املي في الحياة

عاد ماوصيكم هالله هالله بردود

اول وحده رديت عليكي

قصتج رووووووووعه واحلى شى انه في وحده على اسمي وجميله >خخخخخخ ماخذه مقلب في حالها

نتريا التكمله بسرعه

التكمله......................

الجزء العاشر




دانه:ألوو.
جواد:هلا ها تسمعيني.
دانه:أي أسمعك ويش تبغى؟
جواد:كنت أبسألش متى تبغوني أجي أخذكم.
دانه:صحيح سخيف الحين خليتني أتعب نفسي وأطلع برى في الحديقه حتى مكياجي بيخترب وتقولي متى أجي أخذكم..مالت عليك.
جواد:أنزين خلصيني متى أجي؟!
دانه:أف ماأدري يمكن الساعه12.
جواد:شووو ويش رايش تنامو أياهم.
دانه:خلاص لما انخلص بنتصل لك.
جواد:باي
دانه:باي.

دانه:أففف حر أكيد مكياجي أخترب..أوه في مرايه هني(دانه كانت تمشي لما كلمت جواد فوصلت عند الحمام الي برى في مغسل وفوقه مرايه فقررت أنها تعدل نفسها).

*ومن ج قريبه للمغسل*

قيس:خلاص فاطمه ألحين باجي.
فاطمه:مو تتأخر.
قيس:أنتو الي لا تنقعوني من الحر برى.
فاطمه:زين مع السلامه.
قيس:الله يسلمش.

(سيارة قيس قريبه للمغسل فلازم يعبر على المغسل عشان يروح لسيارته)

دانه كانت أتعدل نفسها أنتبهت
أن تركيتها(القراط)مقلوبه ففسختها عشان بترد تلبسها عدل بس لما سمعت صوت أحد جاي اجمدت مكانها وماعرفت شتسوي بس لما أتضح لها شكل قيس على طول ركضت لداخل وماتركت فرصه لقيس يميز شكلها.

قيس أنحرج لأنه ماأتوقع أن في أحد عند المغسل و تم واقف ليما أستوعب ألا صار وأتذكر أنه لازم مايتأخر لكن وهو يمشي أنتبه على تركيه مرميه على الأرض أخذها ومن ألوانها أستنتج أنها لدانه لأنها جايه على ألوان ثوبها.

دانه دخلت وهي تتنفس بسرعه من الركض.
شيماء:دانو ويش فيش جذي؟!
دانه:ها مافي شي.
ساره:عاد جايه تركضي وتقولي مافي شي.
دانه برتباك:لا..قصدي..أي شفت صرصور فخفت وجيت.
ساره:أمم علينا.
دانه:عن السخافه يعني ويش باشوف.
شيماء:ساره..أمل جت.
ساره:وين هي.
شيماء:هذي جايه لش(علاقة شيماء بساره رجعت زي ماكانت وأحسن لدرجة أنها أتعرفت على أمل وحوراء وصارو صديقات لأن شيماء حبوبه وبسرعه تتأقلم...ساره ماسألت شيماء عن سبب تركها لمرام لأنها ماحبت تضايقها و شيماء خافت تقول لساره و تكرها).

_________________

#سيارة قيس#

قيس راح أخذ فاطمه وحوراء
حوراء:فاطمه متأكده تسريحة شعري احليوه.
فاطمه:واتهبل بعد.
حوراء:ومكياجي يناسبني لو لأ.
فاطمه:أنتي أي مكياج يناسبش.
حوراء:و ثوبي ماحسيته فظفاظ.
قيس يتدخل:أوهو أنا أفتك من هذرة رائد اهناك وأنتي تهذري أهني.
فاطمه: هو نفس حالتها؟!
قيس:طفشني مره يقولي شوف شعري ومره شكلي ومره ثوبي ومره عطري ومادري شو ولله مللني.
حوراء:أي أحسن عشان يتكشخ أذا ماتكشخ لي عجل لمن بيتكشخ.
قيس:من زينش الا يتكشخ لش.
حوراء:مالت عليك وهذا أني الا كنت بادور لك عروس الليله.
قيس:ه ش رائد بيتركش تطالعي في الناس..هو كل اشوي يرن عليي عشان أسرع حتى توصلي بسرعه.

حوراء أستحت و سكتت ولاقالت ولاحرف وفاطمه وقيس طول الطريق تتكلمو


(لما وصلو دخلو حوراء والكل أنبهر من جمالها وراحو يباركو لها وهي مستحيه حدها لأن الكل يطالعها...بدء الرقص وألا رقصو هم(شيماء ودانه وأمل وساره)(وريهام بنت خالة رائد وبعض زملاء حوراء).

حوراء تساسر فاطمه:فطمو شوفي ريهام ودانه و(رويدا ودعاء زملائها)احليوين مو.
فاطمه:أي والمعنى.
حوراء:أبغى وحده منهم لقيس.
فاطمه:أول مره أشوف وحده.في حفلتها تقعد تتنقى لأخوها عروس.
حوراء طنشت كلامها:دعاء ماإعتقد تناسبه لأنها طويله وهو مايبغى طويله و رويدا ضعيفه واااجد يعني بختار له يادانه أو ريهام.
فاطمه: صحيح أنش مضحكه.
حوراء:أفف ألحين من أختار دانه وله ريهام.
فاطمه: هم كم عمرهم.
حوراء:ريهام يمكن20ودانه في 17.
فاطمه: أني أشوف أن دانه أحلى بس صغيره وماأظن أنها بتوافق تتزوج ألحين.
حوراء:خلاص باقول له عن ريهام.

