امام مرآية الزمان وقفت اشوف نفسى

حبايب مين ياقلبى يستهلوا تحبهم
مش فى الزمان دة ياقلبى واياك تآمن لهم
دة مش زمن الامارة
دة زمن غدر وشطارة
والمكسب والخسارة
أشهد مين على جرحه وعلى ظلمه وعلى خداعه
أشهد مين ده قلبى حزين على احلامى اللى معاه ضاعوا
أشهد مين على عمرى اللى ضاع منى
قولوا لى مين هيمسح قسوته منى
من عمايله حقى ضاع من زمن
يرضى مين ياقلبى تتعذب من غير ثمن
لما الكرامة تهون
يبقى علية العوض
ولما الحبايب تخون
برده عليه العوض
ولما الخسيس الرخيص يغلا
والفلوس تبقى من الشرف اغلى
لما العزيز يتهان
ويرخص الانسان
يبقى عليه العوض
ادام مرآية الزمان
وقفت اشوف نفسى
من الغربة والهوان
ماعرفت انا نفسى
شوفت صورة حد غيرى مش انا
صورة حزين مهموم من غدر الحياه أتهد
صورة انسان مكسور ماوقف جنبه حد
صورة شبح مجهول شعرة من الهم أبيض
ماعرفت انا نفسى
وبكيت على نفسى
ادام مرآية الزمااااااااان
قالوا أهل زمان الناس لبعضيهم
وقالوا لى فى الاحزان والشدة تلاقيهم
والحب والحنان يطمر اوى فيهم
لقيت ده كله كلام
ولقيت ان الضمير باع
وسوق المحبة خداع
والناس عمالة تآكل فى بعضيها
قلبى يامسكين
ظلموه الغالين
ورخصنا وبقوا على البعد يقدروا
فكرنهم ناس واتارى الناس فى الغربة بيتغيروا
يازارع الصبر مش باقى عندك منه عود
تهديه لقلب انجرح يمكن آماله تعود
روحت للعطارين كلهم
والرد كان واحد
لحد عارف يزرعه ولا ارض بيه بتجود

الموضوع الاصلي  من روعة الكون