اسيرة الصمت والمكنسة السحرية

بسم الله الرحمن الرحيم

السلام عليكم ورحمة الله وبركاته





في يوم من الايام دق جوالي وظهر لي رقم ما اعرفه .
قلت في نفسي من هذا ؟
غريبه ! خير اللهم اجعله خير ، انا من الصبح وعيني اليمين ( بترف ).<<< شغل مصاريه عقب الظهر .

عادة ما احب الارقام اللي ما اعرفها < رجاء لا احد يفكر اني مديون واتنحش .

رفعت السماعه ..<<<< يا اللي ( ما نيب قايل ) شلون جوال وترفع ترفع السماعة ..
<<< قديم الاخ



الوووووو .. طويله وبثقل مع تنحنح اول الألووووو
وتوقعت يصير صوت ناعم << آآآها بس


بس للاسف طلع تمساح ولا غاسل وج بعد
قال بكل ثقة : الدكتور عـ1نقت <<< مشوها :)
توقعته يقول عمك اللي باستراليا مات وانت الوريث الوحيد (( متأثر بالتمثليات المصريه )).



قلت : نعم ؟ أي خدمه ؟
قال : يا اخي انا من الشركه الفلانيه وعندنا مكنسه عجيبه ، تعتبر من افضل ما اخترع في السنوات الاخيره.
تغسل وتكنس وتروش عيالكم وتنظف وسايدكم وممكن تصير قدر ضغط تطبخون فيها
.. يعني مكنسه ( مسكته ) اقدر اقول انها ( مكنسه سحريه ) بتكون اذا اشتريتها اسعد رجل في العالم
<<<< اتخيلني إذا طلعت للدوام شايل سطل وقاعد أركض مثل هايدي لاني اشترى مكنسه اقول اهجد بس.
بعدين قاااال : يا ليت تسمح لنا نحدد معك موعد لتقديم عرض للمكنسه في بيتك ؟
قلت وانا تسبدي حايمه : انتم حقين المكنسه اللي شوي وتخلونها صاروخ ( توما هوك ).. من كثر الاشياء اللي تسويها ؟
قال بكل ثقة وقواية وجه : نعم .
قلت له : معليش قبل ما اقول شيء .. انتوا كيف جبتوا رقمي ؟
قال : من صديقك ( توفيق )..<<<< يحب المقالب ويستمتع انه يسوي فيني مقلب.
ويقول انك تدور المكنسه وانك فعلا عندك رغبة بالشراء ويقول صيدوه آخر الشهر إذا طلع الراتب .

وقال ان لك اسبوع داااايخ تدور رقمنا ، وانك عندك كاتلوجات المكنسه وانك معجب فيها مرررررررره
قلت : كل هذا قاله ( توفيق )؟؟ .. وضحكت بيني وبين نفسي وقلت هين اوريك يا عيار .

قلت له : طيب صديقي توفيق .. اشترى منكم .؟؟؟؟ واذا اشترى انا باشتري .. <<< عارفه لا يمكن يشتري شيء .
قال : لا ما اشترى .. قلت : ليش ؟
قال : انه يقول ان عنده دوره خارج الدمام لمدة ستة اشهر ؟ <<<< كاذب عليهم .
وانه بيشتري إذا رجع للمملكة. <<< ايه هيّن

قلت وانا فيني الضحكه : اهاااااااا اجل هو قال كذا ؟
قلت اسمع يا عزيزي .. انا بصراحه الاخوان من شركتكم حضروا لبيتي وقاموا بالعرض من زماااااااان ..

وقالوا ان المكنسه تسوي وتسوي .. وتنظف الهواء وتقتل ( البراغيث ) اللي على مخداتنا .
وطلعوا لي صوره فيها صور البراغيث اللي يقولون ان الاف منها
تعيش في المخدات في البيت وما تنشاف بالعين المجرده . <<<< بصراحه ما احترمت نفسي يوم قالوا هالمعلومه وقمت اضحك بشكل هستيري .
ولو تبي جب مخده ونطلع لك البراغيث اللي فيها ..



قلت للي سوا لي العرض : هالحين هالبراغيث اللي ما تنشاف بالعين المجرده لها سنين معنا وعلى مخداتنا على رأيك.
وما عمر جانا شيء والحمد لله ..يا اخي اخاف نقتلها ويصير لنا شيء .. لأنها يمكن صارت لقاح لكثير من الامراض .

الخلاصة يا طويل العمر بنبره جاده ؟ بصراحه ما ني مهتم بالشراء.

قاااال : ليش؟ باستغراب .

قلت : اولا السعر غالي ( 7000 ) ريال ..
وبيني وبينك اقدر اجيب بالسبعة الاف ريال شغالة ثانية لمدة سنتين ولا تحتاج صيانه بعد .
ثانيا : ملزقين بهالمكينه مجموعه من القدور تقولون انها هديه .. بس انا ما اعتبرها هديه .( اعتبرها جزء من الصفقه ) ..


قال : صدقني راح تستفيد من المكنسه وما راح تندم .
قلت له : الخلاصه اني ما عندي رغبه اشتري لكن باحاول اقنع الاهل انهم يشترونها


قفلت الخط .. وكنستهم كنس ..لاني أيعرف انهم ( نشبتن بالحلز ) ..