(رن جوال فاطمه وتركت حوراء وراحت المطبخ عشان تسمع عدل)

فاطمه:هلا..ها ويش تبغى.
قيس:تعالي لي في المجلس الصغير(مجلس أحتياطي).
فاطمه:الحين باجي..باي.


فاطمه وهي تدخل المجلس:قيس...قيس.
(فجئه قيس ربط شال على عيونها)
فاطمه:قيسوه بلا هلحركات.مكياجي بيخترب.
قيس:لا تخافي على مكياجش عندي لش مفاجأه.
فاطمه:ه زين ابسرعه عن لاأتأخر على حورو.
(سمعت صوت الباب يتسكر)
فاطمه:قيس بلا سخافه.
(ما رد عليها وسمعت حركه جنبها)
فاطمه:قيس ترى باشيل الشيله عن عيوني.
(سمعت<<أصه>>يقصد سكتي وفجئه باعد شعرها الطويل عن عنقها وشال السلسال والتراكي الي عليها ولبسها سلسال وتراكي غير عن ألي قبل وأحلى وقف مقابلها وأخذ يدها ولبسها خاتم مسكها وقفها عند المرايه وفك رباط الشيله)

فاطمه بكل دهشه:الله مره روعه ايجنن لا ايهبل.
....:وحشتيني عمري.
فاطمه لفت صوبه وبكل فرح ودهشه:راشد!!!!!

(راشد أحتضنها وهي بعدها متعجبه أنه رجع من السفر من دون مايقول لها بس مستحيه منه واااجد...راشد جلس على الكنبه وجلسها بجنبه).
فاطمه:متى رجعت!؟وليش ماقلت لي!؟
راشد:لأني كنت أبغى أفاجئش(يناظرها بنضره تقتل)حبي طالعه قمر.

فاطمه أتلونت بكل الألوان من الخجل والمستحى.

راشد:فطوم لما شفت الثوب كان حلو بس عليش طالع أحلى وأحلى.
فاطمه بصوت هادء حده:شكرآ على الثوب و ال
راشد (حط يده على فمها):أنتي حبيبتي وخطيبتي وزوجتي مستقبلآ ماتبغيني أدللش وأبين لش حبي..حبي ماأشتقتي لي؟
فاطمه تضربه بلخفيف:خلاص راشد لا تخجلني أكثر من جذي.
راشد:ه أموووووت فيش.
فاطمه وقفت: أتأخرت على حوراء(وراحت وهي قريب تطير من الفرحه لأنها شافته).

على الساعه10ونصف دخلو رائد على حوراء .

أم رائد وأم قيس:كللوووووووووووووش.

رائد سلم على حوراء وباس جبينها وهو منبهر بجمالها جلس بجنبها ولبسها الشبكه والبنات كلهن يطالعو في الثنائي الحلو.

(بعد ماخلصو كل شي تركوهم لوحدهم)

دانه:شيماء أتصلي لجواد .
شيماء:أني نسيت جوالي في البيت أتصلي له أنتي.
دانه:خلصت بطارية جوالي.
ساره:حافظين رقمه؟!
شيماء:طبعآ.
ساره:أخذي جوالي.


جواد:ألوو
شيماء:هلا
جواد:أهلين
شيماء:يللا تعال ألحين
جواد:تكلميني من جوال من؟!
شيماء:جوال ساره.
جواد:أها..ألحين باجي..باي.


ساره:أمل بترجعي ويا من؟
أمل:خالي راشد أهني وهو ألا بيرجعني البيت.
ساره:زين...صحيح حورو صدقت في رائد احليو مو.
أمل:سلماني أحلى.
ساره: مالت عليش وعليه من زينه عاد.
أمل بدلع:ماطلبت رأيش.
تجي لهم شيماء:ساره أجهزي الحين بجي جواد.
ساره:أوكي بس وين دانه؟!
شيماء:أتعرفت على وحده من البنات وقاعده تكتب لها أيميلها.
أمل:ساره جوالش يرن.
ساره:رقم غريب..شيماء هذا رقم جواد؟!
شيماء:أي...ردي عليه.
ساره:لا مايحتاج يللا نطلع..باي أمل

_________________

#سيارة أبو جواد#

شيماء:جواد تقدر أتمر على باسكن روبنز نفسي في أيس كريم.
دانه:أي أني بعد أبغى.

وقف جواد عند باسكن وقبل مايطلع من السياره

جواد:تبغوه على ويش؟!
دانه:توتي.
شيماء:مشكل.
جواد:ساره على ويش تبغيه؟!
ساره من دون ماتلف صوبه:ماأبغى مو مشتهيه.
دانه:لاتستحي عادي مهو أيس كريم.
ساره:أني ماأبغى(قالتها بصوت حاد)
(دانه وشيماء أستغربو أسلوب ساره لكن جواد كان حاس أنها بتعامله بهلأسلوب وراح من دون مايقول شي)

لمارجع جواد كان جو السياره هدوء وماحد يتكلم وطول الطريق ساكتين...وصلو بيت ساره..نزلت من السياره بس وقفت لأن
جواد(يفتح نافذة سياره):ساره
ساره:نعم
جواد:تعالي لحظه.
ساره(أفف ويش يبغى)

وراحت وقفت عند نافذته

ساره وهي واقفه بدلع من غير قصد:نعم.
جواد كان نفسه يضحك بس مابغى يحرجها:أمممم أشتريت لش أسكريم وماأعتقد أنش بترديني.
ساره بنفعال: أني قلت لك ماأبغى.
جواد بجديه:أذا ماأخذتيه بدخل البيت باروح لعمتي بافشلش قدامها وباقول أنش
ساره تقاطعه:لا لا لا لا ماني ناقصه هذره قبل ماأنام.
جواد يبتسم:عجل أخذيه.
ساره من غير نفس:شكرآ(وأخذته وراحت).

