تبي الصراحه ؟ انا مجنوووووووون زعلاتك

اليوم جايب لكم قصيده حلوه للشاعر الكبير حمد السعيد
اخليكم مع بو خالد

ملاحظه = انا لاطشها من مجلة فواصل

تزعل و أراضيك و أتلذذ بتزعيلك
تبي الصراحه انا مجنون زعلاتك


ياحلو لأبعدت و أنا أقرب و ادنــــــيلك
و امسك طرف غترتي و أمش دمعاتك


و تبدي تعاتـــب و انا كلــــــــي انتباه ايلك
ما أسمع شتقول انا عيني على شفاتك


و تعيد حجيك و تفرك حيييل منديلك
و تخالطت صادق حـــــــروفك بونّاتك


و أحاول أرضيك مدري منين انا أبديلك
و أحتار و أذكرك في بعض زلاتك



و أســـــمعك ما كتبته بك و اغنيلك
طاروقك اللي تحبه و اكسر سكاتك



و أستسمحك و أعذرك و اسمعك و أشكيلك
و اتلهف لبسمتك و أرد ضحكاتك



يسرقني الوقت ولا يمديني احجيلك
كلامـــي اللـــي تحفظته لشوفاتـــك



وقت الوعـــد فات و عيوني تراعيلك
و اقفيت و أشغلت قلبي بالتفاتاتك



عيني على خطوتك و القلب يدعيلك
الــــله يحفظك من الحاسد و شماتك



تزعل وأراضيك و اتلــــذذ بتزعيـــــلك
تبي الصراحه انا أعشق كل حالاتك





أتمنى من كل قلبي انها تعجبكم و تحوز على رضاكم و اعجابكم





اخـوكـ ومحـبـكـ..الــوافـــي..




تحـــياتـــــي..

الموضوع الاصلي  من روعة الكون