رواية (( عبير ))) سعوديه رووعه لاتفوتك

الجزء الخامس(لعيونكم)
باقي يومين على رمضااااااااااااااااااااااااااااااااااااااان
نزلت كالعاده عبير من الدرج مسرعه
ام حسام:شوي شوي يالمطفوقه
ابو حسام:أثقلي ترا كلها كم شهر وتتزوجين ولد الفقر عمران
عبيرتغيرت ابتسامتها الى حزن
جلست عبير على الكرسي إلي بالجانب الايمين كالعاده بجنب اخوها عادل
وتنزل الشغاله صحن الدجاج المشوي الذي يتقاطر عرقه شواء وحراره ورائحه جذابه (شهيتكم صح)
حسام:ايه كذا العشاء الصح اقل من خمس اطباق مانبي ولا ذا المشوي بجد مسكت
عادل:ايو والله يمه خليهم يتعبون بشغل زين مو كلعاده
ام حسام:الى متى وانا بكلم هالطباخ رح له انت واطلب إلي تشتهيه
لكن عبير ولا شئ همها إلا كلام ابوها واخوها ترن بأذنها رامي تعرفيني انا اقدر اقنع ابوي وبعدين مصيرك مع عمران متاكد انه فاااااااااااااااشل
متاكد انه فاااااااااااااااشل متاكد انه فاااااااااااااااشل
أثقلي ترا كلها كم شهر وتتزوجين ولد الفقر عمران
وتتزوجين ولد الفقر عمران
عادل:عبير عبير
عبير سرحانه بعالم ثاني واهلها يناظرون لها مستغربين لانها مو من عوايد عبير التطنيش ولا عدم الانتباه
عادل يلمسها
تنهبل عبير وتنفزع:هاه وش فيك مجنون انت
بوقت واحد ابوها وعادل يتكلمون بس واحد بهدؤ والثاني بازعاج
عادل:ورا ماتاكلين ابو حسام:انتي المجنونه لنا ساعه نكلمك
تناظر عبير وهي واقفه ابوها وعادل وتناظر حسام وامها بعدم تركيز وتطلع للغرفتها بسرعه وهي تبكي
الاب ندم وحط يده على رأسه وعادل قام :وش فيها
ام حسام:مو من عوايدها بس يمكن علشان عمها
حسام كان متاكد انها محتاره بين عقلها وقلبها بين عقلها الى يقول لازم اخذ رامي لاني اعرفه وهو يحبني وقلبها إلي يقول حرام اجرح واحد ماله ذنب
راحت تنام بس نست تحط جوالها على الصامت
حسام اقنع أبوه في رامي بس بعد ايش بعد جهد جهيد
حسام يكلم رامي علشان يبلغه ويقول خل اختك تقنع عبير فيك
حسام:الوو
رامي :!!!!!مستغرب هلا
حسام:اخبارك ياولد عمي
رامي مقهور:اللحين صرت ولد عمك عقب مافرقت بيني وبين إلي ماقدر اعيش بدونها
حسام:وان قلت لك خلاص انا موافق
رامي:على وش
حسام:انك تتزوج اختي
رامي:كيف؟؟؟
حسام:هي عبير وافقت وماتبي تغير رايها لانها متعاطفه معه وماتبي تجرح مشاعره
رامي:من ناحية عبير هينه لكن عمي موافق ولا
حسام:إلا موافق ابوي وهو إلي قال لي اكلمك ابلغك انك تقول لخواتك علشان يقنعونها لاني ماقدرت انا وابوي نقنعها وعادل يقدر بس متزاعل انا وياه
رامي طاير فرحه :والله مشكور وانشالله تقتنع
حسام :موفق يالله باي
رامي:بااااااي ياولد العم
رامي ينطط بالغرفه مثل المجنون ويضحك مثل السكارى وطاير من الفرحه إلي نساها من اسبوع بيروح لغرفه خواته يقول لهم يكلمونها ويتراجع
باخر للحظه انا إلي اكلمها ليه واحد غيري ويناظر الساعه الساعه 1 ونص الليل عقله يقول مايصير ادق عليها اخر الليل وقلبه يقول دق عليها مو تضيع من يدينك وطبعا مثل كل واحد مايقتنع الى بكلام قلبه
دق عليها بنغمه مزعجه بغرفتها الهادئه والمظلمه قامت تناظر وين جوالها
عبير بتثاقل ونوم:يــــــــــالله فوق التسريحه يعني لازم اقوم وتمسك راسها لانها مصدعه
شافت الجوال اووووووووووووووف وش يبي ذا يــــــالله قد ماكنت احبه كرهته اللحين اوف بس( وتقفل الجوال
رامي:شفيها قفلت الجوال بجد قهر يمكن ماتبيني
عبير رمت نفسها بالسرير وقالت تصبحين على خير يا احلى عبووور وهي تضحك وترد على روحها انا أول مره اشوف وحده تكلم روحها وتدلع نفسها
وهي تضحك نامت وباينه ابتسامتها وهي نايمه
عادل قاعد يفكر مين ذيك صاحبة الفستان الاسود الشعر الطاير على وجا لا لا لا ليكون هي نوره إلي شفتها قبل سنتين وهي تبكي ومنهاره إلا هي والدليل انهيار وحده في المستشفى لا ماتوقع نوره لان هاذي احلى منها يالله يارب عساها نوره مشكله حتى ماسالت بالمستشفى مين تكون إلي اغمى عليها مالي الى اكلم رامي واسولف شوي معه واساله عن اخبار اخته مع ان الساعه 2 اليل بس ابدق
رامي:الووووووووو
عادل:ياهلا بولد العم الغالي
رامي يضحك:وش فيهم العايله الكريمه كلهم اليوم راضين على
عادل:ليش مين غيري؟؟؟
رامي:حسام قبل شوي
عادل:غرررررررررررريب هاذا يتنازل مو معقول اقول وش يبي فيك
رامي ارتبك لأنه عرف ان عادل مايدري عن شي:هاه يسلم بس
عادل(مو مصدقه بس بيمشيها علشان يسال عن إلي في باله):اخبارك اخبار الاهل
رامي:ووالله الكل بخير
عادل:ياخي من زمان ماشفنا بعض من ايام المستشفى ايه وش اخبار اختك إلي كانت بالمستشفى
رامي:اقول بلا نصب شايفين بعض بالملكه وقبل ماتسافر بساعه شفنا بعض
عادل انقهر انها ضاعت السالفه:طيب اخبار نوره
رامي تفاجئ:نعم
