ياشباب ويااااصبايااااا أعذروني قمت أخبص اليومين,,, الإجازه على وشك أنها تنتي ,, وأبي أرجع الله يعيني على حر الرياض ,,,,آه آه يااااااحائل,,,
نبداء بالموضوع\\\\\\\\\\\\
السلام عليكم ورحمة الله وبركاتة ,,
منذ ان كنا صغار ,, ونحن نسمع عن تلك الكلمة النبيلة الحب ,,
عندما نشاهد التلفاز نشاهد الحب ,, عندما نستمع الى الاغاني نسمع عن الحب
عندما نتصفح الجرائد نقراء عن الحب ,,عندمااا نأتي إلى شبك الغنم بالليل نسمع التيس يبلبل ,, وهو يمارس الحب, في كل شي الحب موجود,,
حتى الضبان تحب,,, والكلاب تحب,, والخبول يحبون لا تستغربوووو
حتى من يقال له((حمار العرب))أسف فنان العرب محمد عبدة ,, قضى اربعين سنة ولازال وهو يتغنى بالحب ياملا الملبد أبو عبده مالقاله سحليه تعوضه عن السنين الي مضت,,
وقبلة مات الكثيرين وهم يتغنون بالحب,,أ واتى من بعدهم الكثيرين والاكثر ولازالو يهتفون
للحب ,,
ياملا والله الي ماني بقايل
على طاري الحب ابي اقص لكم قصة الفنان الكبير مشقاص
قال مشقاص
تدربحي وتعصقلي وسفحي وروحي
وسطحي ونوحي يا خشة العنز الحلوب
هذا مطلع اغنيه للفنان الراحل مشقاص الفلته
الله يغفر له,, أيامه اذا سحب سحبه على الربابه تقطعت
قلوب كل من يسمعه وكانت اغانيه كلها
عاطفيه ويغني اوقات عن الزوايد المتدليه وأحيانن يغني بالعضام المتعليه
الظاهره على جنوب صخال بقعاء وبطونهن
ذيك السنين والفرق بين صخال أول وصخالنا الحين أن اصخال أول ركبهن بيض
المهم
حاول الفنان الراحل ينزل فديو كلب لكن الله ما قسم له عمر
وفي روايه آخرى انه كان يخطط ان الغرنوقه
ناقه بنت عقاب ترقص على انغام ربابته بالفيديو كلب حقه
وناقه بنت عقاب ألي ما يعرفها
هذي شمحوطه تلتقي في العرق مع كلوديا شيفر
من جهت الام وكانت الى من ميلت أرقبتها))
مالت معه رقاب الرجاجيل
يقولون مره تحركت وبينت
سيقانها وهي تقلب بالليل يوم انقزت فحول البعارين القريبه
كلها وقامت تزبد وانقزو معها كل اهل الحلال ويوم أنهم أقطعو الشوف الربع وتحققوا
واش بلا البعران هاجت شافو نور
بوجيم تقل شمس ويوم تمقلو وغطو عيونهم
من قو الضو لقوها ناقه بنت عقاب متحفشه
وغشتهم بالوقت يحسبونه صبح وهو ليل من نور ساقها
اشلون عاد لو رفعت البرقع وظهر وجا
اشهد انه لو كان فيه نسوان راحو رحمة الله عليهن
وخلفن بقر بعدها
الزبده
يقال ان ناقه هي سبب اصابة النساء هنا
بالبقعه السودا في الركبه حيث ان الناقه بنت عقاب يوم تحركت
وبانت سيقانها وركبها كان فيه رجال مع الرعيان نحوت
يقال أنه في يوم من ألايام فتنته ناقه
والرجال ذا نحوت للدرجه انه مايخلي الحوار يلحق امه
المهم
يوم شاف سيقانها وركبها قال ول ول ول ذي ركب ولا كشافات همر
مع انه ذيك السنين ما كان فيه همر ولا لاند كروزر لكن
العرب الاوليين عندهم فراسه ويعرفون انه بينزل همر
فل اوبشن بكشافات ملعونت خامس عشان البر
(((( للمعلوميه في أيامهم كانت الفوته بتيس والبياته بتيسين))))
المهم
ان الناقه ((ملاحظه\\ المقصود بالناقه هناااا بنت عقاب))هذااا توضيح للي يشطف السطوووور الأوليه,,
الوكــــــــــاد يعني المهم
ما وعت الا يوم قلبت ركبتها سودا مجهمه
فانقزت من الخرعه وقالت ما هذا يإلاهي
وش بلا أركبي قلبن سود وهي تصيح ذيك الصيحه ((يأبتاااااه))
المهم
طار فيها أبوها لم مطوع بأخر الشارع يمين من هل الخير رجال اربع وعشرين ساعه
متوضي ولا يتكلم بس فاقد,,,
بس فيه عيب واحد
أنه يدفن الجراكل في ((شغيه))
وراء الديره . بس ذى مايعيبه..