_________________

#بيت أبو قيس#

رائد وحوراء كانو منسجمين في الكلام وحوراء مرتاحه لرائد وفرحانه على أختيارها لأن رائد كان صريح و ياها لأبعد الحدود.

رائد:حوراء أنا أحب أكون صريح وياش من البدايه ..باقول لش شي أبغاش تفهميني زين.
(حوراء هزت راسها تعني قول)
رائد:لما كنت صغير كانو الأهل مسميني لبنت عمي<<جنان>>بس أنا ماكنت أحمل لها أي نوع من الحب غير الأخوه لأني تربيت معها وأحسها زي أختي بس لما خطبتش الكل اتفاجئ وخصوصآ هي لدرجة أنها ماجت الليله تبارك لش.
حوراء:يعني هي اتحبك
رائد:يمكن ماأدري.
حوراء:ليش ماتزوجتها دامها أتحبك(حست بألم وهي تقول هلجمله بس ماعرفت ليش)
رائد تفاجئ بس أبتسم:قلت لش أني أحسها زي أختي وغير هذا السبب أني من شفتش حبيتش وماقدرت أنساش كيف تبغيني أخذ وحده غيرش.

(حوراء أرتاحت من كلامه وزاد أعجابها به أكثر وأكثر..وكملو سوالفهم ليما أستأذن رائد وطلع..حوراء بدل ماتنام ظلت طول اليل تتكلم عن رائد لفاطمه)

*اليوم التالي في الصباح*

حوراء:قيس تعال أبغاك.
قيس:أوكي سبقيني على غرفتي ألحين جاي.

*غرفة قيس*

قيش:نعم ويش تبغي؟
حوراء:شفت لك وحده أمس احليوه وشعرها طويل وأسود وهي بيضه و
قيس:لحظه لحظه ويش لون ثوبها؟!
حوراء بأستغراب:بنفسجي على وردي.
قيس:ما أبغاها.
حوراء:ليش؟!

(قيس فتح درج كمدينته وطلع تركيه دانه)

قيس:أنا أبغى صاحبة هلتركيه.
حوراء:من وين جبتها.
قيس:تعرفي صاحبتها.
حوراء:أكيد لأنها الوحيده ألي لبست أكسسوارات هنديه وكان شكلها يجذب و يلفت الأنتباه بس كيف وصلت لك تركيتها
قيس:كنت رايح لسيارتي حق أخذكم وشفتها عند المغسل يمكن كانت تعدل التركيه ولما شافتني طاحت من عندها التركيه وراحت بسرعه.
حوراء:الله يعني زي أني ورائد.
قيس:من قالش أني حبيتها.
حوراء:عجل ويش معنى كلامك؟!
قيس:اصلا انا ماشفت وجا لانها كانت سريعه بس ابغاها لانها دخلت مزاجي
حوراء:لا والله
قيس: اي والله..يللا قولي لي اسمها علشان اقول لاامي اتروح تخطبها لي
حوراء:بس دانه ماتصلح لك
قيس:لانه والله..اكيد تبغيي تلعبي بعصابي زي ما لعبت اعصاب رائد يوم قال يبغاش
حوراء:ليش انت ويش قلتله
قيس:مومهم.....قولي ليش ماتصلح لي
حوراء:دانه صغيره والفرق بينك وبينها يمكن باسنين
قيس:عادي...انتين بعد الفرق بينش وبين رائد يمكن ست سنين
حوراء:لادانه رقبقه وانت عصبي يعني ماتصلح للك
قيس:اذا مابخطبتيها لي مابغى اتزوج
حوارء:هذا وانت ملتحبها تقول جذي لو تحبها ويش بتسوي
فاطمه تقاطعه:حوراء....حوراءهذا ايميل من
حوراء:جيبي باشوف..هذا ايميل دانه وين شفتيه؟!
فاطمة:على الطاوله تحت...كيف علافتي انه ايميل دانه؟!
حوراء:لان هي الوحيده من الا كانو اهني اتحب المثل زايدخان الهندي وامسميه ايميلها زايد ع اعلشانه
فاطمة:هاهاهاهاهاهاها تكته
قيس:ممكن تكلموا هذرتكم برى غرفتي
فاطمة:اصلا اني بطلع لاني مااتشرف اقعد في غرفتك (وطلعت)
قيس يلف صوب حوراء:نعم ويش تبغي
حوراء:الله يعني الابتاخذك (وطلعت)
قيس على طول راح لكبيوتر وظاف دانه على ايميله
________________________

#مكالمه بين ساره وسلمان#


ساره:يوووه نسيت ماقوللك .....امل ماتبغاك تخطبها الحبن اتقول اذا كنت تبغاها اخطبها في الاجازه وغير جذي عندها شرط
سلمان:وشوء؟!
ساره:تبغء اتروح الجامعه؟!
سلمان:والله اتروح الحامعه مااتروح الجامع مايهمني اهم شي اصبح بوجها كل يوم وانها تكون معي على طول