عادل:لا اسال عن اخبارها مو بنت عمي ومو هي إلي طاحت بالمستشفى ومو صاحبه لفستان الاسود
رامي متفاجئ:إلا هي إلي طاحت بالمستشفى بعد ماشافت وجهك الكئيب بس ماذكر لون فستانها الى اقول ماتلاحظ عبير طاحت لانها شافتني ونوره
تشنجت ووصار لها انهيار بعد ماشافتك ووجه مصايب اجل صاحبة الفستان الاسود
عادل تفاجئ من روحه وش قال بس كل الكلام إلي قاله خارج عن ايرادته لكن فرح ان إلي شافها هي نوره مو ابتسام إلي اكبر منه
عادل:اقول السموحه يارامي لكن بجد الكلام طلع خارج عن ايرادتي
رامي عرف ان عادل يحب نوره ويدري ان عبير تقتنع بكلامه :انت تحب نوره ياعادل
عادل ساااااااااااااكت
رامي:خلاص اقنع عبير تتزوجني وانا اقنع نوره انها ماتكون إلا لك
عاادل:كيف هي ملكت خلااااااص واهلي رافضين
رامي:لا حسام قال لي ان ابوك وافق وخلاص هم مايبونه لأنه فقير بس انت حاول فيها لانها هي متعاطفه معه
عادل:وكيف اضمن ان نوره ماتطير مني
رامي:كلام رجاااااااااااااال وعد ياعادل اذا صار عمرك 25 تاخذها
عادل يحسب عمره :يـــــــــــــــالله متى اكبر 5سنين جايه
رامي :قصدك 7 سنين
عادل:يارب يمشي الوقت بسرعه
رامي: انا أول مره اشوف واحد يكبر عمره المهم ياعادل ابتكل على الله ثم عليك يالله اقنعها
عادل:انشالله مع السلامه ياولد العم
رامي:بااااي
عبير تشوف كوابيس وتقوم بسم الله يمه وش ذا الحلم إلي يخوف تنزل تشرب ماء وتدور بالبيت مثل المقروصه وشو ذا ايه مالي إلا انام
اليوم السبت عبير بتروح للمركز علشانها اخذها دوره 1شهر فرنسي
راحت عبير وهي تعبااااااااااااااااااااانه بالحيل ومنتهيه من الكسل والخمول مع ان الوقت العشاء
ورجعت بسرع لان المدرسه غايبه طبعا مو مهتمه لانها استلمت الحساب وقالت ان الاختبار بكره ورجعت عبير علشان تذاكر طقت الباب مين لقت لقت عمها ابراهيم بيجلس يوم علشان يروح للمستشفى
مفاجئه
عبير دخلت وهي متملله وقفت عند الباب فاتحه فمها وتدعك عيونها وصارخت بقوه وضمت عمها بقوه عمي وقعدت تبكي من الفرحه
عمها جالس وابوها عنده
عمها بتعب:لاتبكين ياعبير وش فيك كل شئ الادمعتك الغاليه
عبير:والله مستانسه مو معقول ياعم انت موجود
سولفوا شوي وعبير هي إلي سوت الشاي لانها ماتعرف تسوي القهوه وسوت الشاي بمساعدت الشغاله بعد
ابراهيم:والله هذا احلى شاي ذقته بحياتي
ابو عبير:ايوالله الشاي حلو تسلم إلي سوته
عبير بابتسامه مافارقتها من شافت عمها:الله يسلمكم
حسام ومع واحد إلي هو خالد ورامي : ياولد ترا معي رجال
عبير قامت :اوف وذا وقته ماجلست مع عمي
حسام طير عيونه عليها راحت وهي تكلم نفسها زعلانه راحت غرفتها وكل دقيقه تتسمع راحو ولا لا اووف ماراحو عبير جلست الحالها يالله
اللحين الساعه 11ونص بعد العشاء قالوا يالله يابو خالد هاذي الغرفه إلي بتنام فيها جنت عبير وانقهرت وانسدت نفسها عن العشاء وراحت تنام
طبعا امها ماتدري وين هوى دارها لانها دوم مع صديقاتها وجاراتها ومو معطيه عبير وجه ابد علشان كذا عبير تحس بملل لانها تشوف ابتسام ونوره وصديقاتها لهم خوات الا هي مالها احد حتى اهلا احرموها من الصديقات علشان ماتطلع معهم
رمضاااااااااااااااان الكل هنا الثاني وبارك له
عبير الى الان مقفله جوالها ولا اهتمت له ورامي مصمل انه هو إلي يحاول فيها وعادل قال ماراح يكلمها إلا اذا خلصت اختبارها إلي هو اليوم
وما ذاكرت له وعمها اللحين في المستشفى رجع المغرب
سلمت عليه عبير باستعجال علشاها ماذاكرت ماتدري انه يمكن يكون اخر سلام لها
راحت للمعهد وحلت زين وطلعت وكانت مستانسه
اما عمران منجن وين هاذي ليش مقفله جوالها مو معقول ماتشوف رقمي بموجود ليه ماهتمت لي اذا باعتني والله لابيعها ولا اهتم لها
كيف بيكون قرار عبير تختار رامي ولا عمران؟؟؟
عادل بيقدر يقنع عبير في رامي؟؟؟
تتوقعون كيف بيكون حال عمها ابراهيم يعيش ولا يموت بذات ان فيه مرض خطير ؟؟؟
رامي بيكلم نوره عن عادل ويقولها عن حبه لها ولا بيجحده؟؟؟؟
كيف بيكون ردة فعل عمران اذا كلمت عبير بعد مده من مكالماته يمكن يقولها كلمه جارحه تنساه وتكر بعد؟؟؟

*الجزء السادس*



رجع عم عبير للقصيم وهو تعباااااااااااااااااااااااااان
اليوم الاحد عبير وعادل جالسين مع بعض الساعه3 الليل
عادل:اخبار اختبارك اليوم
عبير:خيالي يهبل حلو لكني الى الان احس اني ماعرفت فرنسي زين
عادل:على هالتعب كله ولا عرفتي شئ
عبير:انا اشالله ناجحه ويمكن بتفوق لكني مادري شلون
عادل:أول اعرفي تتكلمين عربي بعدين فكري بالفرنسي يتمهزئ لكن مادري شلون رتب الكلمات التاليه لتعطي جمله مفيده
عبير: انت اللحين وش جايبك جاي علشان تتمهزء فيني
عادل :لا انا ابكلمك بموضوع واتمنى انك تكونين جاده معي لو مره
عبير:انا جاده يالله تكلم
عادل:اقول انتي الى متى وانتي عايشه بعناد
