املي في الحياة

مشكور على القصه الحلوووووه

.. تسلمي أختي على القصة بس وين التكمله يا الغالية ,,. تقبلي مروري ,, العايش ,.

مشكوره خيتو على القصه جنان
بس وين التكمله
اتمنى انك تكمليها قبل الدراسه


تحياتي

القصه حلوة مرررررررررررررررررررره مشكور

غاليتي
((موج النهر ))

لج مني اجمل تحيه
لانه القصه وااايد حلوة
وانا قريتها

واااااااااو روعه

وتابعي تنزيلها علشان الاعضاء يقرونها
وانا متأكده انها راح تعجبهم
والسموحه منج يا الغلا


تحيــــــ همس الرياحين ــــــاتي

وينج ما تكملين القصه


تحياتي

اسفه حبايب قلبي تاخرت عليكم
بس الحين انزلها
اكيد مستغربين مني لقافه هاه
لا بس هذي انا موج غيرت النك نيم ^_^

وتفضلي الجزء 19
#بيت ابو قيس#
ش
أمل و **** سلموا على حوراء حضنوها وقعدوا يسولفوا......
**** تدز حوراء:ويش صار لما شافش رائد.
حوراء:عيب مايعلموا جهال.
****:أني أكبر منش.
أمل:قولي ويش صار؟؟
حوراء:اففففف مو الحين بعدين..ساروه جوادوه حبيبش مره احليوا طلع عندش ذوق.
**** ارتبكت بس حاولت أن هالشي مايبين:أنتي بعدش مصره على أني أحبه.
أمل:**** يبين عليس فلا تكابري.
**** اتغير وجا: ساكته
حوراء عشان تغير الموضوع:ويش حال سلمان؟؟ شو أخر التطورات؟؟
أمل شغلة نفسها بجوالها ولاكأنها سمعت سؤال حوراء.
****:بخير الحمدلله بس أخر التطورات أني أكتشفت صديقتي غبيه وعمي أغبى منها.
أمل طالعتها بنظره خلتها تسكت.......
ــــــــــــــــــــــــــــــــــــــــ

العائلات الأربع راحوا لبنان........
كان الجو هادئ و صافي جمعت العوائل كانت مره حلوه..أول شي سوه أنهم راحوا الفندق ارتاحوا بعدين طلعوا راحوا الجبل اتغذوا هناك ولما خلصوا راحوا مغارة جعيتا بعدين رجعوا الفندق اتعشوا و ناموا.....
اليوم الي بعده..بعد الغذى راحوا يتسوقوا في مجمعات لبنان ولأن شيماء تبغى تشتري لها أغراض حق خطوبتها فتأخروا ومارجعوا الا الساعه تسع وكانوا هلكانين فتعشوا وراحوا في سابع نومه........
على الساعه ست كان الكل صاحي جهزوا أغراضهم وفطروا عائلة ابواسعد وابو فاضل رجعوا سوريا اما عائلة ابوجواد وابو سالي راحوا المطار.

