الله على اللي حين تدرج رويده

الذيب الافحج · #1 (**permalink**) 01-12-2006, 12:55


	الله على اللي حين تدرج رويـده خذا الاشـاره جاهـزٍ بالتمامـي ان شلعت مع الغيـوم النضيـده اسهام شيهانٍ بوسـط الغمامـي تقطع مهاميـه الديـار البعيـده دعاء السفر يقراء عليهم اشمامي صوت المحرك يوم يرجف رعيده منوة غريبٍ صاب قلبه هيامـي الحول زل ومبعـدٍ عـن وديـده وتقطعـت اخبارهـم والعلامـي بينه وبين صويحبه لـه وعيـده واقبل عقب فرقاء وقلبه عدامـي من لهفته كن الضمائـر وقيـده وعد الدقائق كنها صرف عامـي انـا بلايـه واحـدٍ مـن بديـده ماهو من الادنيـن ولا العمامـي كم واحدٍ جته البلاوي من ايـده وكم واحدٍ انصاب من غير رامي ياويل من شقر الجدايـل اتكيـده اقفى وبيبان الضمائـر حطامـي مع التحيه الى من يهمها الامر... الذيب الافحج

لحــ المفارق ـن · 01-12-2006, 03:18

احــساس رســام · 01-12-2006, 05:10

لها ساري · 08-12-2006, 08:05

الذيب الافحج · 10-02-2007, 07:16

الذيب الافحج · 10-02-2007, 07:27

الذيب الافحج · 10-02-2007, 07:29

مــنــتــدى هــمــس الــقــوافــي