فكرت كيف ارد المقلب لتوفيق ..
قلت لواحد من الشباب جنبي ..
طالما انه ما يعرف صوتك...وش رايك تكلمه على انك انت الشركه نفسها اللي اتصلت علي .. وباعطيك سيناريو الحوار ..
وخليته يكلم توفيق خلونا نشوف وش دار بالمكالمة .

((( السلام عليكم معك شركة المكنسه الفلانيه ... وصديقك الدكتور عـ1 نقت طيفك اللي ارسلتنا له <<< ملزم انه دكتور :) ..
قال لنا : ان ما عندك بعثه وانك ما تعديت الدمام
.. وانك عندك رغبة انك تشتري بس اقساط بس مستحي .. )))

قال ( توفيق ) ..<<<< والعذر جاهز : انا مو موجود بالدمام الآن .. واذا رجعت من الرياض اكلمكم .

قال اللي يلعب دور موظف الشركه : شف انا عندي مديري .. وابيك تقنعه اني بائع ممتاز لانه يقول اني ما اجيب زبائن وما عمري اقنعت احد ، وهو بيكتب فيني تقرير و ناوي يعطيني انذار اذا ما قدرت اجيب زبائن..

وقام واعطاني التلفون على اساس اني المدير : غيرت صوتي وقلت : هالواااوووو .. كيفك استاز توفيق ..
قال : الحمد لله .. ترى الموظف ممتاز وذوق ومرتب ، وبغى يغير الموضوع .. وهو مستعجل : خلوني اعطيكم رقم صديق آخر ..
قلت له : ما عجبتك المكنسه يا توفيق الدب ... انا عندي لك مكنسه غيرها ..
قال : وشي ؟؟ قلت : مكنسه الساحره اللي باركبك عليها وباضبطها على سرعة 200 .. وباخليها ( تمحط بك بجدار ) ..
وضحكة ضحكه عاليه .. قال : ناصر ؟؟ الله يهديك بس .. قلت له : اجل بتورطنا مع هالشركه اللي ( تفخوا ) راسي من كثر الاتصالات
وصرت اعجز اصرفهم بالرغم اني اقول ما عندي رغبة في الشراء ..يعني لزقات ( تدزه ويوطى رجلك ).
فصرت من تالي اقول اول ما يتصلون علشان انهى الموضوع :
انا راتبي 1500ريال واشتغل في كابينه تلفونات ، ومقسط وانيت والديون راكبتني وإذا عندكم وظيفه وظفوني معكم
فتلقى موظف المبيعات يقول : طيب طيب مع السلامه .

قلت لتوفيق :.. يا تسذاب اجل قايل لهم انك في دوره لمدة ستة اشهر ؟؟ يا حبك للكذب ..
وبعد ما ضحكنا شوي على المقلب ..


جلست افكر .. واقول ... فعلا لو موجوده مكسنة الساحره ( والله لاشتريها ) على الاقل افتك من مراجعة المرور ..
واخلص من حقين السرعه على الطريق الدائري ..
وافتك من الصيانه والوكالات.

تروح لمعارض المكانس فروع مصانع ( عُمان ) وتلقاهم موقفين هالمكانس ..
اللي جديد واللي استعمال حشمه واللي استعمال امريكي ..
مكنسه Clk مرسيدس ..
عداد الكيلوا مترات 0 ... السعر 100.000ريال
.المكنسه نظيفه وما عمر كنسوا فيها حوش .
7


بصراحه سرحت بخيالي .. وقلت ..
يا سلام والواحد ( مسفّح ) فوق المكنسه .. والهواء يهفف .. وانت دايخ ما تدري وين تروح ..
7



ومنها نفتك من السواق وغثاه ويصيرن الحريم يسوقن من دون اذن المشايخه ..
ويطامرن على هالمكنسه بعيدا عن مضايقات شبابنا على الارض ..

وبيفتك الزوج من الروحات للعروس ، وساعات الانتظار لأن المدام ما تقدر تسمع الجوال اذا اتصل عليها
بسبب الطق والطقاقات ، ( وحمامن جانا مسيان ولا سلم عليّا ) .. <<< يمكنه مزاعلك؟

فعلا هالمكنسه بتخدم كل الرجال اللي يجيبون حريمهم وانتظار ساعه في ذا القصور اللي ما فيها مايكروفون ..
يصفونك عند الباب وينادونك .. كل هذا في سبيل اذلال الرجل .. ذل ما بعده ذل
ويصير مع السواقين واقف ما غير يطقق اصابعه ( عنتر ) <<< قاهرني هالموضوع مع اني ما عمري جبت ولا وديت.


اذا صارت الحرمه ملبقه المكنسه بسطح القصر ..
وتصير مستقله .. متى ما خلصت ...تركب على المكنسه راجعه لبيتها .
7


والله وناسه

الخلاصه من هذا كله


انا سمعت انك ياأخت اسيرة الصمت عندك مكنسه سحريه هل هذا صحيح ؟؟؟

وكيف اشتريتيها ؟؟؟



وبالعربي انا مندوب مبيعات << امس كان يشتغل في كبينه

وحبيت اني اوريك العرض ماودك تشترين من عندنا مكنسه سحريه



الرجاء الاتصال في اقرب وقت وتعطينا العنوان عشان العرض << تأثر الاخ


وعسى ماتزعل اسيرة :)

الموضوع الاصلي  من روعة الكون