كان بستقبالهم ابو كاضم وكاضم وعباس اولاده<<اولاد خالتهم الهام.
عائلة ابوسالي ركبوا مع عباس وداهم البيت.
أما عائلة ابوجواد فنقسموا لقسمين قسم مع كاضم وقسم مع ابو كاضم عشان الأغراض تكفي.....
اول مادخلوا البيت كان بستقبالهم الخاله الهام وبناتها ديما وكوثر وكانت معاهم تينا<<الخدامه.
ابوجواد وجواد راحوا غرفهم عشان يتركوا النسوان على راحتهم و عشان يرتاحوا.......
*غرفة شيماء*
ديما:شيمو ليش رجعتوا مو من عوايدكم تقعدوا اسبوع وترجعوا.
شيماء:لأن حفلة خطوبتي بعد سبوعين.
ديما وكوثر:يوووء ماأشترينا شي.
دانه:عادي يمديكم تشتروا لأن موأكيد اذا بعد سبوعين او ثلاثه.
شيماء:من الي قالش؟؟
دانه:امبينه لأن خالتي ام أسعد بعدهم مايرجعوا.
شيماء:بس يمكن مايطولوا.
دانه:يمكن مو أكيد.
ديما:راونا ويش اشتريتو.
دانه:أني باروح غرفتي باجيب هداياكم..تركتهم راحت غرفتها..أخذت شنطة الهدايا وطلعت هدايا ديما وكوثر خالتها وهي اطلعهم شافت هديه قعدت تتأملها الهديه كانت الى دلع<<قيس..افف لو تقوليلي من انتي ولله نفسي أشوفش ونفسي أقولش حوايج واجد ماأقدر أقولها لغيرش ياترى رجعتي من السفر؟؟؟؟
رجعت غرفة شيماء عطت ديما وكوثر هداياهم قعدوا يسولفو اشوي..بعدين ديما وكوثر تركوهم يرتاحوا ويناموا نزلوا تحت لأمهم رجعوا مع بعض بيتهم (بيت الخاله الهام قريب لبيت ابوجواد يعني خطوتين وتصيري هناك).
تينا ساعدت ام جواد في الغذى راحت اتصحيهم عشان يتغذوا.
بعد الغذى شيماء اتصلت ل****..
شيماء:الوو.
سلمان:الووو.
شيماء:السلام عليكم.
سلمان:وعليكم السلام.
شيماء:موجوده ****؟؟
سلمان:لحظه..ســـــــاره.
****:نعم.
سلمان:تلفون.
****:من؟؟
سلمان يحرك أكتافه:ماأدري.
****:الوو.
شيماء:هــــــاااااي.
**** فرحانه:هايــــــات شيمو رجعتوا.
شيماء:هيه أني أكلمش من البيت.
****:حمدلله على السلامه..تقبل الله.
شيماء:الله يسلمش..منا ومنش صالح الأعمال.
****:عسى بس مافجعش الحر أهني.
شيماء:ياربي كيف قدرتوا تتحملوا الحر
****: حوروا أول ماوصلت شغلت مكيفات بيتهم كلها ه.
شيماء:ه حوراء كل حرانه حتى في الكوافير خلتهم يشغلوا المكيفات.
****:ه حوراء تحفه.
شيماء:ساروه تعالي اليوم خلي أمل تجي معاش.
****:هاه ماأدري باشوف..ليش رجعتوا؟؟
شيماء:حفلة خطوبتي بعد سبوعين..عشان جواد بكره بيروح المستشفى لأنهم يبغوه.
****:خلاص باجي بكره عشان خالاتش بيجوا اليوم.
شيماء:أبغاش تجي الصبح .
****:اوكيه ماعليه.
شيماء:و أمل.
****:مو مشكله أقولها تجي .
ــــــــــــــــــــــــــــــــــــــــ
#في المستشفى#
فاطمه:راشد تبغى عصير برتقال لو ليمون.
راشد:برتقال.
فاطمه:اممم ويش تبغى تاكل اسبكتي وله باسته وله مكرونه؟؟
راشد:ليش امتعبه نفسش؟؟
فاطمه أخذت المكرونه قعدت جنب راشد:يلا أبغاك تاكله كله.
راشد:قلت لش لو أصدم كل يوم مو أحسن.
فاطمه:راشد ترى بطلع.
راشد:خلاص بسكت..أكل شرب العصير وهي تتأمله.
راشد:حبي شعرش طالع يهبل.
فاطمه:أخاف اتصير أهبل.
راشد:ه أنا مو بس بصير أهبل أنا بتخبل عشانش.
فاطمه استحت نزلت راسها.
راشد:أحسن شي أن عرسنا قريب.
فاطمه:لا مفروض انأجله.
راشد:مستحيــــــل.
فاطمه:كيف ورجلك؟؟
راشد:مو مهم.
فاطمه:الا مهم وبأجله.
راشد:مو على كيفش.
فاطمه:على الأقل أنتظر رجلك تشفى.
راشد:خلاص اذا مااشفيت بافكر اذا أأجله وله لا.
ــــــــــــــــــــــــــــــــــــــــ
اليوم التالي#بيت ابو جواد#
**** راحت لهم سلمت على أم جواد ابو جواد قعدت مع دانه شيماء..جواد ماكان في البيت عشان ماتكتشف شيماء أنه لعب عليها و ماراح المستشفى......
شيماء تراوي **** الأشياء الي أشترتها حق الخطوبه.......
****:الـلـه شيمو هذا الثوب احليو يناسب صبغة شعرش.
شيماء:صحيح فلي شعرش ابغى أشوفه.(**** كانت رافعه شعرها).
