مسابقة اجمل نكتة ؟؟؟؟؟؟؟؟

معلش النكتة طويلة شوية بس حلوة و الله وتستاهل القراءة إن شاء الله




واحد سمعه تقيل واقف على محطة الاتوبيس
اقترب منه واحد اخر لا يعرفه ( بالصدفة سمعه تقيل أيضا )
و دار بينهم هذا الحوار

* الاتوبيس ده بيروح مصر الجديدة ؟

# ايه على الحديدة ؟ انتا طالب إحسان ؟

* كتان ؟ هو انا بتاع قماش يا حمار ؟

# جزار ؟ إنتا عايز تشترى لحمة ؟

* اه زحمة ... أصل دى ساعة خروج موظفين

# نور الدين ؟ لا و الله معرفوش

* متشربوش ؟ ليه كفالله الشر ؟

# راس البر ... ده مصيف هادى

* المعادى ؟ دى ضاحية جميلة

# بليلة ؟ انتا جعان ؟

* تعبان ؟ طب ما تروح للدكتور

# حنطور ؟ دى مواصلة سهلة بتودى لحد الباب

* هباب ؟!!!!!!!! و أنا اللى فاكرك محترم

# اتخرم ؟ هو مين ؟

* اسبرين ؟ انتا عندك صداع ؟

# قراع ؟ ده مرض خطير

* فطير ؟ ده تقيل ع المعدة و كمان غالى

# خالى ؟ ده راجل كبير فى السن

* جن ؟ انتا عليك عفريت ؟

# كبريت ؟ مش تقول انك عايز تولع ؟

* ادلع ؟ ادلع عليك انتا ؟ هو انتا تملا عنيا ؟

# كلكوا عليا ؟ طب ليه ؟

* بيليه ؟ دا لاعيب كورة

# صورة انتا معجب بيا ؟

* لية ؟ انتا عندك خروف ؟

* حلوف ؟!!!! اهو انتا اللى ستين حلوف


اتخانقوا مع بعض و بدأوا فى تسديد اللكمات

اقترب منهم ظابط شرطة و فض الاشتباك ( بعد ان ضرب كل منهم على قفاه )
و سألهم بصوت عالى

• بتعمل هنا ايه انتا و هو يا اولاد الــــــــــــــ ؟

ردوا فى صوت واحد

* أبدا يا باشا مستنيين الاتوبيس
# أبدا يا باشا مستنيين الاتوبيس



رد الباشا

• جواسيس ؟!!!!!!!!!!!!!!!



يا رب تكون النكتة عجبتكم