عبير:انا؟
عادل:ايه انتي كيف توافقين على واحد مو من مستوانا الفكري والمادي
عبير:ليش حنا نازلين من السماء
عادل:طول عمرك كنتي تتمنين رامي واللحين تاخذين عمران
عبير:اووووووووووووف تكفى مابي هالسالفه والله مليت منها
عادل:اسمعي كلامي الولد والله متعذب انتي ماشفتي حالته وانتي بالمستشفى يوم تبليتي على نفسك وش سوى والله ان شكله بائس يائس تقولين ابواب الدنيا كلها مسكره بوجه
عبير:حلوه منك بائس يائس
عادل عصب:انا ماضحك معك انا اتكلم جد
عبير:طيب ليش معصب
عادل:طيب وش قرارك
عبير:غير حبيبي عمران ماخذ لو يصير إلي ماصار
عادل عصب وطلع وسكر الباب باقوى ماعنده لان صار مصيرها متعلق في مصيره
عبير:اووف وش فيهم ذولي وينك يامريكا وين حرية الراي ه انا وش قاعده اقول مالت على بدينا بالسياسه
ايه انا بجد انشغلت ليش ماكلمت عمران وهنيته برمضان على وزن بعض خلوني اكلمه وين جوالي يالله من يوم ماكلمني هالرامي مقفلته ونسيته!!!! تفتح الجوال خدمة موجود 32مكالمه لرامي و43 مكالمه لعمران
وفيه رسايل لكن ماهتمت لها
عبير تدق على عمران
عمران سمع نغمتها
وهو بالحمام يسمع النغمه فتح باب الحمام بسرعه واخذ الفوطه على السريع والدش يصب ماء ولا الفرشه إلي امتلت من مويا شعره وجسمه
عمران بلهفه:الوووووووووووووووووووووو
انقطع الخط جن عمران لكن فرح بعدها بلحظات يوم شافها رجعت دقت عليه
عمران بصوت عالي كانه يكلم من الهند:الوووووووووووووووووووووووو
عبير تضحك:اعصابك اعصابك
عمران:انتي وينك مقفله جوالك دقيت عليك مليون مره صرت اتحلم فيك من زود مافكر فيك والله جننتيني والله بموووت
عبير: بسم الله عليك من الموت حبيبي
عمران بحزن:وينك بجد والله تفكيري تعطل صار عقلي مايفكر إلا فيك
عبير:اولا رمضان كريم ومعليش والله انا كان عندي اختبار وبعدين انا ماراح اخبي عليك شئ من هالحين اهلي قاعدين يضغطون على اني اتركك
عمران:ماعاش االي يفرق بينا
عبير:عمران ذولي اهلي مارضا عليهم
عمران بانكسار:وترضين على
عبير:وانت اكيد ياحياتي مارضى عليك
عمران:تكفين ياعبير لاتتركيني
عبير:وانشالله مايصير خاطرك إلا طيب
عمران:ممكن طلب
عبير:انت تامر
عمران:انا وين اروح عن كلامك الحلو طلبي هو انك ماتقفلي الجوال
عبير:انت اسمع انا بغير الرقم واخلي مايعرفه إلا انت ورقمي هذا بقفله
عمران:ليه
عبير ارتبكت:علشان تجيني ازعاجات منه
عمران:طنشيهم ذولي الفاضين
عبير:وهذا إلي قاعده اسويه
طق طق طق الباب
عبير:مــــــــــــــــــــــيــــــــــــــــن؟؟؟
مايا:انزل سحور
عبير:طيب طيب
عبير:يالله عمران روح تسحر وانا بتسحر واكلمك قريب
عمران:متى
عبير:انشالله بعد بكره
عمران:لا ماقدر اتحمل بكره انا ادق عليك
عبير:اوكي يالله باااااااااااااي احلام سعيده فيني حبيبي
عمران:باااااايااااااات عمري
نزلت عبير تحت وما كان ابوهم موجود لأنه نايم المسكين اشتغل في شركته اليوم بالمرررره وعادل زعلان على إلي رفضت طلبه ويفكر في بعد سبع سنين وما كان فيه إلا حسام وامها
عبير:السلام عليكم
الكل:وعليكم السلام
ام حسام:مين قاعده تكلمين لك ساعه
عبير استغربت ان امها تسال عنها:كنت اكلم عمران
حسام بعصبيه وضرب على الطاوله:انا ماقلت لك ماتكلمينه
عبير:والله ماحد قالك تغصبني عليه((((( وتجلس على الكرسي
اام حسام بعد معصبه لانها مهما صار هي بنتها وتتمنى لها الخير:واللحين انتي ووجهك تعاقبينا
حسام:انا غيرت رايي وللمره الاخيره اقولك لاتكلمينه
عبير ببرود:والله اذا كان عندك انفصام بالشخصيه ترها مو مشكلتي
ماحست إلا بدنيا زرقا حولها وهي طايحه بين الطاوله والكرسي الحقير عطاها كف من غير رحمه عطاها كف على عينها صارت تشوف حولها دنيا زرقا خضراء قامت بصعوبه لانها خلقه هي مصدعه ومعصبه الام عليها وتحولت عصبيتها الى غضب لحسام
الام:الله لايسامحك يالحيوان الله ياخذ عمرك وادعيه الامهات اذا كانوا معصبات طبعا مو أي امهات الامهات الستايل
قامت عبير وهي ثاني مره تنضرب مو متعوده على الضرب المره الاولى انضربت علشان يغصبونها على عمران والمره الثانيه يفرقونها عن عمران
عبير:لاتنادوني اتسحر مره ثانيه لان سحوركم مو حلو
تمشي وكلها ترتجف يدها ورجولها وشفايفها المستعده للبكاء باي لحظه
راحت غرفتها وخلصت الدمع من عيونها وهي تبكي بدون توقف اليوم نامت وهي تبكي قامت مفزوعه الساعه11 الصبح وهي تممشي من غرفه الى غرفه من دون وعي ومن دون تركيز ياترى وش فيها اكيد حست بشئ
عبير تكلم روحها:وش فيني امشي واعجز لاوقف ليش قلبي يعورني ايه يمكن من الكف الى اليوم لا مستحيل يارب عسى من الضرب ولا من شئ ثاني تمشي وتدعي يارب اشفى عمي ابراهيم يارب انا مالي غيره يارب انت احرمتني من ابوي وهو عايش ومن امي بعد مايكلموني ولا يشوفون متطلباتي