دانه:هيه فليه أبغى أشوف اذا كان زي طول شعري لو لا.
****:لا أني أقصر..فلت شعرها وانساب على وجا.
شيماء:واااااااااو.
دانه:اتجننــــــي.
**** خجلانه تحرك صبعها:لاتخجلوني.
دانه:لو عندي أخو غير جوادو المعفن كان خطبتش له.
شيماء:ماأسمح لش.
دانه:لا تكفي أرجوش اسمحي لي.
شيماء:جواد مافي أحسن منه.
دانه:ماشاء الله جواد ملاك مافي أحسن منه.
****:بسكم خلاص لما أطلع اتشابقوا على كيفكم.
شيماء:الحين بتطلعي؟؟توش جايه!!
****:صار لي ساعتين أهني وتقولي توني.
دانه:هيه مامداش.
****:باروح اسوي الغذى لسلمان.
شيماء:بصراحه أني خايفه على عمش لما بيتزوج مابيحصل وحده تدلله زيش.
****(بيحصل اذا ترك غبائه وهي تركت قوتها)لبست عباتها واتصلت لسلمان..بعد ربع ساعه وصل سلمان سلم على ابوجواد وراحوا.....
بعد ساعه رجع جواد البيت.......
جواد:اماه امــــــاه.
ام جواد:هذاني في المطبخ تعال.
جواد:جوعان ابغى غذى.
ام جواد:اصبر اشوي.
جواد:باروح غرفتي اذا استوى الغذى نادوني.
ام جواد:انشاءلله.
ركب فوق كان بيروح غرفته بس غير اتجا وراح غرفة شيماء....
جواد:هلا.
شيماء:اهلين.
جواد:بتطلعي لو أحد بيجي لش؟؟
شيماء:لا ليش تسأل؟؟
جواد:أشوفش متعدله!!!
شيماء: يعني أني ماأتعدل؟؟
جواد:لا مو قصدي جذي.
شيماء:عارفه ويش قصدك أني لابسه لأن **** كانت اهني.
جواد:**** جت!؟ ليش ماقلتولي؟؟
شيماء رافعه حواجبها:وليش انقولك.
جواد:له يعني عشان اسلم عليها.
شيماء:احلف .
جواد طنشها راح غرفته....
بعد الغذى شيماء راحت تتكلم مع ابوها......
شيماء:ابوي ممكن طلب
ابوجواد:اتفضلي.
شيماء:**** أغلب الوقت يكون عمها برى البيت وهي تقعد بروحها في البيت..ابغاك تقنعها تجي تنام عندنا كم يوم.
ابوجواد: ايفكر
شيماء: تنتظر جوابه
ابوجواد:بس هي بترضى.؟؟
شيماء:ماأدري ابغاك تقنعها.
ابوجواد:خلاص بعد اشوي بتصل لها.
شيماء باسته :مشكور ابوي..راحت وهي فرحانه.
ــــــــــــــــــــــــــــــــــــــــ
#في البحر#
وائل:سلمان لمتى بتضل على هالحال؟؟
سلمان اتنهد:ماأدري المشكله أني ماأقدر أنساها واذا شفت **** اذكرها وأنا **** دايم أشوفها يعني مابنساها.
وائل:الحل أنك تبتعد عن البيت.
سلمان:الكلام سهل بس الفعل صعب كيف بقدر أخلي **** بروحها؟؟
وائل:ماأدري انت دبر نفسك..أنا والشباب بنروح الجبيل اذا حاب تروح معانا عشان تغير جو شوف لك حل.
سلمان:بفكر بس أكيد مابروح.
وائل:زين أمش ضاقت خلقي كل قاعد في البحر.
سلمان:انت مو رومنسي ابد.
وائل:خليت الرومنسيه و خياس البحر لك.
سلمان:تدري عاد انت الي اضيق الخلق.
وائل:امش أمش .
ركبوا السياره قعدوا يداورو اشوي بعدين سلمان وصل وائل البيت وراح هو البيت.......
اول مادخل سمع صوت **** وهي اتكلم تلفون....
****:أني ماأبغى أرفض لك طلب بس ياخالي أني ماأقدر أترك عمي بروحه من بيطبخ له من بيهتم فيه.
ابوجواد:يعني انتي ماتبعي تجي بيتنا؟؟
****:لا بالعكس أني اتمنى اقعد مع شيماء ودانه بس ماأقدر اترك(شافت سلمان يأشر لها) لحظه خالي.
سلمان:ويش يبغى؟؟
****:يبغاني اروح اقعد معاهم كم يوم.
سلمان:وانتي تبغي تروحي؟؟
**** نزلت راسها.
سلمان:ردي عليه قولي أنش بتروحي.
****:بس أن
سلمان:ردي عليه وانا بافهمش.
****:الوو
ابوجواد:هاه ويش قررتوا؟؟
**** ابتسمت:الي تبغاه بيصير.
ابوجواد:خلاص جهزي أغراضس باجي أخذش بكره.
****:بتجي تاخذي؟!
سلمان:قولي له انا باوديش عشان باسلم على جواد.
****:عمي بجيبني يقول يبغى يشوف جواد.
ابوجواد:على خير مع السلامه.
****:الله يسلمك..سكرت التلفون.
****:يلا فهمني.
سلمان:أنا باروح الجبيل مع صدقاني أنتي روحي بيت خالش عادي.
****:اهاا عجل باروح أجهز أغراضي وأغراضك.

