]المشكله لاصرت .. محتاج .. لإنسان
بالحيل محتاجه وهو ماشقى فيك
والمشكله وأكبر مصيبه إلى الأن
إذا عشقت إنسان يرفض مباديك
والمشكله لأشقيت نفسك على شان
إنسان (مايسوى) تعبك ومماشيك
والمشكله لأعطيت قلبك لخوان
همه كذا يلعب .. وثم ٍ يخليك
والمشكله لاصرت بالحب ربان
والموج خانك ثم خيـّب هقاويك
والمشكله لاكنت .. مانمت سهران
لجل ألذي أصغر طموحه .. يبكيك
والمشكله لاكان هو قرّ الأعيان
تشتاق له دايم وتلقاه جافيك
والمشكله (وأكبر قهر) إن الاحزان
ماتلفي إلا من يحبك ويغليك
والمشكله خِـلك تجازيه بإحسان
ثم تكتشف انه بغدره يجازيك
والمشكله لاقال انا وأنت خلان
ولا دار ظهره أعرف الخل ناسيك
والمشكله لاطحت بإنسان وإلسان
يزعلك مره ثم يرجع يراضيك
والمشكله ياناس لاكنت غلطان
ودك تصحح موقفك بس ينهيك
والمشكله لازاد صبرك بالأزمان
ولاقلت هانت منه كثرت بلاويك
والمشكله (موقفك) من صاحب ٍ بان
أتفه سبب خلاه يركض يخاويك
والمشكله لاكنت بالحيل مرضان
وإدواك مع خلك ويرفض يداويك
والمشكله لاكنت بالحيل ولهان
ودك بقربه.. بس !! ماوده يجيك
والمشكله لاكنت لي حيل شفقان
وتلومني ومدري انا كيف أداريك
والمشكله (وأكبر جريمه) إذا كان
خلك يحب إنسان دايم يعاديك
والمشكله لاغنـّو الناس يادآآآن
والحزن مآلي بالليالي (مخابيك)
والمشكله لاكنت في بعض الاحيان
تلقى من يشـوّه بفكره معانيك
والمشكله حظك إذا كان تعبان
أكيد يظلمك الدهر ثم يشقيك
وياشينها والله اذا طحت يافلان
بين المشاكل كيف تـَثبت خطاويك
بس الأكيد أصبر .. ترى الصبر عنوان
وأعرف ترى لابد في يوم ينجيك
8888888888
مع فائق الحب والتحيه والاحترام
....
الموضوع الاصلي
من روعة الكون
آخر 10 مشاركات
27-07-2007, 04:19
المشكـــله ..!! قصيدة للشاعر:اسعد السحيمي رووووعه
العرض العادي