_____________________________


ابو جواد اخذ اولادو وزوجته وراحو بيت الجد(ابو ام جواد)لانهم متعودن كل جمعه يتغذو عندهم ويجتمعو
*في الصاله*
كانو كلهم مجتمعين(دانه وشيماء وصفا)(صفا اخت هادي ومتزوجه وعمرها21)وديما(بنت خالهم وعمرها16)وكوثر(اخت ديما وعمرها 14سنه).....وجت لهم بنت خالتهم
الخاله(حامل في الثامن):بنات وحده اتروح تحمل صفريه غذاء الرجال
كوثر:اني صقيره ومااقدر احملها ثقيله علي
ديما:واني رجلي مكسوره لو نسيتي(طاحت من الدرجه وانكسرت رجلها)
صفا:اني اخاف على الجنين
دانه:ظهري يعورني وماقدر احمله(كلهم حولو انظرهم الى شيماء اكيد ماقدرت ترفض وراحت المطبخ)
شيماء(مالت عليكم .ويه ثقيل كيف بحمله.اف على الاقل وحده تجي تحمله وياي)
(شيماء كانت لابسه عباتها الكتافي بس مو مغطيه وجها لانها تلبس نقاب ونقابها في الصاله فما لبسته
فجه وهي تمشي بابطيئ لانه ثقيل دخل هادي المطبخ عشان ياخذه واتفاجئ بشيماء الي صارت قريبه منه كثيييير
شيماء كانت بتغطئ وجها بلفتها بس ماتقدر لانها ماسكه الصفريه
هادي كان متحبل عليها وكان بوده انه مايبعد عينه عنها
هادي:اكيد ثقيله عليش ...جيبي بحمله عنش (شيماء كانت مو عارفه ويش ترد ويش اتسوي وهادي حمله عنها)
هادي بهدو ورقه:قبل لاتروحي الصالهغطي وحهش لان اخوي اسعد هناكوماابغى يشوف فارسة احلامي
شيماءوجها اتلون بجميع الالون (هادي ماحب يحرحها اكثر وتركها وطلع)
بعدين اتغدو وقعدويسولفواشوي وبالمغرب رجعو البيت ...دانه مادخلت على النت لان الليله السبت ولازم تنام من وقت


_________________________________

اليوم الثاني الساعه 11الصبح#بيت ابو وليد

ام زليد سمعت صوت جرس الاب وراحت تفتحه الاهو جواد
جواد:السلام عليكم
ام وليد:هلا جواد وعليكم السلام
جواد:ويش حالش عمو
ام وليد:الحمد الله بخير انت ويش حالك ويش حال امك واخوتك وابوك
جواد:الحمد الله كلهم بخير ....انا كنت مار اهني اخذ سيارتي من المصلح قلت اسلم واطلع
ام وليد:لاوالله ماتطلع اتفضل اصلااني قاعده بروحي ابوليد في العمل وساره ووليد في المدرسه
جواد:انزين بس شوي بطلع
ودخلو دخل وتمو يسولف
ام وليد:ماشفت للك شغل
جواد:اي قدمت اوراقي وطبعا قبلوني وبادوام من اسبوع الجاي
الاشوي رن التلفون وراحت رفتعه ام وليدوقعت دقيقتين بعدها سكرته ورجعت لجواد وهي متضايقه
جواد:عمو ويش فيش؟!
ام وليد:مافي شي بس سواق ساره يقول انه مايقدر ايروح ياخذها ومادري كيف بتجي
جواد:مو مشكله اما اوصلها
ام وليد:اي احسن من اذا توصلها وحده من صديقاتها
جواد:خلاص عجل الحين باروح اليها ...(وطلع من البيت)




هل ساره بتقبل ان جواد
يوصلها
شوراح تسوي
وهل دانه بتكلم قيس على المسنجر
شوريكم في صرحة رائد وهل حب جنان لرائد ممكن يعمل مشكله بين حوراء ورائد؟
أم وليد: سواق ساره يقول أنه مايقدر.
جواد:مو مشكله أنا أوصلها.
أم وليد:أي أحسن من أن توصلها وحده من صديقاتها.

(جواد طلع من البيت وراح للمدرسه)

*في المدرسه*

شيماء:ساره تعالي ويانا أنوصلش بيتكم.
ساره:لامايحتاج..أتصلت لعمي وبجي ياخذني.
شيماء:على راحتش يللا باي(وراحت).

ساره لبست عباتها وأخذت شنطتها وطلعت تنتظر سلمان ولقت أمل تنتظر(أبو عبدلله..ألي ياخذها ويجيبها من المدرسه)
ساره:من متى وأنتي تنتظري <<أبو عبدلله>>؟
أمل:من أول ماطلعت..ويش فيه أتأخر..أوووف.
ساره:عليناااا..أتحداش أذا ماكنتي تدعي ربش أنه يتأخر عشان تشوفي سلمان لما يجي.
أمل بكبرياء:ماباموت أذا ماشفته يعني عادي.
ساره:خلاص دام أنه عادي بقول لسلمان يشوف وحده غي...
تقاطعها أمل:الللللللللله شوفي ذاك ألي واقف عند السياره الرصاصيه..أحلييييييو.
ساره:أي سياره؟!
أمل تأشر:السياره ألي عند الشجره وفيها أستكرتات سودان.
ساره:قصدش سيارة البيجو.
أمل: ويش عرفني بأنواع السيارات..أنزين شوفيه ولله يجنن عمري ماشفت واجد بجماله(تطالعها ساره من ورى الغطاء لأنهم في المدرسه يتغطو).
أمل لاحظت نظرات ساره:قصدي غير سلماني.
ساره طالعت الشاب الي تقصده أمل وسندت راسها بلجدار:هذا احليو شكلآ لكن مضمونآ مافيه ذرة حلاه.
أمل:أنتين أول مره تشوفيه ليش تقولي عنه جذي.
ساره:ومن قالش أني أول مره أشوفه(طالعتها أمل من ورى الغطى بأستغراب).
ساره:لا يروح فكرش لبعيد هذا جواد ولد خالي أخو شيماء ودانه.
أمل:حلفي!!!!!!!
ساره:لهدرجه احليو.
أمل:أمممم نسيتي أنش أنتي قلتي من قبل أنه أحلى واحد شفتيه.
ساره:قلتها قبل والحين أشوفه واحد عادي.
أمل:زين هو ليش جاي أهني.
ساره(أكيد عشان يغازل أو جاي عشان وحده من الخايسين):يمكن عشان دانه وشيماء...بس هم راحو يمكن مايدري.
أمل:روحي قولي له..حرام واقف في الشمس وهم راحو.
ساره:مو حرام.خله يولي.ماني فاظيه له.
أمل:أوفففف.
ساره:ويش فيش تتأففي.
أمل:شوفي أبو عبدلله جى وسلمان بعده مايجي يعني مابشوفه.
ساره:ه مابتموتي أذا ماشفتيه.
أمل:مالت عليش...يللا باي.