كما قلت قبل رجال راعي دين وراعي صلاه..
((((ملاحظه\\ الشغيه هيا تصغير للشعيب)))))
المهم
حاول يقرا عليها ولابه فود فناظر لها وقال
تستاهلين واشوله تطلعين قشك قدام الرجال يا مال البقعه
اللي تحوس مرير مرير الي خلفوكِ
المهم
ومن ذاك اليوم لليوم ما نفعت جميع الزيوت
والخلطات اللي يدهنن بها صخال قصدي السحالي
الفلس ركبهن وحوافرهن ولا بيضت سواد ركبهن
بالعكس زادهن الله من ذا واردى بسواد وجين
وقراعيط شعورهن وتعفط بطونهن
المهم
فكانت النهايه لكل متبطر متكبر وهذا اللي جنته
ناقه يوم قامت اتلاعب بقلوب المساكين ومنهم
الفنان الراحل مشقاص اللي قال
في اغنيه له يتحسر فيها
على ركب ناقه يقول فيها
وهو يجر الربابه
امحق امحق يا ركبتهاااااااااااااااااااووووووااااااااااااااااااه
ثم يمد بالربابه ويسحب السحبه المشهوره ويقول
يا سوووووووووود حضي يوم فاتتني الريم
ما خذت قسمي قبل تسووووووود ركبهااااااااااااااااااااااااااووووووووااااه ه
(((((المهم هذي مقدمه لعرض مغري راح أطرحه الأن للبنات فقط)))))بسم الله الله الرحمن الرحيم
بحكم اني رجال اخاف الله
ولا احب الف وادور وبنفس
الوقت اموت بالمقناص ولا هناكـ ديره ما
مامترتها ابي شمحوطه وان ما حصل
شميحيطه ولا مملوحه تمشي
الحال تخاويني بالقوايل بكرى
محموله مزموله مكرمه ومعززه ولا لها الا الوجه
السفر والفله والعلوم السنعه وتدسيم الشارب
شرط تكون حتى هي وجهن سفر
وعندها الحزام الاسود في المطارحه,,وسريعه
عشان اطلقهاااااا على الأرانب إذا السلوقي فِحم((يعني تعب))
ويا بخت من نفع واستنفع ,,,
ولا تنسون اي وحده تبي تمحط عرضها في ذا
اتملق في ركبها كويس كانها سودا
تلعن ابليس وتضف عفشها وفيه شرط بعد
اي سفطه في الجنوب ولا حكوك على الرفارف
ولا سوس في السنون تتوكل على الله
العرض مغري واللي بترسي عليها
المناقصه بتفل ابو ابو امها وبتصرقع لين تقول بس
وفوق ذا بادهن سيرها بربطه امهات خمسميه
واهوووووو كولوه بالحلال والصلاه عالنبي
نبتدي بالمزاد
لا تستغربوااااااااااااا هذااااااا أنا أمس رحت لديره أسلم على الشيبان (( وبيت الطين هذاااااا بيتنااااااا )) زمان
=
آخر 10 مشاركات
23-07-2007, 05:44
العرض العادي