اليوم التالي
صحت سوت الفطور فطرت مع سلمان قعدوا يسوموا اشوي بعدين راحت اتكمل باقي الأغراض وسوت الغذى اتغذوا بعدين لبست عباتها وراحوا......
وقف سلمان عند البيت:شوفي لي طريق ابغى اسلم على جواد.
****:انشاءلله.
حمل عنها الشنطه حطها عند الباب..أخذت الشنطه دخلت و سلمان ينتظر برى..خطت خطوتين الا جواد قدامها ارتبكت حست أن حرارتها أرتفعت قلبها يدق بقوه.
جواد:مافي حمدلله على السلامه.
**** ماتدري ليش هي ترتجف: حم حمدلله على السلامه.
جواد:الله يسلمش..كيف حالش؟؟
****:ب بخير..سلمان ينتظرك برى(قالت جذي عشان تبغاه يروح لأنها مو قادره تتحمل أكثر).
جواد:ليش مادخل؟؟
****:هاه ماأدري.
جواد طالعها وراح......
وقفت تلتقط انفاسها ودموعها بدت تسيل على وجها..ياربي ليش من أشوفه ارتبك ماأقدر أقول كلمتين على بعض..أني غبيه ليش وافقت اجي احين باشوفه في اي وقت اكيد بيلاحظ..فتحت شنطتها أخذت نشاف مسحت به ادموعها دخلت....
شيماء كانت في الصاله تنتظرها ماتدري أن هي جت...
**** ببتسامه:السلام عليكم.
شيماء:وعليكم السلام..باستها..ياربي ساروه ماأتخيل أنش بتكوني معاي مره ثانيه.
**** أبتسمت برقه..
شيماء حملت شنطة ****:يلا تعالي معاي.
........
بعد ماسلم على سلمان راح لهادي لأنهم توهم راجعين من السفر....
هادي:اخ جوادو السفره مو حلوه من دونها..كله منك عسى بس ارتحت وراح أشتياقك.
جواد:لا تبط جبدي مو عارف ويش اسوي.
هادي:قلت لك الله يساعدك.
جواد:افففففف..رن جواله نغمة الرسايل..فتح الرساله قراها..مو معقول.
هادي:شوو.
جواد:هادي أنا بطلع .
هادي:تعال وين رايح؟؟
جواد:عندي اتصال مهم.
هادي:تعال خذ هدية شيماء.
جواد:جيبها بسرعه.
هادي:لهدرجه الأتصال مهم.
جواد:هاديوه يلا بسرعه.
جاب له الهديه..أخذها وطلع.
ركب سيارته واتصل....