جواد كان واقف مو عارف ساره لأنه مايعرفها بلغطى وتم واقف على أمل أنها تشوفه وتجي له.

بعد خمس دقائق..ساره..مو معقول جاي يغازل لأنه ماتحرك من مكانه..يمكن ينتظر وحده من خايساته..لا لا لا مابقى غيري و هلثلاث بنات لوكان ينتظر وحده منهم كانت راحت له..شكله جاي لدانه وشيماء ومايدري أنهم راحو..خلاص باروح أقوله.


جواد من الملل أخذ يلعب بجواله وهو بعده واقف عند سيارته.

ساره بتردد:السلام عليكم.
جواد رفع راسه:وعليكم السلام(كان لابس نظاره شمسيه فرفعها)ساره!!؟؟
ساره:أي ساره..أنت أكيد جاي عشان شيماء ودانه بس هم راحو من ربع ساعه.
جواد:وتوش جايه اتقولي ليش ماقلتيلي من أول ماشفتيني.
ساره:أفتكرتك جاي تغازل لو تاخذ وحده من ألي تعرفهم.

جواد سكت وساره كانت تنتظر رده.

جواد بهدوء:ألي أعرفها وجاي أخذها هي أنتي.
ساره:شوووووووو.
جواد:أمك قالت لي أن السواق مابيجي لك فأنا جيت لش.(حط نظارته على عيونه وفتح باب السياره)يللا أركبي.
ساره(هذا امصدق نفسه):أني مستحيل أركب وياك.
جواد ببرود:ليش؟!
ساره(ياربي كيف يقدر يصير جذي بارد ولا يسوي نفسه مايدري ليش مابركب وياه)

ساره كانت بترد عليه بس شافت سيارة سلمان توه جاي.

جواد:ماجاوبتيني.
ساره:لأني ماأثق فيك و ماأئمن على نفسي وياك بروحنا..(تأشر على سيارة سلمان)شوف هذاك جاي ياخذني وأني باروح وياه(خلته وراحت ركبت سيارة سلمان).

جواد بعد ماأستوعب أنها ركبت مع واحد مايعرفه غلا الدم في عروقه وعصب حده ركب سيارته عشان يلحق سيارة سلمان.

(ساره كانت قاصده أنها ماتقول له أن سلمان عمها وهو مايعرف أنه عمها )

ساره: سلمان أمشي بسرعه
سلمان:ليش
ساره:أنت أسرع وأني بافهمك بعدين..يلا أسرع.

ساره كانت متوتره وكل اشوي تطلع في مراية السياره .

سلمان لاحظ توترها وأنتبه لسيارة جواد.

سلمان:هذا ليش يلحقني(يطالع ساره)فهميني شسالفه.
ساره:ولاشي..الي يلحقنا هو جواد ولد خالي أمي قالت له يوصلني البيت لأنها ماتدري أنك بتوصلني وجى ياخذني بس أني ركبت وياك من دون ماأقول له أنك عمي.
سلمان بعصبيه:ياغبيه ألحين ويش بيقول عنك ها..أكيد بيقول مو مربيه لو صايعه..بنازلش في بيتنا وهو أكيد بيلحقنا أنتي دخلي أنا بتفاهم وياه.
ساره (ياربي صحيح أني غبيه شان مو يسويلي مشكله..أففف صج أني متسرعه..أصلآ أني ليش رحت له أوفف)


جواد يسوق سيارته ومفول حده..هلصايعه الضايعه تترك ولد خالها وتركب ويا الغريب..أن ماعلمتها الأدب ماأكون أنا جواد..وين رايحين هذا مو طريق البيت(شافا وهي تنزل من السياره عشان تدخل البيت)هلحقيره وبتنزل وياه بعد ..أنا بأدبها هلحماره.

وقف سيارته راح لعند سلمان ألي كان واقف عند سيارته ينتضره يجي له.

جواد ركض لسلمان ومن دون تفاهم مسكه من كلر قميصه:
يالنذل أنت ما
يقاطعه سلمان:جواد هدي أعصابك وخلنا نتفاهم.
جواد أتباعد عنه:أنت تعرفني.
سلمان يعدل ملابسه:لا أنا ماأعرفك لكن ساره قالت لي أنك ولد خالها(يمد يده عن أنه بيسلم عليه)أسمي سلمان العراج عم ساره وهذا البيت اصير بيت جدها.
جواد: ساكت
سلمان:أسف ساره ماوضحت لك الموضوع.
جواد:لا أنا الي لازم أعتذر أسمح لي.
سلمان:أفااا أنا لو كنت محلك بسوي جذي وأعظم...أتفضل أتغذى وياي.
جواد مفتشل:لاعندي شغله لازم أروح..أنشالله مره ثانيه..فمان الله.

