اشوفك لجسمي ضلال

لاشفته امشي بابتعد واثره معي مهما مشيت

مدام يعني في بحرك لفرحتي مليون جال

وش فيه موجك ماركد قربت اموت ومارسيت

يرضيك ماعادت تفرق معي اذا جالك مجال

لاني اقتنعت بانك نهايه واني بابطي مابديت

صرت اعقد احجاجي اذا جابوك باطراف الجدال

وانا قبل لاقالو اسمك اني ميت ثم حييت

تعبت اعيش الدور وافتح للمعابير الخيال

واتخيل اني جيت في بالك وضمنك استحيت

وتردلي كلك وله وتقول كن البعد طال

ومن الفرح مااعاتبك واقول ياخي مابغيت

حتى وانا اتخيل حشمتك لان قلبي لايزال

يكرر اسمك داخل اعماقي بنبضه لاسهيت

قلي شسوي فيك وانت بداخلي اصدق مثال

للحب واحساس القصيد نعانق اليل وسريت

ربي يصبرني على الفرقا مدام الحظ مال

وانت بيجيلك يوم تعرف ليه في بعدك شكيت

اذا بلاك الله وعذبك اشتياقك بس تعال

واقرا القصايد في غيابك كلبوها بيت بيت

بتدري ان اصعب سؤال اللي يجي رده سؤال

لاقلتلي وش ذكرك ثم قلتلك متى نسيت



منـــــــــــقولهـ

الموضوع الاصلي  من روعة الكون