بعد ماأنتهى من المكالمه رجع البيت..أول مادخل شاف شيماء و**** قاعدين يشاهدوا في الصاله.....
جواد:السلام عليكم.
**** وشيماء:وعليكم السلام.
قعد جنب شيماء:شيوم أحبش.
**** طالعت التفزيون.
شيماء:ليش جاي .
جواد اغني:جاني حبيبي من بعد غيبة اسنين.
شيماء:ياسلام عليك.
جواد اغني:ياسلام ياسلام اد ايه حلو الغراااام.
شيماء:مجنون.
جواد اغني:قول عليا مجنون قول عليا مجنون.
**** ابتسمت على حركاته...
شيماء:افففففف زهقتني يعني ويه.
جواد اغني:يعني يعني ماودك تجينا يعني متكبر علينا.
شيماء:نرفزتني بجد.
جواد:خلاص بسكت بس اخذي ..عطاها الكيس ..هديه هادي.
شيماء خجلانه:هدية شو؟؟
جواد:مو سافر هدية السفر.
شيماء:بس أني سافرت.
جواد:عادي بس هو أشترى الهديه مو بس عشان أنه سافر عشان يراضيش على زعلتش ذيك المره.
شيماء وجا أحمر:شكرآ..مسكت **** وركبت غرفتها.
****:افتحي الهديه ابغى أشوف ويش جاب لش.
شيماء:انزين..فتحت الهديه..كانت ساعه جلد ورديه ومعلق فيها سوار محطوط فيه اسمها وشكله جنان.
****:الــــلـــــه
شيماء:ذوقه يهبل.
في هالحظه جواد دق الباب:شيماء اخذي جوالي أشحنيه.
شيماء:وين شاحنك؟؟
جواد:مو فاظي ادوره.
أخذت جواله حطته يعبي:ويلي جوعانه باروح أشوف العشى.
****: ساكته..راحت شيماء.
طالعت جواله حست أن عندها فضول تشوف رسايله..أخذته راحت لرسايل شافت رساله من عند ~حبيبتي~ فتحتها على طول..
"هلا
جواد أرجوك سامحني ولله أني حبيتك ادري أنك تتصل لي عشان تهزئني على الي سويته في شيماء..صدقني أني حبيتك بصدق أني تقربت لك عشان أنتقم من **** لأني حسيتها تحبك بس المشكله أني حبيتك من جد.
أحبك..."

ادموعها سالت على خدها سيـــــــلان..هذا كان قصدها أنها بتحرق قلبي حرام عليها كافي العذاب الي اتعذبه..جواد يحبها..حست بشيماء جايه رجعت الجوال مكانه راحت الحمام عشان تمسح دموعها.
شيماء:****..****.
**** وهي داخل:نعم.
شيماء:لما تخلصي نزلي لي تحت.
****:ماعليه.
شيماء نزلت تحت..بعد ربع ساعه طلعت من الحمام كان بودها تقعد في الغرفه تصيح على كيفها بس خافت شيماء تسألها وتنفظح.
طلعت من الغرفه شافت دانه.....
دانه:اففففف.
****:ويش فيش؟؟
دانه:صديقتي جوالها مقفل وماتدخل المسانجر.
****:اتصلي لها على البيت.
دانه:ما عندي الرقم.
****:يمكن مشغوله.
دانه:لا بعدها ماترجع من السفر.
نزلوا قعدوا مع شيماء في الصاله..نادتهم أم جواد عشان العشى..راحوا لها.
ام جواد:تينا وين جواد؟؟
تينا:في يروح كرفه شيماء ياخد جوال مال هو يروح كديقه<<حديقه.
ام جواد:تينا دانه شيماء تعالوا ساعدوني **** نادي على جواد.
****:اني!؟
ام جواد:هيه يلا بسرعه.
**** راحت الحديقه غصبآ عنها لأنها ماكانت تبغى تشوف جواد بعد الي قرته...
طلعت من باب الصاله شافت قدامها بس بعيد وكان عاطنها ظهره ويطالع نفسه بالمرايه ويكلم.
جواد:أحبش أموت فيش..ه..لابجد أنا عمري ماحبيت وحده غيرش..افاا مرام تقولي عني كذاب.
ماسمعت الكلام الباقي لأنها رجعت لهم وهي ماسكه صيحتها.
ابوجواد:ويش فيش ****؟؟
****:مافي شي بس خالي أني مو جوعانه ونعسانه باروح أنام.
ابوجواد:لا يابنيتي تعالي اتعشي.
****:بس.
ابوجواد:يلا تعالي قعدي جنبي.
**** قعدت جنبه وهي ماسكه صيحتها....
جى لهم جواد:ماقلتولي عشى.
ام جواد:مانادتك ****.
جواد طالع ****:لا نادتني بس انا أمزح.
ابوجواد:جواد بيتك جهز بس باقي العروس.
جواد:ماشفت العروس لحد الحين.
**** رفعت راسها طالعته(ليش مايبغى يتزوج دامها اتحبه و يح..قاطعت نفسها لأنها ماتبغى تعترف بالشي).
دانه:ابوي نبغى انروح المزرعه بكره.
ابوجواد:خلاص جهزوا نفسكم.
شيماء:ياي **** بتشوفي مزرعتنا بكره.
دانه:بتصل لهناء تروح معانا.
ابوجواد:سوه الي تبغوه.
بعد العشى راحت غرفة شيماء أنتظرت شيماء تنام وفجرت نوبة الصياح الي فيها....