ساره كانت تراقب كل ألا صار من نافذة الصاله الفوقيه ولماشافت أن سلمان حل السالفه من دون مشاكل راحت غرفتها وبدلت ملابسها وصلت لما نزلت تحت عطاها سلمان كم تهزيئه ماسكت الا لما تدخلت أمه(الجده)و هدته بعدها اتغدو وجلست ساره عندهم لين المغرب وراحت البيت.

_________________

جواد رجع البيت و على طول راح غرفته وبعد نصف ساعه أتغذى ورجع غرفته.

شيماء بعد الغذى راحت تشاهد في الصاله ألي تحت وحاطه لها قناة ميلودي تنتظر أغاني<<أيوان>>.

أم جواد وأبو جواد راحو لبيت الجد لأنه مريض.

دانه بعد ماخلصت حل واجباتها(بس أتحل ماتحضر الدروس خخخ)راحت فتحت الماسنجر ولقت أحد ضايفنها<<قيس>>وافتكرته البنت ألي عطتها الأيميل وسوت له أدد وتمت تهذر مع صديقاتها وتسمع الأغاني الي في الكمبيوتر لين شافت <<قيس>>صار أون لاين ودخل عليها.

قيس(شغل_أكل_سهر_نوم_هذي حياتي):هلا.
دانه(ويش هلأسم)
دانه(أحب أعيش حياتي وأعيش في قلوب أعز ناسي):أهلين.
(أحب أعيش حياتي وأعيش في قلوب أعز ناسي):أنتي نجلاء مو؟؟؟؟؟؟
(شغل_أكل_سهر_نوم_هذي حياتي):لا مو نجلاء أنا واحد حاب أتعرف عليك{يبغى يعرف كان هي تكلم شباب ولا لأ}
(أحب أعيش حياتي وأعيش في قلوب أعز ناسي):شوووووووووووو!!!!!!!
(أحب أعيش حياتي وأعيش في قلوب أعز ناسي):من وين جبت أيميلي!؟
(شغل_أكل_سهر_نوم_هذي حياتي):مو مهم تعرفي أهم شي أني أبي أتعرف عليك وأنشالله تتطور علاقتنا لتلفون و نتلاقى عدة مرات وأن صار نصيب نتزوج.
(أحب أعيش حياتي وأعيش في قلوب أعز ناسي):أتخسي ألا أنت يالحقير يالنذل يالسبال وقح وحيوان بعد.

ومن كثر ماعصبها على طول سوت له بلوك دلييت وسكرت الماسنجر وأغلقت وطلعت من غرفتها{<تعجبني هلبنت خخخ>} سمعت صوت موسيقى...مو معقول..لازم أقول لشيمو.

راحت لشيماء في الصاله
دانه خايفه:شيماء طفي التلفزيون.
شيماءحاطه رجل على رجل:نعم ويش تبغي!؟
دانه تطفي التلفزيون:ماتسمعي اللحن.
شيماء أستوعبت اللحن الي تسمعه:مو معقول جواد يعزف على البيانو!!!!!
دانه بخوف:تعالي وياي انشوف شنو فيه.

راحو غرفته ودخلو وهو ماأنتبه لهم لأنه كان مندمج.

شيماء و دانه من شافوه قامو يصيحو لين أنتبه جواد لهم.

جواد:ويش فيكم!؟
شيماء تقربت له:جواد ويش ألا ذكرك بلبيانو؟!صار لك سنه ماتعزف عليه.
جواد:ليش شنو فيها لو عزفت عليه الحين.
شيماء:كلنا ندري أن البيانو يذكرك<<بسالي>>أنت بعدك ماتنساها.
جواد بأنفعال:أنا ماحبيتها عشان أنساها و البيانو مايذكرني بأحد زين.(وطلع من الغرفه)
شيماء:جوااد ...جواااااد.
دانه:أنتي هبله ليش جبتي له طاري<< سالي>>
شيماء:من ماتت <<سالي>> وهو مايعزف على البيانو بشو تفسري أنه يعزف عليه الحين؟!
دانه:أحسن لأن هذا معناته أنه نساها و يمكن حب وحده غيرها.
شيماء:هو ماحبها عشان يحب غيرها.
دانه:أووف دامه مايحبها ليش مو قادر ينساها..ها!

شيماء طنشتها وراحت تتصل لجواد تتطمن عليه.

(جواد من وعمره 18سنه يحب يعزف بيانو ولما راح أمريكا درس الموسيقى وصار يعزف على البيانو بس من ماتت سالي صار مايعزف<<مو الحين بتعرفو عن سالفة سالي في الأجزاء الباقيه بتعرفوها>>).

_________________

قيس بعد رد دانه عليه عجبته أكثر بس حز في خاطره أنها سبته و قعد يفكر كيف بيقدر يكلمها و بعد تفكير لمعت فكره في راسه و على طول سوله أيميل جديد وظاف دانه عليه وتم يستناها لين مل وراح قعد مع خواته...بعد الصلاه رجع ولقى دانه ضافته وفرح اكثير.


