أشــكــال الــشــبــاب عند الاشاره@

أشكال الشباب عند الأشاره!! روووووووعه :


أمـــــا انا اليوم جبت لكم موضوع ان شاء الله يعجبكم ...


عند الإشارة قصص تهبل بالعقل ..


أغلبية الشباب لهم طريقتهم الخاصه في شغل أوقات فراغهم ..


لما يكونون واقفين عند الأشارة ,,,,,


النوع الأول :

وهو اللي يستغل وقته ويرتب سيارته

و يعـق فيها لفواتير ويرميها في الشارع


و فجأه ماتدري الا وهو ناقز في المرتبه اللي ورى يرتبها

ولا تستغرب ,,

إذا شفته قافز في شنطة السياره

( الرجال مرتب )

وتنفتح الأشارة والرجال مشغول في الترتيب ..


النوع الثاني :

وهو اللي تقول توه يكتشف ان وج محتاج تنظيف

ويسحب في المنديل وعلى خشمه

واذا خلص طفىالسياره عشان ينظف أذنه بالمفتاح ..

وشوي ويقص أظافير يده

وماتدري إلا وهو رافع رجله يقصها

هذا إذا كان معه قصاص أظافر ,,

وأذا ماكان موجود فالحل موجود طبعاً ..

* يقص أظافيره بواسطة سنونه *


< قمة النظافه >


النوع الثالث :


وهو أكثر واحد يفرح إذا وقف عند الأشاره


علشان يبدأ يستعرض ويرقص ويترنح


هو وأخوياه : ويرقصون بالسياره


النوع الرابع :


وهو اللي تحلف بالله أنه مانام له أسبوع خام الدركسون

والبوري شغال عالآخر طبعاً هذا ما يحرك إلا اذا جاه و احد وقومه ..


النوع الخامس :


وهو اللي تقول توه يكتشف انه أبـــــــــو ,,,,

وماتسمع غير هواشه وتلعينه على عياله

اللي مالين السياره

وماتدري اللي وهو ساحب العقال ومخرب الشخصيه

( يستعمل أساليب التربيه الحديثه )

وماتشوف إلا كرتون المناديل اللي مالي السياره

و الفضل يعود لمحطات البنزين

اللي كل ما تمرمن عندهم عطوك منديل هديه ..


النوع السادس :

وهو اللي يستغل الوقت ويجلس يشخص ويرش عطر

لا وشوي يحط روج بعد ومعلق السماعه في أذنه


ومشغل شريط ( سيلين ديون ) مسوي جو اجنبي

هذا اذا هوفاهم كلمه وحده انجليزيه



النوع السابع :


وهو اللي اذا شفته ترحمه وتقول ميت من الجوع

وتشك انه جالس بمطعم موبسياره

الرجال ماسك الهمبرجر بيد والبيبسي والبطاطس بيد

و الشاورما بحضنه والفطار جنبه والبيتزا في المرتبه اللي وراه

ولاتستغرب اذا شفته قاعد على

مفطـــــــــــح





ياكثرهم وياكثر ماتشوفهم


النوع الثامن :


وهو اللي تحس انه ماعنده وقت أبد ودايم بزي ولابس نظاره وخاتم

ومبحلق في ا لجرايد مسوي زحمه في الشارع ..

واللي جنبه طفشان ومشتغل مسجات بالجوال


النوع التاسع :


وهو اللي سيارته زحمه موب زحمة ناس لامخلي لا ثوب ولا شماغ

ولابدله ولا جزمه حتى الشراب إلا ومركبها معه ..؟؟

عشان يكون تبديل الملابس أسرع

عند الأشـــــــــــــــــــــــــا رة

حتى البطانيه جايبها وماخذها معاه تعرفون الجو متقلب ,,


النوع العاشر :


وهو إذاكان سواق طبعاً ..

طبعاً الضعيف ماسك الطارة ومتعلق في الدركسون والابداع يكون وراه


عند المدام و أخواتها ,,

وهاك أنواع السواليف والحش ..

و اذا كانوا توهم رادين من السوق كل وحدة تطلع مقاضيها

وتوريهم وشوي الا هي متحمسه وصاقعه السواق برجلها


الاخت معذوره جالس تقيس الجزمه الجديده


النوع الحادي عشر :


اللي أصلاً ما يوقف عندالاشـــــــــــــــــــــــا رة ..

تعرفون من هم !!


هـــــــاه من اي نوووع انت ...


كل واحد يدخل يعترف

الموضوع الاصلي  من روعة الكون