*اليوم التالي*
صحوا من الساعه ثمان فطروا جهزوا نفسهم طلعوا من البيت مروا على هناء وبتول اخذوهم راحوا المزرعه..أول ماوصلوا حطوا أغراضهم راحوا ايراوا **** المزرعه.....
في المطبخ **** كانت تكلم سلمان وهناء كانت موجوده معاها.. بعد ماخلصت المكالمه......
هناء:هذا عمش؟؟
****:هيه.
هناء:يعني أنتي عايشه معاه؟؟
****:لا بس لأن أمي مسافره.
هناء شهقت بدلع:في أم تترك بنتها واتسافر لهدرجه الكل مايطيقش ابوش طلق أمش وتركش وسافر اتخلى عنش ومات جدتش تركتش وماتت أمش سافرت عشان تفتك منش وعمش ماورى عليه حصل أحد ياخذش ويفتك منش ويه الحمدلله اني محبوبه من الكل.
جواد دخل امعصب:هنـــــــاء احترمي نفسش أحسن لش أن سمعتش تقولي هالكلام مره ثانيه ولله ثم ولله لتشوفي شي ماشفتيه.
**** ماقدرت تتحمل كلامها طلعت من المطبخ من دون ماتسمع كلام جواد..راحت لأخر زاويه في المزرعه قعدت على الأعشاب ضمت رجايلها ويدانها صاحت اصياح يقطع القلب..أني ماحد يحبني الكل مايطيقوني حتى سلمان وجودي معاه منعه من أنه يطلع بحريته ماحد يحنبي يبغوه يفتكوا مني ليش ليش..حست بخطوات وراها رفعت راسها....
جواد:ممكن اقعد؟؟
**** مسحت ادموعها:اتفضل..توها بتقوم.
جواد قعد قدامها(**** كانت قاعده في مكان رفيع اشوي وجواد قعد قدامها بس صار أنزل منها).
جواد:ممكن اتكلم معاش؟؟
****:ساكته.
جواد:**** لاتكوني زي النوع الي مع اي مشكله اتواج يستسلم على طول يفقد الأمل وييأس ربش أمرنا أن مانفقد الأمل ربش قال[ولا ييأس من روح الله الا القوم الكافرون] مو معناة أنش فقدتي أنسان عزيز عليش يعني فقدتي الدنيا كلها..**** أنتي بعدش صغيره تركي همومش واحزانش انسيهم ثقي بنفسش لاتخلي كلمه اتجيبش وكلمه توديش ماعليش من كلام الناس مو على اي شي تصيحي هذا يضر بصحتش اذا أنتي مو مهتمه لنفسش ولحياتش في غيرش اتهمه راحتش وصحتش..أخذ نفس طويل..**** أنا أحبش من كل قلبي عمري ماكنت صادق في هالكلمه لغيرش.
**** حطت يديها على اذينها والدموع ماليه عيونها:جواد تكفى علي أني يتيمه.
أثرت عليه جملتها أخذ يدها حطها على قلبه:اذا كنت أكذب فدقات قلبي مابتكذب..
دق قلبها بشكل مو طبيعي فسحبت يدها بسرعه.
جواد:عارف انش مو مستوعبه كلامي لأن مايبين علي أحبش من حركاتي بس أنا كنت أظغط على نفسي فتكرتش تكرهيني أنا أعجبت بش من أول ماشفتش في محل الورد ويوم عن يوم يزداد أعجابي ليما اتحول لحب بس كنت أقنع نفسي أنها أوهام لأنش قلتي لي~أكرهك~.
**** نزلت راسها...
جواد:كنت كل ماأشوفش وأشوف نظرة الحزن بعيونش اتكدر أنتي ماتبيني لأحد أنش حزينه بس هذا الحزن يبين في عيونش
**** تقاطعه:عشان جذي سميتني حزن العيون في جوالك.
جواد بنظرات قويه:**** لاتقاطعيني أنا أعترف بشعوري الرجال اذا أعترف مفروض ماحد يقاطعه.
**** دقات قلبها تزداد.
جواد اتنهد:تذكري لما رفضتي أوصلش خليتي سلمان يوصلش من دون ماأدري أنه عمش غلى الدم بعروقي ماقدرت اتحمل فكرة أنش مع واحد غريب كنت أقنع نفسي أن هالشعور شعور غيره على أهلي أو أني أبغى أخافظ على سمعتنا..لما أنتشر خبر أنش خطيبتي في المستشفى ماصدقت كنت أتمنى أن هالشي حقيقي..حتى لما صرخت عليش على العصير كنت مو متقبل فكرت أنش تكرهيني لهدرجه..تدري أني خليتهم يرجعوا عشان أشوفش لأني أشتقت لش.
**** ماتدري كيف طلعت هالكلمه:و مرام؟؟؟
جواد ابتسم:قريتي رسالتها مو؟؟
**** طالعته!!!!!
جواد ببتسامه:لما أخذت جوالي كان محطوط على رسالة مرام وانا سألت شيماء ودانه قالوا ماأخذوا جوالي يعني مافي أحد غيرش...اسمعي مرام ماحملت لها اي مشاعر والكل يعرف أني مستحيل أرتبط بوحده تكلمني واتخون ثقة أهلها..أنا سميتها في جوالي حبيبتي لأنها قالت لي أسميها جذي وأنا ماخطر على بالي أغير الأسم..أمس لما جيتي تناديني ماكنت أكلم مرام كنت أكلم لؤي صديقي وكنت أقول الكلام الي سمعتيه عشان أشوف ردة فعلش من المرايه واتأكد من الي قالته مرام عنش واذا كانت معلومتها خطأ اوصح.
****:اي معلومه؟؟
جواد مسك يدها طلع اسوار من مخباه لبسها اياه وهي كانت بتسحب يدها بس ماقدرت(كان السوار كبير على شكل حرف الأس مره حليو)
جواد بنظرات تقتل:اتحبــيـني؟؟
سكتت ضاعت منها الكلمات ماعرفت شتقول.
سمعوا صوت ابو جواد ينادي جواد فراح له من دون ماترد عليه ****.
**** راحت داخل قعدت في الصاله وهي مو قادرن تستوعب الكلام الي قاله جواد الفرحه مو شايلتنها..من كثر فرحتها طاحوا دمعاتها.
جوا لها شيماء ودانه وهناء وافتكروها تصيح عشان الي قالته هناء......
شيماء:خلاص **** هناء ماكانت تقصد.
دانه:**** هناء تبغى تعتذر لش.
هناء:اسفه **** ماأدري ليش قلت جذي..صاحت.
**** تطالعها ابتسمت:خلاص عادي سامحتش.
هناء:صدق قلبش طيب.
سمعوا صوت عزف جواد و من كلمات الغنيه الي قالها عرفت **** أنه يعنيها.
شغلتني عينك من اول يوم وبيقت مغروم وبفكر فيك
شدتني ايدك وملكت روح من يومهاا بقيــت هايــم حوليـك
شغلتني عينك من اول يوم وبيقت مغروم وبفكر فيك
شدتني ايدك وملكت روح من يومها بقيت هايم حواليــــــــــك
اربني منك اربني اربني وياك تبعدني وياريت لئلبك يسمح لي اعيش بعمرك ويملكوني......
لسمع