قيس(ماأبي الحب الا منك):هلا دانه.
(أحب أعيش حياتي وأعيش في قلوب أعز ناسي):إهلين من وياي؟
(ماأبي الحب الا منك):مابقول لك.
(أحب أعيش حياتي وأعيش في قلوب أعز ناسي):عن المصاخه و قولي من أنتي؟
(ماأبي الحب الا منك):أنتي شفتيني في حفلة حوراء أول أمس.
(أحب أعيش حياتي و أعيش في قلوب أعز ناسي):نجلاء؟!
(ماأبي الحب الا منك):لا مو نجلاء
دانه{أوفف}(أحب أعيش حياتي و أعيش في قلوب أعز ناسي):ويش أسمك ومن وين جبتي أيميلي.
(ماأبي الحب الا منك):سر و أسمي ما بقوله.
(أحب أعيش حياتي و أعيش في قلوب أعز ناسي):أخاف تكوني واحد وأني ماأدري.
(ماأبي الحب الا منك):ولو كنت واحد كيف بعرف أسمك؟!
(أحب أعيش حياتي و أعيش في قلوب أعز ناسي):ماأدري بس ثبتي لي أنك كنتي في الحفله وشفتيني.
(ماأبي الحب ألا منك):أممم كنتي لابسه ثوب لونه فوشي مع أزرق وفيه بعض الخطوط البيج و أكسسواراتك كانت مره حلوه بس كنتي لابسه بس تركيه وحده.
(أحب أعيش حياتي و أعيش في قلوب أعز ناسي):ه شكلك كنتي تراقبيني لأن ماحد أنتبه أن تركيتي ضاعت في الحفله.
(ماأبي الحب الا منك):تأكدتي أني بنت.
(أحب أعيش حياتي و أعيش في قلوب أعز ناسي):أي بس ليش ماتقولي أسمك؟!
(ماأبي الحب الا منك):لين اتعرفت عليك عدل باقول لك.
(أحب أعيش حياتي وأعيش في قلوب أعز ناسي):على راحتك بس بشو بناديك؟!
(ماأبي الحب الا منك):سميني <<دلع>>.

وتمو يسولفو لين جى وقت العشاء و راحت دانه تتعشى.

_________________

#مكالمه بين رائد وحوراء#

رائد:حوراء حبيبتي أنا أستأذنت من أبوكي أني أخذك يوم الخميس من الصبح نتمشى مع بعض و بنروح بيت أهلي حق تتعرفوا على بعض عن قرب.
حوراء: ساكته
رائد:أممم السكوت علامة الرضا
حوراء:رائد لا تفهمني خطأ بس ماأقدر أر
يقاطعها رائد:لا بس و لا غيره أنا خطيبش يعني لا تستحي مني.
حوراء بأستسلام:خلاص على راحتك.
رائد:أحببببببببك.
حوراء أستحت حدها :رائد تناديني بتصل فيك بعدين.
رائد: أدري أنك مستحيه..خلاص مع السلامه.
حوراء:الله يسلمك.

_________________

*بعد ثلاثة ايام*في المدرسه.

ساره:حوراء أنتي بتروحي مع رائد يوم الخميس مو؟!
حوراء:لا تزهقيني ماني عارفه ويش ألبس؟!
أمل:ألبسي تنورتش البيضه و ابلوزتش السوده ألي لبستيهم في عيد ميلادي.
حوراء:لا مستحيل تبغي قيس يذبحني {التنوره قصيره واااجد}
أمل:الحمدلله ماعندي أخو كبير يتحكم في.
حوراء:ويش قصدك.
أمل:قصدي واضح مثل الشمس.
ساره:حوراء البسي البنطلون الا أشتريته من المارينا.
حوراء:أي واحد فيهم.
ساره:ألا مليان شك و زخارف و البسي عليه البلوزه الي تشبه وشنتطتش الي فيها شك تناسبهم اكثير و بنسبه للأكسسوارات فما يحتاج تحتاري أكسسواراتك كلها حلوه.
حوراء:ولله فكره مشكوره ياأحلى ساره في العالم.
ساره:ه بس حق المصالح.
أمل:اف يعني مابنطلع مع بعض هلسبوع.
حوراء:بكره الأربعاء ليش مانروح الكرنيش من زمان مارحنا.
أمل:ماأقدر لأن أمي وأبوي بيطلعو وأني لازم أقعد ويا أخوتي حسن وحسين لأني الكبيره.
حوراء:ه وحدش لا بروحش.
ساره:وأني بعد ماأقدر أطلع لأني باروح وياسلمان سوبر ماركت<<مزايا الغذاء>>.
حوراء:خساره يعني مابنتنزه مع بعض.
أمل:أفف ولله ملل.
ساره:صبايا أني باروح أشوف شيماء يمكن يروحو<<مزايا الغذاء>>لأن مرت خالي تموت فيه كل سبوع اتروح تشتري منه حتى لو ماتحتاج شي تشتريه اتروحه.
حوراء و أمل:ه خوش مره.

_________________

اليوم التالي بعد الغذاء دانه قاعده على الماسنجر ودخل عليها قيس.

(ماأبي الحب الا منك):كيف الحال..أشتقت لك ليش مادخلتي أمس؟!
(أحب أعيش حياتي و أعيش في قلوب أعز ناسي):الحمدلله ابخير..لأن كان عليي اختبار أدب أزفت.
(ماأبي الحب الا منك):ه ماتحبي الأدب.
(أحب أعيش حياتي و أعيش في قلوب أعز ناسي):أكره ماده عندي الأدب.
(ماأبي الحب الا منك):أنا أموت فيه.
(أحب أعيش حياتي و أعيش في قلوب أعز ناسي):أنتي في أي صف؟!
(ماأبي الحب ألا منك):خلصت المدرسه.
(أحب أعيش حياتي و أعيش في قلوب أعز ناسي):أهااا يعني في الجامعه.
(ماأبي الحب ألا منك):لا مادخلت الجامعه.
(أحب أعيش حياتي و أعيش في قلوب أعز ناسي):أوكي مابتقولي أسمك.
(ماأبي الحب الا منك):باقولك أذا صرتي صديقتي.
(أحب أعيش حياتي و أعيش في قلوب أعز ناسي): وكيف أصير صديقتك وأني ماأعرفك.
(ماأبي الحب الا منك):أني أبغى أفظفظ لأحد بس أخاف ماحد يسمعني بس لما شفتك أرتحت لك وااجد وأبغى أقول ا لي في خاطري لك.
(أحب أعيش حياتي و أعيش في قلوب أعز ناسي):الله أحب أحد يفظفط لي...يللا قولي الا في خاطرك.

