السـلام عليكم ورحمة الله و بركاته
قبـل البدأ و التعمق او التمحيص و التقحيص الرجاء من ضعاف القلوب يقلبون وجهم .... ياليت يعني
كونه طلب اكثر من انه أمـر
لا تحرجونا ... تونا متسبحين بكلوركس
الزبــدة بين قوسين ... المقدمة
في حياتنا اليومية كل يوم نكتشف في نفسنا اشياء جديدة ماكنا حتى نفكر فيـها ( من ضمنها عنوان الموضوع ...... كمل الموضوع الله يسلمك حق تفهم )
لذلك لما تصيبنا مواقف ولأول مره ... يا إن احنا ناكل فيها مقلب ... أو نخاف
ومدام انك مو خابر الشي من قبل فيعني انك تجهله <<< بدأ التفلسف
والانسان بطبعة يخاف مما يجهل
راح استعرض لكم انا بعض هذة المشاكل إن لم تكن فيـكم فأكيد ترونها في غيركم
وأكيد هدفنا و توجهنا هو افادة القارئ بحلول عملية تساعد على تجاوز هذة الازمات << لاحظ التطور في الالفاظ من شوي مواقف الحين ازمات
نبدأ الاهم في الاهم ( والنملة بعدين لاحقين )
كيــف تتخلص من خوفك من ذوات الاربع ؟؟ << اقصد اربع رجايل مب عواين لا تودونا في داهيه
ادا كان قطو =(بسة) ... اشتري كلب
ادا كان كلب لا تشتريه
اذا كان نوع من انواع الحشرات في فكرة حلوه
نقول مثلا خنفسة سوده .... حاول قدر ماستطعت انك تحاقطة في مكان ظلمة
بعدين حطة في علبة شفافه ( انصح في كاسات بــوك تأثيرها اقوى من غيرها )
واقعد كل يوم تناظر فيـه ... سوي روحك تلمسة من خلف الزجاج
أذيـه .. طفشة ... اكـلة من بوفية في حارة هنود عشان يستجن
في النهاية اعطيه حريته
وضمان من عندي انـه اذا شافك في طريقـ بيروح طريق ثاني ولا بتخاف منـه
أما إذا كنتي ( بنت ) للحين مانزلوا لكم علاج
كيف تتخلص من خوفك من ذوات الست ارجل فما فوق ؟؟؟
يعني عنكبوت مثـلا
امسكـة و قصقص منه رجايل لين تبقى رجولين .... بعدين ماالك عذر
هذي ام اربع و اربعين بتتعب معاها شوي .... ماتدري ايهي رجايلها من اياديها << شووف التفكير السليم
كيف تتخلص من خوفك من الظلمة ....؟؟؟
ولع الليت
كيــف تتخلص من خوفك من الارتفاعات ؟؟؟
ياخي يقولك الحياة تجارب ........ واللبيب بالاشاره يفهموووو
كيف تقطع الدخان ؟؟<< تركنا الخوف على جنب
اكيد تقول في بالك الحين جوابي هو ( لا تدخن )
لا ياذكي الحين الواحد مدمن تبغاه مايدخن ؟؟ مسطول انت ؟؟
اسمع الحل ( لا تشتري دخان ) <<< شفت الفهلوله ؟؟
كيـف تزيل اسوداد الركبتين والكوعين ؟؟
المقادير : ورق عنب + ملعقة كمون + ليمون عماني + حجرة سوده الي تفرك فيها ظهرك + كيس رز + خمسة قواطي صلصة الطماطم + نيفيا + افتر شيفينج +عرعر ديك احول وامـة عرجة وابوه حمار
الطريقة : جيب صبغ بيوت واصبغ في المنطقة المعنية .
كيـف تقـلم اضافرك ؟؟؟
في ذمتك تبغى تعرف الجواب ؟
ريحوا اعصابكم باقي كم وحده ...
يقولك العلم الحديث توصل الى اشياء نستغرب منها لو نفكر فيها .... منها معرفة جنس الجنين مثلا
انا عندي نظرية مطبقة مسبقا بس الزوجين الي ينتظروا مولود ينسوها
وانشالله بعد هالموضوع مابتنسوا خ خ خ خ
كيف تعرف لون صبغة الولد الي في بطن امه ؟؟؟ ابيضاني ؟ اسمر ؟؟ ازرق ؟ احمر ؟ اخضـر
حـل بسيـــط ......... لما ينولد شوف لونـه ابيض أو اسمر او إلخ إلخ
اي والله مدري على وش مستعجلين
كيف تتخلص من خوفك من الطائرة ؟؟؟
روح في باخرة ياخي
كيف تتخلص من خوفك من الباخرة ؟؟ ياخي ترى جننتا ماباقي إلا تقول تخاف من امك
الحيــن جينا للسؤال المهم الي حيــر العلمــــــاء
كيف تتفاهم مع نملة ؟؟ هذي معضلة الصراحه
لما تقعد بينك و بين نفسك تفكر .... ويجي على بالك هالسؤال !!!
يعني اسمح لي مخك مضروب فاوول خارج منطقة الجزاء
والي متحمس للسؤال تــراه رايح فيها
اخــر سؤال والختااااااام
كيــف تلعب شطرنج ؟؟؟؟
من شوي تبي تحط راسك براس نملة والحين بتلعب شطرنج ؟؟؟
بس احب افيدك واقووول ان اللعبه كلــها ( الملك دايما متورط )
ارق تحية
BLACK DRAGON
الموضوع الاصلي
من روعة الكون
آخر 10 مشاركات
30-10-2006, 12:02
العرض العادي