من دعم معنوي مو مادي والى المادي شاطرين فيه يارب انت احرمتني من أخت لي ومن صديقات يارب اشفى الغالي عمي اشفى يارب انا ماقدر اعيش بدونه انا ماتحمل يمر شهر بدونه
ترجع تنام وهي قلقه هي عندها الحاسه السادسه تحس بالعالم كله لو ماحد يحس فيها
الشركه////
ابو حسام:تعال انت ود الأوراق ذي للمسوؤل زين بسرعه
الموظف :طيب عمي
حسام يدخل المكتب ووجه كيئب
ابو حسام:وش فيك
حسام:عمي ابراهيم يبه
ابو حسام:وش فيه
حسام:عطاك عمره
ابو حسام:لاحول ولا قوة إلا بالله
حسام يسلم على ابوه:عظم الله اجرك يبه
ابو حسام:اجرنا واجرك بس متى
حسام:خالد يقول اليوم الساعه9 مات واليوم دفنه يالله يبه رحنا للقصيم لان دفنه بعد صلاة العصر
ابوحسام:اكيد بنروح بس انت اللحين بلغ امك
حسام تذكر إلي صار امس وان امه زعلانه عليه ويبي يصرف:يبه انا ماعرف للمواقف ذي تكفى انت كلمها
ابوحسام:خلاص يالله رح جهز السياره اللحين بنروح
ظهر يوم الاثنين
راحت الام بتبلغ عبير عن وفاة عمها إلي تدري ان عبير تغليه اكثر من ابوها واهلها كلهم
ام حسام:تفتح ستاير عبير الستاير الشفافه البيضاء وتفتح النوافذ وتناظر عبير النايمه كانها شايله الدنيا فوق راسها وعينها المزرقه من ضربت اخوها القاسي ام حسام تكلم روحها لا عبير ماتتحمل ماراح اقول لها اعرفها بس اذا ماقلت لها اليوم بتعرف بكره
عبير تفتح عيونها بتثاقل وتناظر امها نظرات استنكاريه مع ان امها مو أول مره تجي لغرفتها بس كانت تنتظر خبر ام عبير تناظر بنتها والدموع في عينها
ام حسام:عبير تدرين ان ابوك وحسام سافروا للقصيم
عبير:ايه( وهي تنتظر امها تكمل
ام حسام:لان عمك ابراهيم مريض
عبير:ايه( بعد تنتظر التكمله
ام حسام اخذت شرشف الصلاة ولبسته وعبير معلقه عيونها بامها وحركات امها
ام حسام وهي لابسه الشرشف تكمل:وتدرين ان عمك بالعنايه المركزه
عبير:ايه (وهي ماتدري عن شئ بس تنتظر خبر
ام حسام وهي خايفه من ردة فعل عبير بترفع يدها تكبر:وتدرين ان عمك الله يرحمه
عبير هالمره تكلمت :كذااااااااااااااااااااااااااااااابه عمي مامات لاتتفاولين عليه
عبير تقوم من فراشها وتروح للحمام تناظر بالمرايه وجا الكئيب وتقول مامات لاتخافين كانت تحاول تبكي لكن ماقدرت غسلت يدها وطلعت علشان تصلي البنت مو في استوعابها تبي تصلي بوضوء غسل يدها بس راحت لأمها اخذت الشرف من دون تنبس ولا كلمه
صلت وكل صلاتها بدال الفاتحه يارب عسى مامات والركوع تكفى يارب لاتخلين الحالي ابي عمي وابالسجود يارب خذ ابوي وامي بس خل عمي تكفى يارب يارب خذني لك ورجع عمي
خلصت صلاتها قصدي ادعيتها وراحت لامها
عبير:يمه عمي مات
ام حسام:الله يرحمه ادعيله
عبير:طيب ليه
ام حسام:ارادة الله
عبير:طيب متى ارادة الله تاخذني واروح لعمي لان مابقى لي بالدنيا احد
الام وهي تبكي تبي تخلي عبير تبكي زيها:وحنا وين رحنا
عبير:انتوا مابيكم ماتهتمون إلا لانفسكم وبس
ام حسام تبكي
عبير:يمه دفنوه
ام حسام:لا
عبير بانت ابتسامتها:ماقلت لك انكم تكذبون شفتي مادفنوه
وهي عبير رايحه للغرفتها
الام:بيدفنونه بعد صلاة العصر
عبير طاحت عند الباب ماتقدر تشيل روحها الام تركض لها وهي تحاول تشيلها وودتها لغرفتها غرفت ابوها وامها غريب صح حتى عبير استغربت

وين باقي القصة
القصة ممتعة

تحياتي

وين الباقي

وين الباقي

مشكوور موني نايس على المتابعه

انا زعلانه

لان ماحد يقرا الروايه

*الجزء السادس*

عبير نامت الى المغرب جابت امها الفطور لها وماذاق إلا نصف تمره وتحاول تشرب الماء وتحس كانه خناجر الريق بحلقها
أهل عمها المعزيين كثيرين لان ابراهيم كان غالي عند الكل ولده خالد ووجه باهت من الحزن
اما البنت المسكينه منيره منتهيه حزن وهي راميه نفسها على السرير اذا عبير إلي هي بنت اخوه حالته كذا كيف بنته وهي تشوف ابوها يتعذب قبل موته ومات مات مات ابوي مستحيل كيف بعيش كيف
ولازوجته ماشالله عليها صبوره تنزل الدمعه وتمسحها بسرعه هي صابره مو جباره على قولة المعزيات لها
عبير قامت الساعه 2الليل وامها نايمه بجنبها قامت بهدؤ وراحت للجوال تبي تكلم ابوها وهي ماسكه جوالها يدق عمران ترد
عبير منهكه:الووو
عمران:ياهلا بهالصوت
عبير كانها مو مستوعبه شئ
عمران:وش فيك
عبير كانها تساله وهي تبي جواب حلو منه:يقولون عمي مات
عمران؟؟مين
عبير:عمي ابراهيم
عمران:الله يرحمه عظم الله اجرك
عبير:لا مامات هم يكذبون على
عمران يعرفها ويدري انها تموت بعمها وتحبه اكثر من الدنيا كلها:عبير مايصير كذا لاتعذبينه ادعي له علشان مايتعذب بقبره
عبير:يقولون انهم مادفنوه يقولون انه بيدفنونه بعد صلاة العصر وانا ماقمت الى اللحين لاني كنت نايمه ابكلم ابوي واساله اذا مات دفنوه ولا مامات