شو راح يصيـــر بعد اعتـــراف جواد لســــــاره بحــــــبه؟؟
هــــل بعـــترف ســـــــــــارونه بحــــــبها؟
شــــنو راح ايصـــير دانـــــــــــه وقيـــــــــــس بعــد اعـــتراف قيـــــــــــس؟
هـــل بيـــتأجل عـــرس فطـــــــــــوم وراشـــــــــــد؟
كـــيف بتـــكون خطـــوبته شيـــــــــــماء وهـــــــــــادي وهل بيكون فـــي عـــائق يمـــنع خطــــــوبه؟
الجزء العشرووووون
بعد ماخلص من عزفه راح برى سند راسه على شجره..أحس أني في حلم..معقول أعترفت لها..أحس براحه طلعت كل الي بقلبي..ياترى شنو بيكون ردها؟؟؟....
كان قاعد في مكان فيه ظل الأشجار من جذي ماحس بالحر واجد....
اتأمل الطبيعه وهو يحس نفسه أنسان ثاني..انسدح على الأعشاب حط يديه تحت راسه صار يتأمل السماء ويفكر غمض عيونه قعد يفكر ويفكر...حس بخطوات جايه له.
تينا:بابا جوال مال أنتا..مدت له الجوال.
جواد بعده مغمض عيونه:أنا ماقلت لش أبغى جوالي.
تينا:ماما ساره في يئطي جوال مال انتا.
جواد قام:ساره!!!!!!!!!!!!!!!!!!!!!
أخذ جواله و تينا راحت..فتح جواله لقى ثلاث مكالمات من حبيبتي<< مرام...اففف أنا لازم أفتك منها..ابتسم ابتسامه خبيثه..ماعندي غير هالحل.
أتصل لها......
مرام:حبيبي ويش فيك ماترد علي.
جواد بصوت تعبان:مرام أنا أنا
مرام:جواد حبيبي ويش فيك؟؟
جواد بنفس الصوت التعب:مرام أنا في المستشفى.
مرام شهقت:ليـــــش؟؟!!
جواد بنبرة تكسر الخاطر:صابني حادث واتشوهت.
مرام متفاجئه: ساكته
جواد ايصيح:مرام أنا أنتهيت ..بعد فترة صمت.. مرام أنتي اتحبيني بتقبلي تتزوجيني مو
مرام:اتخسي الا أنت هذا الي ناقص اتزوج واحد امشوه.
جواد:بس أنا أحبش.
مرام:أحسن عشان ماتحب ساره...سدت الخط.
جواد:العن شكلش..ويه فكه منش....رجع افكر .. كيف عرفت أن ساره اتحبني..ابتسم يستهزء بنفسه..وأنا أقول بكل ثقه اتحبني.يمكن ماتحبني..اخ كان اتحطم.
عود لوضعيته الي قبل...أتنهد..أتوقع اتحبني كل شي يبين أنها اتحبني تصرفاتها طريقتها في الكلام أسلوبها ردة فعلها لما قلت لها سؤالها عن مرام..ابتسم ابتسامه خفيفه..لو ماكانت اتحبني كان ماعطت جوالي لتينا عشان أحل مشكلة مراموه..اففففففف كله من أبوي لو ماناداني كان ...فتح عيونه بسرعه بسبب الصراخ القوي الي سمعه على طول فز من مكانه وراح مكان الصراخ.....
.......
بعد ماسمعته وهو يغني تركت البنات وراحت الغرفه المخصصه لها..انسدحت على السرير أخذت دبدوبها....
ساره:أحس أني في حلم مو قادره أصدق جواد اايحبني!!!! .. طيب ومرام لو ماكان قايل لها شي مااتصلت له ....عدلت جلستها وحطت دبدوبها قدامها....
ساره:حنونو << أسم دبدوبها .. جواد قالي يحبني ...صار وجا تفاحه...أول مره أحس بالفرحه من كل قلبي .. حنونو أحبه أمووت فيه...وهي اتأشر لدبدوب أنتبهت على السوار..يووووه فشله أكيد شيماء دانه هناء شافوه علي و أني زي الهبله مافسخته ....سمعت صوت الصراخ فزت من مكانها لبست عباتها طلعت من غرفتها راحت مكان الصراخ.......
راحت برى عند المكان الي يلعبوا فيه كرة طائره و كان الجو حـــــار خصوصآ أن الساعه وحده الظهر والمكان مافيه ظل....
شافت ام جواد شيماء و هناء يحاولوا ايصحوا دانه الي مغمى عليها....
ساره خايفه:ويش صاير ويش فيها دانه.
شيماء تصيح:ماأدري ماشفناها الا طاحت.
ام جواد تضرب دانه بالخفيف على خدها:دانه دانه يابنيتي قومي..شهقت..حرارتها مرتفعه.
في هالحظه جى جواد:ويش فيكم ويش صاير!؟؟؟؟
ام جواد اتصيح وهي تطالعه رايح لدانه:دانه مدري ويش فيها.
جواد لمس جبهتها:ساخنه!! حرارتها مرتفعه!!! وخدودها حمران..وكأنه توه يستوعب..أغبياء ليش تاركينها في الشمس؟؟
ماأنتظر منهم جواب على طول حملها ودخلها داخل الصاله والبقيه وراه..بطحها على الأرض وصار يفحصها وهم يراقبوه.
جواد متوتر أشوي:شيماء عبي بانيو غرفتها بماي بارد بسرعه .. ساره جيبي فوطه صغيره رطبه و اسفنجه وديهم غرفة دانه.
ام جواد:جواد ويش فيها دانه؟؟؟
جواد وهو حامل دانه بيوديها غرفتها:ضربة شمس.
ام جواد وهناء:ضربة شمس؟؟!!!!!!!!!!!!!!!!!!!!!!!!!
راح الغرفه بطحها على الأرض:شيماء عبيتي البانيو؟؟
شيماء:هيه يتعبى.
جت ساره وعندها الفوطه والأسفنجه:هاه صحت؟؟
جواد:لا .. أنا بطلع برى الغرفه وبقولكم ويش تسوو معاها .. طلع من الغرفه سكر الباب.
جواد:تسمعوني عدل؟؟
ساره وشيماء:هيه.
جواد:امسحوا جسمها بماي بارد بالاسفنجه وكررو هالشي لين تنخفض حرارتها.
بعد فتره...
شيماء بصوت عالي:جواد أحس أن حرارتها انخفضت.
جواد كانت معاه ام جواد و هناء بصوت عالي:حملوها وحطوها في البانيو.
سوو كل الي قاله بعدين بطحوها على السرير ودخل لها جواد....
جواد قاس حرارتها و نبظها:الحمدلله صارت زينه.
ام جواد:ليش ماصحت؟؟ قوم وديها المستشفى.
جواد:افاا ماتوثقي بعلاجي بعدين هي لازم ترتاح ..طالع ساره وشيماء.. يبغالي أشغلكم عندي شغلكم زاحف>>عدل.
شيماء:روح قال أشتغل عنده أني اتكسرت باروح أرتاح .. ساره تعالي معاي.
طالعها قبل ماتروح .. ابتسمت بخجل لحقت شيماء..جواد طلع من الغرفه راح الصاله يشاهد.
في غرفة شيماء..
شيماء مسكت ساره قعدتها على السرير:بسألش سؤال بس فذمتش تجاوبيني من دون كذب.
ساره:اسألي!!!!
شيماء:انتي اتحبي جواد؟؟
ساره ارتبكت:هاه.
شيماء:على ماأظن سمعتي سؤالي.
ساره وقفت عند النافذه وهي تلعب بأظافرها:ليش تسألي؟؟
شيماء:ابغى أطمن على مشاعر أخوي.
ساره تسطعبط:ويش فيها مشاعره.
شيماء:لاتسطعبطي أنتي عارفه أنه يحبش والدلاله السوار الي عليش.
ساره(يوووه نسيت افسخه)سكتت اشوي و راحت قعدت على السرير قدام شيماء وبخجل واضح:هو الي قالش؟؟
شيماء مبتسمه:جواد مايخبي عني شي هو صحيح ماقالي أن أنتي الي يحبها بس لمح لي.
ساره:ويش قال؟؟
شيماء:هذا أهتمام وله شي ثاني.
ساره نزلت راسها وجا يعبر عن الي بداخلها.
شيماء:اتحبيه ؟؟
ساره هزت راسها وهي مستحيه لحدها.
شيماء حضنتها:ياي كنت متمنيتنش له .. الله يوفقكم.
ساره:ويوفقش مع هادي.
شيماء:انزين اسمعي ويش كان يقول عنش.
ساره عدلت قعدتها عشان تسمع الا بدخلة هناء الغرفه....
هناء:انتوا اهني وأنا ادوركم.
شيماء بصوت واطي:افففففففف هذي ويش جيبها.
ساره قرصت شيماء:ابغى أعرف ويش ايقول.
هناء:في ويش تتساسروا ؟؟
شيماء:ولا شي عادي.
ساره:اني باروح الغرفه اشوي وراجعه .. راحت الغرفه فسخت السوار اتأملته حطه مع أغراضها ورجعت لهم.

