***يضيــ ع الــ ع ــمر ***

يضيع العمر

يضيع العمر باسبابك واصير انا

بقايا طيف فعيونك

غفا وتلحف اهدابك

تمر أيام...

وانا بالنسبه لك صوره

ملامح بس

ووجه فارق شعوره

تعلقني مع حزني

على الجدران وتنساني

واصير انا ...

مجرد شي من اشيائك

...بلا معنى

مثل ديكور للغرفه

او الاصدق مثل تحفه

وتقول انك تحبني حيل

وما تستغني عن

قلبي...

وانك لو سهرت الليل

كله من عنا حبي

حبيبي لحظه استوعب

كلامك حيل مو مقنع

تحبني وما تبي قربي

تبيني وما تمر دربي

شنو هالحب ابي اعرف

لو تحبني ...

ابد ما كنت تتحمل

... عن عيونك انا ابعد

ولا لحظه تخليني...

شوقك نار ما تبرد

لو تحبني اتمناني

اكون بدينيتك واقع

تحسه تلمسه تشوفه

فكفك تحظن كفوفه

لو تحبيني...

تكسر صورتي وترسم...

ملامح وجهي فعيونك

ملامح شوقي فجنونك

وتحظني على صدرك

ويمر عمري وانا يمك

ولكنك ...

تفضل طيف وصوره

ملامح...نظره مأسوره

تناظرها وما تدري

زمانك صار بك يجري

وبس توعى على نفسك

تعرف ان العمر بك مر

وانك حيل صرت اكبر

تدورني ولا تلقى

سوى طيف واثر صوره

وسط هالصمت مأسوره

تناظرها وتتمنى

زمان ما فات بك يرجع

تناديله وتترجى

ولكن ما اظن يسمع

وتتندم...وتتألم ...

حبيبي

وش يفيد الحين ...

بعدما ضعت باسبابك

وصرت انت ...

بقايا طيف فعيوني

غفا ولحف غيابك

الموضوع الاصلي  من روعة الكون