عمران عرف انها منصدمه:خلاص كلميه مع السلامه
عبير:مع السلامه
عبير تكلم ابوها مقفل علشان بطارية الشحن وكلمت حسام حسام استغرب انها داقه رد
عبير:الوووو
حسام:هلا
عبير:وش اخبار عمي صح مامات
حسام :إلا مات الله يرحمه ادعي له
عبير:دفنتوه
حسام:ايه دفناه بعد صلاة العصر
عبير:لاااااااااااااااا وبذي اللحظه انفجرت بالبكاء كذاب كذاب كلكم كذابين
الى هدت بعد ساعتين من نوبات البكاء المستمره قامت وهي الحالها ببيت اهلها المظلم وتشوف المكان إلي جلس عليها عمها وراحت تركض له وباست المكان مية مره وهي تبكي لا انت ياعم طيب ماتخليني الحالي انت دايم تترك اللكل وتجيني اللحين بتتركني حتى انا
تناظر المكان وتذكرت الشاي وتذكرت سلامها السريع له السلام الاخير كانت مستعجله علشانه اخر يوم اختبار قالت من غير شعور
سلمت عليك وانا ماظنيت انه سلام الــــــــوداع
احس الدنيا بدونك دنية ضياع
سمعت بخــــــــــــبر وفاتك وصابنـــــــــي الرواع
كان بيوم فضيل وشهر الجواع
صابك المرض المــــــــــــــؤلم الفضــــــــــــــــيع
انشالله عملك واجرك شفيع
وانشالله جنتك جنة ربيع هاذي الدنيا وامرها خديع
كل ماحبيت لي واحد صار وديع
ونقــــــــــــــــــــــــول الله يرحمك ويرحمنا جميع
وتبكي عبير الى نامت في مكان عمها إلي كان جالس فيه قبل امس
عبير وش راح يصير لها ؟؟
حال ابتسام ونوره ماعرفناه؟؟؟
وش مصير عبير بتكره القصيم ولا وش ؟؟؟
بتتزوج مين عمران ولا رامي؟؟؟
اذا كلمها رامي وش بتكون ردة فعلها؟؟؟
تتوقعون يجي عمران علشان يعزيهم ولا لا؟؟؟

ام حسام تقوم الظهر وتناظر حوله بالغرفه ماتلقى عبير نزلت تحت وسمعت صرااااااااااااخ
عادل:وش فيك عبير انتي تعبانه؟؟
عادل:ردي على
ام حسام تسرع وهي تنزل وتنحرف باخر درجه وتطيح الام تقوم بصعوبه وهي تمسك السلم وتروح للي جالسين باول الصاله
عادل شايل اخته وساندها على رجله
ام حسام:عبير وش فيها وتلمس بنتها مرتفعه الحراره وتتكلم عبير ابي عمي ابي اروح لعمي
ام حسام:يامايا قولي للسواق يشغل السياره( ويشيلها عادل ويروحون للمستشفى ودوها للدكتور
دخلوها للغرفه وذا دكتور يحط لها مغذي ويهدونها ويطلوبون ان الممرضات يغسلونها بماء بارد
المسكينه حرارتها مرتفعه ام حسام كلمت حسام
حسام وهم راجعين للرياض :الووو
ام حسام وهي تبكي:هلا حسام انتم وينكم
حسام انهبل :وش فيك يمه
ام حسام:عبير عبير ياحسام
حسام:اوف من هالعبير ياكثر مصايبها وش فيها بعد هالعوبا
ابو حسام انهبل:وش فيها ياحسام
حسام:يبه عبير بالمستشفى ياكثر ماتروح له لو توظف فيه احسن
ابو حسام عصب واخذ الجوال من حسام لان بطاريته فاضيه وشاحن السياره مو موجود
ابو حسام:هلاا ام حسام عبير وش فيها
ام حسام :عبير مريضه مرتفعه حرارتها
ابو حسام:علشان عمها
ام حسام:ايه مو مستوعبه وفاته
نرجع لعمهم عيسى الكل متفاجئ من وفات عمهم
نوره وهي محزنه:الله يرحمك ياعم والله اني كنت مقصره بحقه
ابتسام:ماوفى بحقه الا عبير
نوره:مسكينه ماراح تتحمل وفاته اعرفها
ابتسام:وش رايك نكلمها علشان نعزيها
نوره :يالله
ابتسام تدق على جوال عبير وجوالها في الصاله الكبير المظلمه فوق الطاوله يرن لكن لامجيب
نوره :ماترد صح
ابتسام: لايكون صار لها شئ
نوره:تنتحر ترا ماصار شئ يهمها في الدنيا واعرفها متهوره
نوره:هي صحيح متاثره بالهنود لكن مستحيل تسويها لانها مؤمنه
ابتسام:بنروح لها
نوره:لا خليها بكره
ابتسام:وين امي
نوره:امي مثل ام عبير مشغوله بدنيتها يامع صديقاتها او جيرانها
ابتسام:مسكينه عبير حنا على الاقل كل وحده تسلي الثانيه لكن هي من يسليها
نوره من غير شعور:وعادل وين راح
ابتسام: وش هالحماس كله له ضحكتيني وانا ماودي اضحك
يدق جوال ابتسام رقم غريب بس ابرد:الووووووو
بنك:السلام عليكم انتي ابتسام عيسى
ابتسام:ايه انا ابتسام انتي مين
بنك:انتي قدمتي على وظيفه وقبلناها لك بعد الواسطه
ابتسام:والله
بنك:مبروك تقدرين تداومين من السبت الجاي
ابتسام:مشكوره مشكوره
ابتسام تقوم وترقص مثل المجنونه قبلوني قبلوني ه
نوره بصراخ:وظيفه
ابتسام:بالبنك توظفت
نوره تضربها بفرحه مبروك مبروك يعني بتخليني الحالي وتعانق اختها
ابتسام:كملي دراستك انتي مفروض بثالث ثانوي بس انتي فصلتتي علشان شئ مايستاهل
نوره:ماعليك مني المهم الف مبروووووووووووووووك
فـي بــيـت عمــران
عمران:انا بروح للرياض
فوزيه:ليش؟؟
عمران:عم عبير مات
زينب:ياخال ابوي حك ظهري(((مثل سعودي معناه ان الي يقرب لها بعيد عنها))
عمران:وش قصدك
زينب:يعني عمها عمها لاهو ابوها ولا اخوها ولا امها
فوزيه:ماعليك منها رح لها هذا حق وواجب لازم تعزيها بس كلمها قبل ولا كلم بيتهم
عمران:خلاص اللحين بسافر تامرون شئ
فوزيه:سلامتك
