مدح في قبيلة

*دلع ال سعود*** · #1 (**permalink**) 21-07-2007, 05:36

السلام عليكم ورحمة الله وبركاته

الشاعر العذب والرائع :
محمد بن ساقان القحطاني يمدح قبيلة شمر.
مـن يـم نجـد وشــرق مـكـه وطيـبـه
ليـن الديـار اللـي جـنـوب القـريـات
جيـت بخفوقـي شـوق ماينحكـي بــه
اكبر من حـروف الشعـر والكتابـات
شـوق ِ مهـو شـوق الحبيـب لحبيـبـه
شــوق الطنـايـا للـكـرم والجـمـالات
ولـو قالـوا ان الـدار مـاهـي قريـبـه
بقـول : يعـنـي ماتـهـون المسـافـات
مـاهـم بربـعـي بالليـالـي الصعـيـبـه
أجــل وربــي ماحسـبـت المـشـقـات
(شمـر) ليـا صـك الصليـب بصليبـه
إهجد ياجن وإنـس لأهـل الطويـلات
يرضخ لهـم هالطيـب حشمـه وهيبـه
ويرفـع لهـم بالعـز بـيـرق ورايــات
ومـن مرهـم طرقـي بيآخـذ ضريـبـه
فنجال ٍ أشدى من خضاب الخوندات
والمـوقـده تشـهـد بـــراس الرقـيـبـه
ومـن طيبهـم ماينـزلـون الطمـانـات
(والشمري) من طيب راسـه وطيبـه
بـه ميـزة ٍ عــدّت حــدود الـمـروات
لاثـارت الفزعـات .. لاتنتـخـي بــه
لأنـه يثـور مـن الطنـا دون فزعـات
الله خـلـقـهـم للمـصـيـبـه مـصـيـبـه
وللـنـار نـــار وللمـعـالـي ريـــادات
وللـمـوت مــوت ولللهيـبــه لهـيـبـه
وللطيـب طيـب وللمراجـل سيـادات
لـكـن بـهـم حـاجـه ولاهــي غريـبـه
يمكن يخون إبها الشعـر والعبـارات
إليا بطشوا خلـو المضـارب عطيبـه
وإليـا عطـوا مامـدوا إلا الجـزيـلات
مـا ارفــع مكانتـهـم بشـعـر ٍ اجيـبـه
هم يرفعون حروف شعـري مقامـات
وآخر ما اقول بهالشعـر وانتهـي بـه
بحطها بقوسين وأربع علامـات !!!!
(الشمري ! عيبـه ! وعيبـه ! وعيبـه
إليا ارتكى للحمل شال الثقيلات ) ..
الشاعر العذب والرائع :
محمد بن ساقان القحطاني !!!

~*¤ô§ô¤*~*¤ô§ô¤*~ تقبلوا حبي اختكم // * دلع ال سعود ***~*¤ô§ô¤*~*¤ô§ô¤*~

الموضوع الاصلي من روعة الكون

! مشعل الشوق ! · 21-07-2007, 05:43

قيثار الحب · 21-07-2007, 07:43

mohmd k · 21-07-2007, 12:54

عرق النفود · 21-07-2007, 01:55

تيتوو · 21-07-2007, 02:15

عبير الخبر · 22-07-2007, 09:00

رحاال · 22-07-2007, 09:17

مدح في قبيلة

مــنــتــدى هــمــس الــقــوافــي