في غرفة دانه.....
كانت دانه بعدها نايمه وقيس>>دلع حرق جوالها من كثر مايتصل لها بس هي من شدة التعب ماصحت ولأنها مخصصه له نغمه هاديه.
جت لها أم جواد......
ام جواد:دانه دانــــه قومي غذى أنتي لازم تتغذي.
دانه: نايمه.
ام جواد هزتها:دانه قومي لاتعلي جبدي.
دانه: همم
ام جواد:قومي لازم تاكلي لش شي.
دانه:م ماأبغى.
جت شيماء ومعاها ساره و هناء:دانوه قومي الغذى كبسة لحم الا تحبيها.
دانه ماردت.
ساره:خلاص خلوها ترتاح.
شيماء:اي ترتاح ماتشوفيها ضعيفه و جواد قال لازم تاكل...هيه عرفت كيف بقعدها أخذت جوالها وحطت أقوى وأعلى نغمه.
دانه بتعب:اففف ويش هالأزعاج..صدقوني ماأبغى غذى أبغى أرتاح.
سمعوا دق على الباب .. هناء و ساره لبسوا عبيهم.
شيماء:أدخـل.
جواد وهو داخل:صحت؟؟
شيماء:مو راضيه.
جواد:خلاص تركوها ليما تقعد منها لنفسها.
تركوها وراحوا يتغذوا .. بعد الغذى سبحوا البنات في البركه وبما أن هناء ماتعرف تسبح وشيماء وساره يعرفوه فصاروا يروحوا ابعد مكان في البركه عشان يسولفوا على راحتهم..
قاموا من البركه في المغرب عشان يصلوا .. لقوا دانه صحت وقاعده تصلي .. اتمسحوا وصلوا......
هناء تحوس في جوال دانه:دانه عندش تسعطعش مكالمه لم يرد عليها.
دانه: من عند من ؟؟
هناء:ثلاث من عند زهره وثنتين من عند عقيله وأربع طعش من عند دلوعه و رساله.
دانه:دلع أتصلت!!!!!!! جيبي جوالي ..أخذته جوالها فتحت الرسالها..
"هلا دانتي.
أتصلش ليش ماتردي عسى ماشر.
دانه ولله أشتقت لش"
أتصلت بس مارد عليها .. اففف ماترد.
هناء:من هي؟؟
دانه:دلع صديقتي.
هناء:كلميها بعدين أو بكره.
دانه:يلا نطلع.
بعد العشى ردت اتصلت بس مايرد فنامت