زينب:ابي اروح معك تراي طفشت من القعده هنا
عمران:بتروحين!!!! وين تراه عزاء اصحي وترا قبل اسبوعين موديك للرياض(((مانتظر ردها))) يالله باااااااااي
المغرب الكل افطر الأ عمران بس اخذ تمره معه واكلها في الطريق
رامي ولا همه لاعمه ولا وفاته كان ينتظر طاش ماطاش بيتابعها هو وامه
ابتسام بالمره فرحانه علمت امها ماقالت الا مبروك ببرود وقالت لولا الله ثم واسطتي كان ماقبلوك بشهادة هالثانوي ذي
عبير صحت: تعال عمي امس يدي لاتطيح في البحر لاااااااااااااااااا لاتطيح((((((((((تعرفون الحراره اذا ارتعت شيصير
تجي الممرضه تهديها وتغلسلها في مويا بارد
عادل وامها مافارقوها لحظه حسام قال بيروح لها بعد العشاء اذا ارتاح من السفر ابوها ماصبر
ابو حسام:اخبارك عبور
عبير:عايشه
ابوحسام:وانشالله طويل عمرك بعد
عبير:اخبار اهل عمي
ابو حسام:الحمدلله حالهم احسن من حالك
عبير هادئيه اليوم وتقبلت المكتوب واستغفرت الله لكن قلبها مجروح كأن احد نازع شئ من قلبها واغلى شئ كانت حاسه
باحساس غريب حاسه في غربه وهي بين اهلها
ووصل عمران راح للبيت لقى الخدامه سالها عن عبير وينها قالت راحت مستشفى في طيح وراحت
طلع حسام له واستقبله استقبال جاف
حسام:ووش جايبك
مد يده عمران لكن ماصافحه حسام من غطرسته وغروره وتعاليه
عمران ناظر يده وابتسم ورفع حاجب له:معليش ياحسام عظم الله اجرك
حسام:ووووووووش تبي
عمران:اعزيك مو صديقي
حسام: كنت صديقي في الماضي
عمران بابتسامة قهر:ايو والله وانت الصادق كنت صديقك واللحين نسيبك غصبن عليك
حسام:برا يالحيوان يالفقير
عمران:انا بطلع بس ابرجع واخذ اختك اغصبن عليك وانت تناظر ومالك قدره تاخذها
طلع عمران معصب وحسام رجع شرب ماء وراح للمستشفى لكن سبقه عمران
((((المواج))))
طق الباب وفتحه عادل
عادل ووجه متلون من القهر هو ومن النوع الي يبين زعله
عبير:وش فيك مين طق الباب
عادل:هاذا عمران
عبير:والله!!! خله يدخل
ابو حسام وام حسام مقهورين بس مابيون يبينون قهرهم عند عبير لان عبير مو ناقصه
عمران:السلام عليكم
الكل :وعليكم السلام
عمران:عظم الله اجرك ياعمي
ابو حسام بصوت خفيف مسموع:عمة عيونك انشالله(شافت عبير ابوها
ابوحسام تنهد:اجرنا واجرك
عبير:ناظرت ابوها بنظرات رجاء وناظرت امها واخوها لغة العيون لازم تكون مفهومه لكن فيه ناس مايبون يفهموها
عمران يقرب لعبير::سلامتك عبير ماتشوفين شر مايصير الي تسوينه بروحك
حسام يدخل وهو مقهور لانه شاف سيارة خويه بالمواقف
حسام بصوت عالي:وسوت كذا بنفسها يوم غصبناها على اللملكه منك(يبي يفرق بينهم
عبير:حسام؟؟؟
حسام:السلام عليكم كلكم الا بعض الناس
عبير:بصوت عالي السلام لله
عمران فرح ان عبير تدافع عنه
حسام سلم على عبير وقال بصوت عالي:حسبي الله على من كان السبب وهو يناظر عمران
عبير:ووووجع حسام تدعي على عمي
حسام:وانتي مرضتي علشان عمي ولا علشان الي مايتسمى
عمران قام
وعبير:مرضت علشان عمي واذا بمرض علشان عمران فهو للعلمك بس بيكون للحبي وعشقي له سمعت وانا اتمنى انك اذا جيت
تزورني تحترم عمران الي بيصير شريك حياتي قريب ولا انت ولا عشره من اشكالك بيفرق بينا
عمران:معليش ياعبير انا ماجيت علشان ازعجك واوتر بعصابك انا بس حبيت اعزيك
عبير:ماتقصر والله ان زيارتك خففت على الكثير
ابو حسام وام حسام وعادل ماتكلموا ولا كلمه اما حسام طلع وخرب كفرات سيارة عمران
اما ابو حسام وام حسام وعادل ماتكلموا ولا كلمه علشان يحقرون الرجال لان الرجال اهم ماعنده كرامته
طلعوا لانهم اعلنوا انتهاء الزياره الا عمران
ام حسام ودعت عبير وطنشت عمران
اما ابو حسام ودعهم وعادل ماودع احد لانه مقهور من مصيره
السستر تعلن نهاية الزياره////
عمران:يالله عاد شدي حيلك وقومي ترا مايهون على انك بالمستشفى
عبير تبتسم ابتسامه باهته:اسفه على كلام حسام وابوي
عمران:ولا يهمك بس ماراح ازعل لاني باخذك انتي مو هم ويالله عاد بلا دلع ترا كلها شهر ونتزوج ترا زواجنا 5 العيد
عبير:لا تكفى مالي خلق بجد والله
عمران:عبير حجزت القصر والله وعطيتهم العربون
عبير:بس ماتجهزت ولا لي خلق اتجهز
عمران:انا راضي بك كذا من غير اي اضافات بس تكفين لاتاجلينه
وبما ان تاجيل الموعد يخسر عمران نص فلوسه وهو مو ناقص وافقت
عمران باس يدها وطلع بعد ماعطاها بوكيت ورد جوري احمر
عمران طلع وشاف السياره مكسر القزاز والكفرات متقطعه انجن هو مو ناقص
عمران يالله انا وش اسوي اللحين انا ماصدقت اخلص من المهر والقصر والغرفه وتجي هالسياره
والله لو احلف انه هالحقود حساموه خلاص مادام كذا الدعوه عناد والله لاخذ اختك واقهرك بعد مثل ماجننتني
كيف بيتصرف عمران؟؟؟؟
هل بيتم زواج عبير وعمران ولا باخر لحظه تنقلب الموازين؟؟؟
