جاوب بصراحه (تعطي خواتك وجه) ؟؟؟؟

جبت لكم مشاهد من حياتنا اليوميه ومن هالمشاهد بنعرف ارائكم


المشهد الاول:


أنا: راكان ممكن تتكرم وتوديني السوق ؟

راكان: يوووووووووه فاضي لك ..مشغوووول..>> يضغط عالكلمه ..

(يدق جوال راكان) هلاااااااااااا والله بابو حميد ..وينك يارجال ..عاش من سمع هالصوت ..

وشلون ..تبي تشوفني الحين ؟؟ ..ابشر ..لا ..يارجال لامشغول ولا شي>>شف النذاله وهو توه يقولي اني مشغول(!)

المشهد الثاني:
أنا :عبدالله .. توديني للسوق ,,

عبدالله: والله اني مشغوول ..روحي قولي لاخوانك>>وانت وشو؟ولد الجيران مثلا!! المشهد الثالث :

أروح أنا الطراره>>عفوا المسكينه لاخوي مشعل أنا: شعولي ..يا بعد هالدنيا ..وش رايك نروح للسوق..منها نتمشى ومنها انا نغير جو..<<أقوله كذا ..عشانه رومنسي ..

مشعل:اممممم ..والله فكرة ..حتى انا مليت من طلعات الشباب.. يله .. روحي البسي عبايتك ..


وأنا أقول :صدق؟؟>>كنه بيوديني الجنه

وعند الباب ..دق جوال مشعل هلابك...انت عند الباب؟؟...حياك الله...يله ..دقيقه وافتحلك..

مشعل: يووووووووه معليش ..مواعد واحد من الشباب..يله بسرعه ادخلي البيت .. وسويلي القهوه ..

تعامل الاخ مع اخته في مجتمعنا ..كيف تقيمونه..؟؟؟

هل انت راضي عن تعاملك مع خواتك .وانتي راضيه عن تعامل اخوك معك؟؟؟

هل تعطي اخواتك حقهم من وقتك وتجلس تدردش معهم ولا لا؟؟

انتي كاخت وانت كاخو..هل لديك احد من اخوانك قريب لقلبك اكثر من غيره..والا كلهم سوا؟؟


هالمشاهد من حياتنا اليومية واتمنى الكل يجاوب بصرااحه ..



تحيآآآآآتي للجميع



" روح "

الموضوع الاصلي  من روعة الكون