قيس{ياربي ويش باقول لها}

(ماأبي الحب الا منك):أول بسألش سؤال بس حلفي بتجاوبيني بصراحه.
(أحب أعيش حياتي و أعيش في قلوب أعز ناسي):مابحلف بس أسألي.
(ماأبي الحب الا منك):أنتي جربتي الحب؟!
(أحب أعيش حياتي و أعيش في قلوب أعز ناسي):ه يعني أنتي تحبي.
(ماأبي الحب الا منك):ماجاوبتيني على سؤالي.
(أحب أعيش حياتي و اعيش في قلوب أعز ناسي):لا طبعآ أصلآ مجتمعنا مايسمح بلحب و أغلب الأحيان يكون الحب حب أولاد العم أو الخوال يعني الأقارب.
(ماأبي الحب الا منك):دام أن هذي نضرتك مابقول لك.
((أحب أعيش حياتي و اعيش في قلوب أعز ناسي):لالالا قولي عاد قولي.
(ماأبي الحب الا منك):ويش صفات الي تبغيها في زوج المستقبل؟!
(أحب أعيش حياتي و أعيش في قلوب أعز ناسي):ليش هلسؤال؟
(ماأبي الحب الا منك):لأني أبغى أخطبك لأخوي.
(أحب أعيش حياتي و أعيش في قلوب أعز ناسي):ه ما بوافق.
(ماأبي الحب الا منك):ليييييش؟؟!!
(أحب أعيش حياتي و أعيش في قلوب أعز ناسي): بعدني صغيره مابغى أبتلي من الحين..
(ماأبي الحب الا منك):الزواج مو بلوى.
(أحب أعيش حياتي و أعيش في قلوب أعز ناسي):دلع أبتركش الحين لأني بطلع.
(ماأبي الحب الا منك):من دلع؟!
(أحب أعيش حياتي و أعيش في قلوب أعز ناسي): مو أنتي قلتيلي أناديش دلع.
(ماأبي الحب الا منك):اهاااا.
(ماأبي الحب الا منك):وين بتروحي؟
(أحب أعيش حياتي و أعيش في قلوب أعز ناسي):باروح مزايا الغذاء مع الأهل.
(ماأبي الحب الا منك):و متى بتدخلي على الماسنجر؟!
(أحب أعيش حياتي و أعيش في قلوب أعز ناسي):بكره نفس هلوقت..سي يو.
(ماأبي الحب الا منك):باي.

قيس قفل الماسنجر وراح لأمه

قيس:أماه ويش عندش الحين؟
ام قيس:ماعندي شي
قيس:أوكي البيت مو محتاج شي يعني ماتبغي تروحي مزايا الغذاء.
ام قيس:اي ولله أبغى أشتري حوايج واجد.
قيس: خلاص روحي ألبسي عباتك.

وركب فوق عشان يبدل وفي طريقه للغرفه.

فاطمه:سمعتك تقول لأمي تلبس عباتها وين بتروحو؟
قيس:بنروح مزايا الغذاء اتروحي؟
حوراء:أي أي أني باروح لأن صديقات بيكونو هناك.
قيس{عجل أنا ليش باروح}:يللالبسو عباياتكم.

_________________

*ساره تكلم شيماء*

ساره:يعني الحين بتروحو.
شيماء:اي الحين.
ساره{ياربي جواد ما يروح}:كلكم بتروحو.
شيماء:يمكن.
ساره{أوفف}:أوكي باي.

سلمان:ساره.
ساره تلعب بلجوال:نعم.
سلمان:أممم أمل بتروح
ساره:لا مابتروح لأنها بتقعد مع أخوتها الصغار.
سلمان: أووف يعني مابشوفها.
ساره:الكلام الا تقوله عيب.
سلمان:ساره ابغى أطلب منك طلب بس لاترديني ولا تفهميني
ساره:أطلب والله العضيم بانفذه.
سلمان بتردد:أبغى رقم أمل.
ساره:شوووووووو.


تتقوقعون امل بترضى اتكلم سلمان في التلفون؟
وهل جواد بيروح معاهم السوبر ماركت؟
شوراح تسوي دانه لما اتشوف قيس؟
ويش بيكون موقف جواد من حركة ساره؟
كيف يتكون حوراء لما تروح مع رائد وشوبيكون انطبع اهله منها ؟وهل جنان بتكون موجوده؟
شو تتوقعون سالفة سالي وهل جواد كان يحبها؟
وهل قيس يحب دانه بعد مايتعرف عليها عن قرب؟

تسلم ايديك ياااااارب

احداثها رووووووووووعه

ننتظرك على احر من الجمر

اسفه حبيبتي مااقدر اكملها
لان المنتدى الي اسرق منه
بيسوو فيه تعديل يعني مغلق مؤقتا
الله يحفضك ياحوراء
اتمنى تنتظري
تحياتي موووووج

السلام عليكم ورحمة الله وبركاته


مشكورة أختي على هالموضوع الجميل والرااااائع


وأتمنى المزيد من تألقك في قسم الحكم والقصص



وتقـــبلي مروووووري يالغلاااااااااااااااااا



\\\\\\\\\صاحبة السموF

تسلموووووووووو ياقلبي على المرور
مشكورين بس اذروني
بطول عليكم لان المنتدى الي اسرق منه مغلق
مشكورين مره ثانيه
تحياتي موووووج