السلام عليكم ورحمة الله وبركاته ......
كيف الحال للجميع انشاء الله بخير ...
فيه موضوع اشوف كثير من البنات يشتكون منه وبصراحه الي خلاني اتكلم عنه اني وابي اسمع رايكم فيه خصوصا الشباب
المهم والزبده ولا ابي اطول عليكم ...
ليه الشاب اذا بغى يتزوج مايروح هو يخطب اول يعني يروح لبيت البنت ويقابل ابوها ويطلبها ويسألون عنه بعدين يشوف البنت بعدين يستخير ويجيب اهله يشوفونها بس مهب قبله لاني صار لي موقف كنت ببيت وحده اعرفها وكانت خاطبه لولدها طبعا راحو اهل الولد امه واخواته يشوفون البنت يوم رجعو قالو ماتصلح قلت ليه قالو حلوه اخواته ماتصلح استغربت يعني واذا صارت حلوه هذا المطلوب قالو اخوات الولد لا مايتزوج اخوي وحده احلى منا ... وفعلا زوجوه وحده اقل من المتوسط عشان يرضون انفسهم..
وهذا وغيرها من القصص الي سمعتها وهي نفس الشي وحده خطبت لاخو زوجها يوم شافو البنت حلوه خافو هاشي ياثر عليهم طلعو فيها عيوب الدنيا عشان ماياخذها العم وزوجوه انسانه جاهله بمعنى الكلمه وهو تعبان معها في حياة الى هالحظه وكل هذا ليش عشان دافع الغيره عند الحريم ومافيه احد ينكره صح يمكن تكون هاذي قليل بس تصير وواقع موجود فالشاب هو الي بيتزوج وهو الي يبي انسانه تعيش معه لازم هو الي يختارها راي الاهل ضروري اكيد ولازم كل شي يصير برضاهم بس بالعقل لان هذي حياة الشاب نفسه هو والبنت لازم يكونون مقتنعين في بعض يعني زوجتي شي واهلي شي هذي نقطه ...
والنقطه الثانيه ابي اسال ليه فيه شباب يتزوج لمجرد الزواج يعني شي مفروض عليه مثل المدرسه ولا اقاربه يعني مايكون مقتنع يعني فيه شاب يتزوج يرضي اهله وشاب يتزوج كذا عشان غيره تزوج وهو لا مايكون الهدف من الزواج حياة مشتركه واسره وبيت واطفال يعني حياة كلها مسؤوليه وتبي تعب بس حلوه تحسس الشخص له هدف في الحياة مهب يضيع ثلاث ارباع عمره تايه وسفر وعلاقات بالعكس يدور انسانه صح ويعيش معها كل لحظه وكل شي يخليها حبيبته وزوجته واخته وامه وبنته وهي بتصير له بالمثل اذا اختار صح يعني مهب شكل بس يعرف تفكيرها اسلوبها طريقتها في الحياة لان في الحياة الزوجيه الشكل راح يتغير وراح يكبرون بس بيضل شخصياتهم هي اساس والحب والصدق والاحترام الي بينهم يكبر هاعلاقه ....
اتمنى اقرى ردودكم واشوف رايكم بالي كتبت في هالموضوع لانه حساس وواقع صاير ...
الموضوع الاصلي
من روعة الكون
آخر 10 مشاركات
25-07-2007, 05:32
العرض العادي