اذا كلم رامي عبير بتقتنع ويكسر خاطرها ولا لأ؟؟؟
وش بتسوي نوره بتحب عادل ولا بتغرم في واحد غيره بما ان ابتسام توظفت وامها لاهيه بروحها؟؟؟
عمران كيف بينتقم من حسام يكن ياخذ اخته ويطلع معها ويفنش الزواج بعد....؟؟؟؟

التكمله
عمران راح لواحد من زملائه وتسلف خمس الاف ريال لتكاليف السياره عمران وعبير كل يوم يزيد بينهم الحب وابتسام زعلانه
على عبير لانها رفضت رامي اخوها رامي حاول بكل الطرق انه يكلم عبير لكن تصك الخط اذا كان تلفون او جوال عادل زعل
لكنه رضى اكيد علشان اخته الوحيده الي مالها احد عبير تحسنت حالتها ورضت بالامر الواقع ودعت لعمها بدخول الجنه
عبير راحت للقصيم علشان تروح بيت عمها تبي تتذكر الايام الحلوه وتسلم على أهل عمها
بعد 25 يوم
قبل العيد بيوم قررت عبير تروح لعايلة عمها ابراهيم لانها هي في القصيم اخذها عادل وراحت بالليل لبيت عمها مو معقول
بيت عمها مظلم والحي مظلم وعبير تشوف الدنيا كلها مظلمه بس اليوم !!!!ليه ؟؟؟
تسال عادل ليش الحي مظلم؟؟؟لاجابه تدرون ليه
الباب كالعاده مفتوح
اليوم هو الوحيد الي ماستقبلها عمها عند الباب حتى وهو مريض استقبلها حست برعب وخوف دخلت البيت البيت مرعب
كانها اول مره تدخله مو للمره الالف
دخلت الممر الضيق وناظرت المجلس الفاضي الي مافيه احد طلت له وكانها تبي تشوف واحد واحد مافارق خيالها
تناظر تتذكر ذاك مكان ابوي ياترى ابوي راح يدخل البيت هذا مره ثانيه ولا بيقاطعه كالعاده
وذاك مكان عمي وهو ساكت وذا ايه ذا
وتنزل الدمعه من عيونها هذا المكان كان قبل شهر عمي جالس بفراشه وتعبان وبجنبه القران
وهذا مكان حسام يالله ياحسام والله مشتاقه لك يالقاطع
مشت قدام عند الصاله وتطق الباب لكن لامجيب يالله ياعمي لو انك موجود بتخليني انتظر ربع ساعه عند الباب
وتطق وتطلع ذيك العجوز الشمطاء الي قضى عليها الدهر ايامه وسنينه
ام خالد:معليش والله يابنيتي كنا نصلي
عبير بابتسمه كانها تكشيره:لا ماصار الا الخير يامرت عمي
ام خالد :اخبارك انا بصراحه توقعتك بتتركينا
عبير:لا وش دعوه انتي اغلى مرت عم لي
ام خالد:الله يسلمك يابنيتي
استقبلتها في الغرفه وجلسوا
وتناظر عبيرذاك الباب الي كان عمها يضحك عليها على صندل الكعب العالي الموف وكان يوقف على واحد ومخلي رجله الثانيه
وتبستم
منيره:السلام عليكم
عبير:اهلين منور اخبارك
منيره:الحمدلله معليش خليتك كنت اصلي
البيت زي ماهو بيت طاهر ايماني عاموده الصلاه والايمان والقران
نامت عبير عندهم علشان توفي بوعدها لعمها وتعيد عندهم عيد الفطر
الصبح لبسوا واتشكخوا لكن مو كثير عبير لبست وكان لبسها ناعم بسيط ومكياجها خفيف بالمره ومنيره لبسها من الملابس القديمه
علشان وفات ابوها مو فاضيه
عبير سرحااااااانه تتذكر اخر عيد قال لها عمها ابي العيد الجاي تعيدين هنا زين عندي قالت وعد
عبير:ياعمي انا وفيت بوعدي لكن انت استغفر الله العظيم الله يرحمك وتدمع عيونها
منيره:عبير متى زواجك
عبير:بعد اربع ايام خامس العيد
منيره:وكيف تجهزتي
عبير:الحمدلله خلصت كل شئ باسبوع وسويت تجهيز عروس عشرين يوم
منيره:بس لازم3 اشهر بالقليل التجهيز مو هين
عبير:والله ماكنت رايقه
منيره كانت عارفه انها متاثره بوفات ابوها بس مو لهالدرجه
عبير تكلم حسام وتعايده وتتراضى هي وياه
قبل الزواج بيوم
عادل راح لغرفة عبير:يالله ياعبور انا مو متخيل كيف البيت بيصير من دونك
عبير:الظاهر ماحد فاقدني الا انت الامهات كلهم اذا انخطبوا بناتهن يتقربون للبنات قبل مايروحن والزواج يكون بحر من دموعهن
عكس امي حتى ماباركت لي
ابو حسام عند الباب يطل على الغرفه:تسمح لي احلى عروس ادخل غرفتها
عبير فرحت وراحت لابوها:انت تدخل من غير اذن يبه
وسلم الاب عليها وبارك لها وعطاها هديه
عبير:يبه ليش انت كلفت نفسك
ابو حسام:اذا ماهديت لبنتي بهالمناسبه متى اهدي لها بس انت افتحي الهديه وقولي لي رايك فيها
عبير تفتحه طقم الماس قمة الروعه لمعته تعمي العين من قوها وكان باين ان قيمته فوق المليون
وتبوس راس ابوها:والله يبه انت كلفت نفسك كثيررررررر
وتدخل الام ومعاها هديه تقريبا بحجم هدية ابوها
الام تسلم على عبير واليوم باركت لها وعطتها الهديه الي كانت عباره عن طقم ذهب مرصع باللماس
قال عادل:والله مادام الدعوه خاربه كذا انا بجيب هديتي
عبير تناظر هدية ابوها وامها وهي تدمع عيونها لانها اول مره تحس انهم اهتموا فيها دايم يعطوها الفلوس وهي الي
تشري الا اليوم هم إلي جابوا لها
ابوحسام:هذا بالله عليك وقت الدموع
وتضمه بنته وتسلم عليه مشكور والله اني مافرحت بالهديه قد مافرحت انك باركت لي والهديه تبين انك ذواق يبه
وتسلم على امها بحراره اول مره تضم امها
دق جوال ابوها شاف الرقم استغرب: معقول عيسى يدق على!!
