طلبات الحريم بحروف الهجاء

سلام عليكم
طلبات الحريم بترتيب حروف الهجاء

الالف : ابي فلوس بروح معزومة على شاى ضحى ( يالله صباح خير ).

الباء : بكره ابيك توديني لبيت اهلي عندهم عزيمة

التاء : ترى اليوم انا ماني مسويه عشاء روح للمطعم جيب عشاء (عادي حلو التغيير )

الثاء : ثلاث اسابيع ما طلعنا للملاهي يالله ودنا اليوم (وهي صادقة )

الجيم : جيب خدامه تساعدني بشغل البيت.........(والبيت نص شقة )

الحاء : حبيبي..ودى بساعة شو بارد ,مليت من ساعتي الاوميغا (يمدحون ساعات الهنود )

الخاء : خل الشباب اليوم..انا عازمتك نتعشى بره, بس على حسابك.

الدال : دور لنا فله على 3 شوارع وفيها سرداب (تلقون راتبة 3000 ريال من وين ياحسرة )

الذال : ذيك السنة (قبل 10 سنوات) قلت لك اشتر لنا سيارة فان اوسع وما شريت .

الراء : روح قدم على إجازة خلنا نسافر لاوروبا ,,اووف حر ( الظاهر إن أوروبا قريبة..قبل الخرج بعشرة كيلو )

الزاء : زيد مصروف البيت هذا ما يكفي اغراض البيت .

السين : سجاد البيت صار قديم ....غيره يا اخي (السجاد ما كمل 6 شهور )

الشين : شيل ولدك شفه يصيح هناك,انا تعبت من العيال .. ( الظاهر اني شغالة )

الصاد : صفف ملابسك هناك متنثرة,مليت وانا القط وراك . ( الله يعين الي باخذها على ملابسي )

الضاد :ضبط اوضاعك..ترى كبرت المسؤولية..( توها والده )

الطاء :طالع السيارة سكراب تفشل قديمة, نبي شبح . ( ودك تشتري سيكل غمارتين وتركبها فيه )

الظاء : الظاهر انك ما تحبنى..ليش ما شريت لى العقد الالماس اللى بغيته!(حب بالالماس بس )

العين :عيوني..اليوم شفت فستان عند زوجة اخوي يجنن يطير العقل (ماتلمح ابد )

الغين :غير يا اخي اسلوبك معاي...كله برود (معاها حق )

الفاء :فديتك حبيبي وين تبينا نسافر هالصيف؟

القاف :قدر يا اخي شوي...كل شغل البيت على راسي...تكرم وساعدني شوي .

الكاف :كفاية ملينا من هالبيت متى راح تسوى لنا بيت اكبر من هذا .

اللام :لامتى بنقعد محبوسين في هالبيت لا نطلع مثل الخلق ولا غيره .

الميم :متى بتوديني لبنان مثل ما وعدتني قبل ؟؟ ( لا وديتها الطائف ذاك الوقت تفكر اوديها لبنان )

النون :نبى نحجز شاليه شرم الشيخ طول الصيف ..لا تنسى !

الهاء :ها عاد..ترى اروح بيت اهلى! اذا مو قد الزواج وتكاليفه ليش تخطبنى؟؟

الواو : ورني شطارتك رح عند اخوك خذ منه الورث( ياحبها للمشاكل)

الياء :يالله ايدك على 2000ريال رضاوة..لانك زعلتني وكسرت خاطري

الموضوع الاصلي  من روعة الكون