عبير برجاء:تكفى يبه رد عليه رد حلو علشاني واعزمه لزواجي
ابو حسام:انشالله وراح
ودخل عادل معاه هديه كبيره وكانت الهديه مغطيه رأسه وثقيله وكبيره بالمره:وهذي الهديه مني لاحلى عروس وينزلها ويشوف امه وعبير
ميتين ضحك عليه
عادل وهو يمسك ظهره:وش فيكم
عبير:لا بس هذي الهديه كلها وش فيها
عادل:فيها عماره تطيح على عمران انشالله(( تتذكرين
عبير:ووووجع ايه اتذكر
فتحت الهديه كانت عباره عن فستان مميز مخملي باللون الاسود وفيه قطع من الكريستال معها طقم جزم بعد مميزه
وفيها كريستال لامع وطقم اكسسوار مميز وشكرته الكل عطاها هديه الا حسام جاء ابوها عمك عيسى بيجي يبارك لك
عبير طارت من الفرحه:والله
ابوحسام:تراه عند الباب روحي استقبليه
عبير:تكفى انت اليوم استقبله الله يخليك ترا مهما صار انتم اخوان واحمدلله الفلوس انتم مو محتاجين لها علشان تتزاعلون يبه الله يخليك حقق لي هالامنيه
ابو حسام وهو يشوف تاثر بنته:خلاص انا ابسلم وانتي شوفي هو بيرد ولا لأ
عبير:بفرحه مشكوووووووووور يبه (وتبوس راسه
جاء عمها واستقبله ابوها وسلم ورد عيسى بسلام حار
عبير دمعت عيونها من الفرحه وراحت قبل ماتسلم على عمها باست ابوها براسه وعمها عرف انها فرحانه لانها تحب
وصال الاهل وعطاها عمها الهديه الي كانت مميزه وهي هديه تشبه هدية ابوها لان افكارهم وحده وعمرهم قريب من بعض
وكان هاليوم اسعد يوم لعبير
جاء وقت النوم دق جوالها
ابتسام:الوووووو
عبير:ياهلاااااا ببسومه
ابتسام:الف مبروك ياعروسه
عبير:الله يبارك فيك انتي ووينك
ابتسام:معليش والله بس كنت مقهوره
عبير:كل شئ مكتوب الزواج قسمه ونصيب
ابتسام:الله يهنيك انشالله وخوذي نوره
باركوا لبعض وعلمتهم كيف سلموا ابوها على عمها
راحت عبير لسرير تبي تنام لان بكره يبي له مجهود
ويدق جوالها بعد
عبير قامت من السرير:يالله شفيهم يحبوني اليوم الناس مايدرون ان بكره الزواج
تشوف الرقم وتنهبل قالت لازم ارد مو بكره يفضحني
عبير بعصبيه:انت وش تبي اللحين
رامي:ساكت
عبير:رامي
رامي:اهلين
عبير:ليش تكلمني
رامي:علشان علشان ابارك لك
عبير:شكرا واتمنى انك ماتدق(برجاء)الله يخليك اذا كان عندي غلا عندك لاتحطم حياتي
رامي:انشالله هذي اخر مره ادق عليك بس اليوم مو برادتي
عبير:الله يهنيك مع وحده تعرف قيمتك وتداريك طول العمر
رامي:خلااااااااااص بنفترق
عبير:نعم؟؟؟
رامي:طيب ليه ابوك يسامح ابوي
عبير:ماتبيهم يتراضون
رامي:وليه بذا الوقت بذات بعد مافرقنا حسبي الله على ابوك
عبير:راااااااااااامي
رامي بحزن:مبروك ومع السلامه
عبير:رامي
رامي بهتمام:ياهلا
عبير:اتمنى ان هذي اخر مره تدق على
رامي بتحطم:طيب
عبير:اجل مع السلامه
رامي:مع السلامه
عبير كلمت ابتسام وقالت لها تخطب وحده كانت في مدرستهم اخلاقها عاالي جمالها مذهل و
كل مافيها حلو فرحت اسمها بدريه ابتسام يوم عرفت
انها مانخطبت وقالت انها بتحاول تخطبها وشكرت عبير لانها بجد بنت او ملاك مافيه احد احلى منها
في الرياض 5 العيد
الكل استعد لزواج عبور وعمران عمران الي ماله الا اختين وعبير الي قرباتها كلهم يحبونها
لبست عبير الفستان الابيض المطرز بالذهبي والطرحه المميزه طرحه كانت طريقه عربيه وكأن ماخلق زين إلا هي لانها بجد رووووعه
الأ هي من اجمال جميلات العالم
كانت غير انها جميله بعد جذابه والزفه كانت مثل حلمها كانت هي تمشي بشوي سرعه وهي ماسكه اطراف فستانها وتمشي بسرررعه
من اليسار ومن اليمين وثنتين بنات سمر طولها لابسين فستان افراح ويمشون بسرعه حولها على
دقة الموسيقى الاسطوريه الصاخبه المزعجه المميزه
والإناره المتمرده بالاوان الكريستاليه ومن الطرف الثاني للباب يمشي عمران لها وهي تخف بمشيتها وتتغير الموسيقى والاضواء
الى هادئيه ورومانسيه والثنتين السمر الي كانوا يمشون حولها راحوا حتى تتم الزفه بافضل الاجواء ولما قربت عبير لعمران
باس يدها ومسكها وراحو للكوشه تصوروا والناس باركوا لهم ورقصوا الرقصه الرومانسيه وكاااااانوا مميزين بالرقصه
وزينب جنت في الزفه وكانت مستانسه ان هذا زواج اخوها وكانت تتمنى ان كل صديقاتها معها علشان يشوفون الزواج
ويشوفون ان زوجة اخوهم كشخه
والكل انهبل على الزفه المميزه الي ماصارت بالعالم كله الا لعبير لانها شافت هالزفه بالحلم وقالت احققه واغير
منه بافضل افكار
عبير وعمران تصوروا وراحوا لافخم الفنادق فندق ببرج المملكه وكان أثاثه روعه وتصيمه خيااااااااال كأنك في عالم ثاني من الفخامه والدقه بالتصميم المريح والفخم
ولا عمران المسكين اخذ قرض بميتين الف ريال علشان مايخلي قصور لزواجه والديون الي عليه مغرقته في هذا الوقت
كان رامي حالته صعبه بالمره كان يفكر فيها وبعدين يقول انا ليش افكر فيها كثير هي مافكرت فيني معقول انا الى الان احبها
تخسى لا انا ماحبها انا رجال وعندي كرامتي فوق الحب ومن يبيعني برخيص ابيعه بتبن
عادل:رامي معليش والله ماخليت يوم الا حاولت فيها
رامي:خلاص انا نسيتها
عادل:ونوره
رامي:وانا عند الكلمه ابقنعها
عادل يبتسم
برج المملكه
عمران جن على عروسته نسى كل الكلام الي جهزه لهاليوم بس كان خايف خايف على مستقبله مع وحده مايعرفها
مع وحده متعوده على حياة الترف
عمران :تدرين اني محظوظ
عبير بخجل:ليه
عمران:لاني متزوج القمر
عبيربخجل:لاتبالغ
عمران:والله القمر ولا شئ عندك عبير ابتسمت ابتسامه ساحره
وباس راسها وووو....
ابتسام:يالله الزواج قمه راح يذكرونه عند سابع جيل
نوره:يالله تصدقين الزفه هذي هي حلمت فيها قبل وحققتها
ابتسام:إلا ماقلتيلي وين روميو زمانه
نوره:ه تلقينه فوق الصخر يرمي الحصى على البحر وينتظر لقاء حبيبته
ابتسام:ه والبحر وين نلقاه في الرياض
حسام جالس في الاستراحه مع اصدقائه ويفكر عبير تزوجت وانا ليه ماتزوج
اعز صديق له اسمه سامي:وش فيك سرحان كأنك حاط هموم الدنيا كلها براسك
حسام:وش رايك اتزوج
سامي:ه
حسام:تضحك على وشو
سامي:اتخيلك وانت عريس ه
حسام:ليه ووش ناقصني
سامي:انت هاللحين افتك من هالادمان الي بليت نفسك فيه وبعدين فكر بزواج
كيف بتكون حياة عبير وعمران؟؟؟؟
رامي بيوافق على البنت الجديده الي اختارتها له عبير؟؟؟ ولا بيعاند
وش نوع ادمان حسام اخو عبير؟؟؟وكيف بيكون ردة فعل عايلته الى اهم شئ عندهم كلام الناس؟؟؟
كيف بيكون شهر العسل لعمران وعبير!!!! يمكن يكون في السجن لان عنده ديون مغرقته؟؟؟
تتوقعون تتفاجئ عبير من بيت عمران الي بتسكن فيه مدى الحياه؟؟؟